آآآآآآآآه ياطفلي.. هل اكويه بعد ماعجزوا عنه الاطباء

سلام للجميع

ماني عارفه كيف ابدأ
سبق واني طرحت مشكلة ولدي هنا ( بس حاليا اختلف الوضع بعد ما اثبت خطأ التشخيص )

كانت مشكلة ولدي انه ولد سبع شهور وجلس شهر في الحضانه
بعد ماطلع ةبعد مرور خمس شهور لاحظت انه مايحرك رجوله مثل غيره من الاطفال قالوا لي الحريم اصبري الطفل صغير وممكن لين عظام )
جلست اشمسه كل يوم واعطيه فيتامينات ولا لاحضت تحسن

قررت اخذ له موعد عند دكتور اطفال وبعد الفحص قال سوي اشعه مقطعية للمخ
وبعد ماسويت قال الدكتور عنده ضمور بسيط في المخ وراح يتحسن !!!!!!

وسوي علاج طبيعي وبعد ماسويت وخسرت كثير ما لاحظت تحسن قررت اراجع فيه استشاري مخ واعصاب


الى هنا كانت المشكله اللي عرضتها وماقصروا الاخوات اقترحوا علي حلول وحاولوا يساعدوني



المهم اخذت موعد عند استشاري مخ واعصاب شاطر في مستشفى حراء العام ( مكه )
شاف الاشعه المقطعية قال مو اكيد الضمور سوي اشعه رنين هي اللي تبين الحاله اكيد واعطاني موعد بعد 3 شهور

سويت الاشعه ومن جاء موعد الدكتور حضرته اخذ اجازه واخروا الموعد لي شهرين ثانيه

ما ارتحت خلال هذي الفتره رحت للمستشفى اخذت الاشعه ورحت للمستشفى الالماني في جده عند دكتور اسمه اشرف الهاروني

شاف الاشعه قال ممتازه ماعنده ضمور (( بغيت ابكي من الفرحه لان الضمور مو سهل يارب لك الحمد)
حاول يشخص حالته ماعرف قال هذي الحالات مالها علاج محدد ومو معروف السبب ممكن يتأخر بس ما اقدر اقول كم

المهم اعطاني فيتامينات وقال روحي لمركز علاج طبيعي


المهم قررت اروح لجمعية الاطفال المعوقين في مكه لعل وعسى يعرفون حالته وعندهم اجهزه مطوره (( صار عمره سنهوخمس شهور ولا يثبت رجوووووله ابدا ولا يحركها إلا اذا نغزته يبعدها يعني فيها احساس بس بسيط ومن يجلس ضهره مقوس ولا يحبي طبعا )

المهم اخذت موعد الجمعيه وشاف الاشعه وفعلا قال مخه جدا سليم وكل شي سليم النطق والتركيز والفهم الحمد الله بس مانقدر نستقبله غير وانتم عارفين السبب الحقيقي حتى نعرف اذا العلاج يفيده او لا وقال استمري عند دكتور في حراء افضل المستشفيات العامه لانه محتاج دراسه كثيره



المهم جاء موعد الدكتور الجابري في حراء وقال اشعته سليمه بس جسمه رخو مررررررررره غريبه مدري ليه؟؟؟؟؟؟؟

طلب تحاليل دم وارسلها للرياض ( للاعصاب المرتبطه بالعمود الفقري )
واعطاني موعد تخطيط عضلات
( وياليل ما اطولك على المواعيد )
وفوق هذا كله موعده هو بعد اربعه اشهر





صرت احزن من اشوف ولدي يجر نفسه على بطنه والله يحزن كل من شافه حزن عليه يجر نفسه بقوه كانه مشلول يارب لطفك فيه صرت ابكي عليه وافكر اذا كبر لاقدر الله وماتعالج كيف اوديه للمدرسه ووو وربي يحزن خاصة وانها ماشاء الله خفيف دم وروحه حلوه ويضحك وعليه تعبيرات ماشاء الله عليه رغم ان عمره سنه ونصف


خلاااااااااااال هذي الفتره وبعد ماشفت ولدي يكبر ويثقل ولا فيه تحسن قررت اسلك طرق اخر وهو الطب البديل ( التداوي بالاعشااااااب )
وحده من صديقاتي قالت ممكن ولدك عنده حاجه اسمها عصوص وديه لدايه
قلت لزوجي والغريب ان زوجي قال نفس الكلام قال فيه واحد من اصحابه قال احتمال حالته ولدك عصوص او شويكه


سالنا عن دايه شعبيه لقينا وحده في مكه اسمها ام عبد الرحمن اتصلت عليها وشرحت لها حالة ابني قالت هذا شويكه انتي جيبيه اشوفه

رجت لها قبل اربعة ايام بعد ما كشفت عليه وعلى عاموده الفقري قالت ماعنده شويكه

عنده اخر فقرات ضهره فيها فراغات


عطتني اعشاب وزيت قالت استمري عليه 10 ايام واذا مافي تحسن جيبيه اكويه لك واطقطق الفقرات بالكوي


هنا جاني امل كبيييييييييييييييير وقلت ان شاء الله العلاج على يدها بعد توفيق الله ورحمته في ولدي




<< ---- طولت اعرف

المهم تحملوني وادعوا له

جاء شي جديد


كنت في مستشفى اراجع ولدي الصغير 20 يوم وكان هذا معي كنت في الاستراحه وكانت وحده جالسه قدامي جالسه تسمعني وانا اتكام عن حالتة ولدي لزميلتي بالجوال جات وقال هاتيه عندي راح اعالجه باذن الله استغربت قالت انا طب بديل

بعد ماشرحت لها الحاله وشافت ظهره قالت ماعنده فراغات :16: بس فيه عضمه مايله هاتيه عندي واعطيك علاجه وسالت عن الدايه اللي رحت لها قالت هذيك ماعندها غير الكي:22:

قالت علاجه بالاعشاب اخذت رقمها وما قررت بعد



المهم وتستمر حالة ولدي بالتعقيد
بعد ماكشف الدكتور على ولدي الصغير قلت دكتور بستشيرك بحالة ولدي هذا

بعد ماشرحت حالته قال هاتيه اشوف ضهره
كشف بايده قال عاموده سليم ومافي اي خلل :16: بس جسمه رخوا كثير
قلت يادكتور المواعيد هنا طويله وولدي يكبر قال راح اتابعه لك مع دكتورك وراح اسوي لك اشعه ظهر ونشوف الحاله




لذا يابنااااااااااااااااااااات

انا والل مشوشه هل انتظر مواعيد المستشفيات وولدي كل يوم يكبر الحمد الله وتصعب حالته

او اوديه اكويه عند ام عبد الرحمن خاصة وانها بدأت واثقه من شفاءه بعد رب العامين

اعشابعا صار لي اربعه ايام ولسه مافي تحسن او اصبر عليها خاصه وانها قالت بعد اسبوع بتشوفين تحسن

وسامحوني طولت عليكم بس مالي غير الله ثم انتم اذا احد مر عليها مثل حالته ولدي تقولي وجزاها الجنه