السلااااااااااااااااام
<- تحب مشاكل هالسن
الي يقول عمري 40 :35:
شوفي حبوبة ,, انا عمري 18
يعني قريبة منج ,, خجولة اي ,, بس ادوس على خجلي بالصراحه ,, يعني يمر علي موقف ,, استحي منه ,, بس بيني وبين نفسي ,, اقول : لا لازم اتكلم ,, اعبرعن نفسي ,, لا تكتمين بقلبج ,, "" سبب غضبج السريع ""
خلي الي في قلبج على لسانج ,, لا تستحين ,, ليش انتي تقولين شي غلط ؟ مسوية شي غلط ؟ كلامج فيه شي غلط ,,
لا طال ما انتي تقولين شي صح و كلامج عدل ,, لازم ما تخافين ,,
خليج صريحة بأدب ,, جريئة بادب ,, اجتماعية بادب ,,
كرري بينج وبين نفسج ,, انا اقدر اغير نفسي ,, أنا أقدر أغير نفسي .... الخ ,, قوليها وانتي واثقه في نفسج وانج فعلا تقدرين تغيرين نفسج ,,
تستحين مثلا لم تكلمين أحد أكبر منج ؟ او ناظرة المدرسة او أبلة عندج ؟
انا كنت لم ايي اكلم ابلة من كثر ما انا استحي ,, أتأتئ بالكلام ,,
بعدين تضايقت من هالشي ,, تضايقت من نفسي ,, الابلة حليوة و تحب تسولف و عادي ,,
بيني وبين نفسي ,, " ما قلت حق احد " ,, مشيت شوي شوي ,, مرة اروح لها بالغرفه اسلم عليها ,, عادي ,, سلام شلونج شخبارج ابلة ,, خلصتي ,, يالله عيل ما طول عليج مع السلامة ,,
المرة الي وراها حاولي انج وانتي ماشية بالممر تشوفين وحده ,, ابلة تسلمين عليها ابتسمي ,,
اقولج على شغلة ,, لم تمشين ,, خلي ظهرج مستقيم و راسج مرفوع " يعني بمستوى طبيعي " مو تكسرين رقبتج :D ,, و طالعي المكان الي تبين تروحيلة ,, وخلي خطوتج واثقة ,, ممكن يعزز الثقة ,, امشي و طالعي وين تبين تروحين , وانتي تمشين شي طبيعي بتشوفين بنات من زمان مو شايفتهم ,, ابتسمي ,, ابتسمي ,, ابتسمي ,, خلي بسمتج كلها روعة <- يا سلاااااااااام ,, لم تضحكين ,, تمتعي بضحكتج ,,
انتي قلتي انج تضحكين على اي شي ,, علمي نفسج الثقل شوي ,, <-بدينا بالخراب خخخخ ,,
لا جد كوني ثقيلة ,, حطيلج مكانة بين الناس ,, لا تضحكين على اي شي ,, علمي نفسج الاكتفاء بالابتسامه في المواقف العادية ,,
و إذا تبين تضمين صديققاتج مثل ما تقولين ,, ابدي تعلمين نفسج بالسلام باليد ,, منها فائدتين ,, الاولى ,, تطيحون سيئات والثانية تدريب على الضم :35: ,, ليش تبين تضمينهم ؟؟ ,, انا ما اضمهم الا اذا ما شفتهم من دهر ,, اما مني والطريج و يات وحده تبي تضمني يصير عندي فن قتالي ,, :11:
و لم تطلين بالمنظرة تغزلي بنفسج ,, بس لا تنغرين بنفسج لو سمحتي :11:
يعني طالعي عيونج تمقلي فيهم ,, ترا حلوين :D ,, شوفي خشمج ,, سوي حركات ,, قفلي عليج البااااااب و كشخي حق نفسجججج ,, وجابلي المنظرة ,, و تخيلي انج قاعده و جدامج جمهووووور و سوي نفسج تقدمين برنامج بس لو سمحتي لا تفكرين بهالي اسمه ستار اكادمي ,, أرف ,, <- تحطيم ,, قطيه ورا ظهرج ,,
شوفي الكلام الي يعجبج ,, خليه ,, والي يضايقج ,, سحبي عليه سيفون ,,
ادري اني طولت بس خذيت كل سطر من سطور مشكلتج و ان نسيت شي قوليلي ,, وبعدين عادي انتي في مرحلة المراهقة شي طبيعي تحسين انج مهزوزة شوي ,, عاندي هالاحساس ,, سينتج عنه انفجار شخصية متألقة <- اروح ملح :27:
و يالله اسفة عالاطالة ,, و نوم العوافي حبيبتي
اووووختيييييك في الله ,,
الصفحة الأخيرة
وهذ ناتج عن تغييرك الجسدي حبيبتي