صباحكم خير ونصر وفتح من الله لأهل السنه في كل مكان والتفاؤل زين يحبه الله ورسوله,,,,,,,,,,,,,,,,,
سبحان الله رغم الحزن إللي فيني وأكيد في كل مسلمه غيوره على دينها من كل إللي نشوفه في الاخباريات والصحف والنت من الظلم والبطش والتسلط :44:احس بالكأبه وفوق هذا وزود أنا ساكنه بمجمع عسكري سكني والحين أنتهى عقد الإيجار وكانت مدته 12سنه والله ماهي هينه عشرة عمر أغلبنا جبنا أولادنا مع بعض قريبن في السن ويدرسون في نفس المدارس وحفضنا أجزاء من القرآن مع بعض وإذا ولدت وحده منا قمنا بعض وإذامرضت وحده هم قمنا بعض وكل وحده من تعزم الثانيه للفطور بين فتره وفتره وبالأضافه لفطورات برمضان آآآآه ماأحلاها من أيام:icon33::icon33: واغلبنا ماكنا نسافر بالاعياد قبل مايكون رمضان إجازه نصلح فطورات والحلى والحلاوا وننزلها للرجال بصالات المواقف وأحنا نجتمع مع بعض في بيت وحده وكل وحده تجيب فطورها معها ونحطها على السفره ونفطر وضحك وناسه وبخور العود والعطور بعدين نروح لكل وحده بالبيت قهوه وبخور وبعدها لثانيه وهكذا آآآه ياارب لاتحرمنا من بعض والعيال والبنات تحت مع الرجال يطرطعون صحيح فقدنا لمة الأهل لكن بالجيران عوضنا ببعض ونجتمع في يوم من الأسبوع نسمع لبعض قرآن وعددنا 5مابين شماليه لجنوبيه لغربيه بالأضافه لدرس عن أي موضوع.... والوحده أذا ولدت تحط أولادها عند القريبه من بابها ونقوم في بعض حدود15يوم حتى الأغراض إذا أشترينا شئ من ملابس وعطور أقمشه على طول نشوفها مع بعض إلا ملابس العيد نقول لبعض نشوفها في صباحية العيد ,,,,,,, يالله عرفت معنى الاخوه معاهم والفضل بعد الله يرجع لحبيبتنا أم معاذ اكثر من أخت أذا سافرت وأنا ماسافرت أبكي والله عليها أحس بفقدها هي إللي جمعتنا في الله وغرست فينا حب القران وحفظه دروس أسبوعيه الله يوفقها ويصلح لها النيه والذريه ويسخر لها زوجها ويعافيها ويكتب اجرها وأجر فعلها معانا,,,,,,
المشكله الحين بننقل كلنا في أسكان ثانيه وأخاف مايحطونا مع بعض:44:يحطون كل وحده في بيت أدعو لنا أن ربي مايحرمنا من بعض الله يسعدكم والله العظيم يابنات أني أكتب ودموعي:icon33:تنزل ماصدقت بالنقل إلا يوم شفت الكراتين جابها زوجي:arb: ويقول لي يالله أبدئي من الحين جمعي الأغراض :icon33:ادري كلامي ملخبط لكن هذا إللي في قلبي الحيين ولاتحسبونا كبار في السن أكبر وحده بنتها في أول ثانوي سكنا وعمرها كان4سنوات سبحان الله يالأيام تمشي بسرعه كأنها كانت أيام وليست سنين
يارب أدم المحبه بينا ولاتفرقنا عن بعض وزوجي يقول بأذن الله أن بنكون مع بعض ومتجاورين معاهم لكن احساسي يقول!!!!يارب أسكن بجوارهم
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
الجار حقه عند الاسلام منشور .......... واوصى عليه المصطفىباختياره
الجار جار ولو مشى الجار بالجور .......... احفظ وقارك لا عثر في وقاره
اصبر وخلك مع هل الخير مستور ......... لابد ما يرحل وتنسى جواره
ياتي بداله جار بالخير مذكور ........... تفرح بقربه لا لصق لك جداره
جار مع الجيران بالراي والشور .......... ما يختلف لا قرروا في قراره
ما يستمع لهروج نسوان وبزور ........... للطايله سباق راعي خياره
جارٍ على الحاره كما شامخ السور ........... في خدمة الجيران ليله نهاره
لا شك يانازل من الدور بالدور ............ انشد عن الجيران واشتر خياره
تمت وصلى الله على مظهر النور ........... ماحج بيت الله وعمره وزاره
للعلم يعلم الله ماقلتها رياء( شوفونا نحفظ القرآن كله بفضل الله ثم جمعة جاراتي ) هذا فضل من الله دين ودنيا
لانا ياعيوني @lana_yaaayony
كبيرة محررات
يلزم عليك تسجيل الدخول أولًا لكتابة تعليق.
ايوه الله قلبتي عليا الموااجع
كانت عندي جاره مثل العسل
وافترقنافي مناطق ثانيه
على رقم التواصل بلجوال والنت
إلا مالو طعم مثل ماكنا سوى
كانت عندي جاره مثل العسل
وافترقنافي مناطق ثانيه
على رقم التواصل بلجوال والنت
إلا مالو طعم مثل ماكنا سوى
آااااااااااااه :icon33::icon33: قلبتي علي المواجع ان شاء الله تكونو قريبين من بعضآااااااااااااه :icon33::icon33: قلبتي علي المواجع ان شاء الله تكونو قريبين من بعض
:icon33::icon33:الله يجزاكم خير
الصفحة الأخيرة
حتى وان بعدتوا في السكن حاولوا تتواصلوا ولا تقاطعون بعض