آآآآآآآه من اخوي الابتزازي

الأسرة والمجتمع

والله صدري ضايق :06:ولا لقيت احد اشكو له همي وحزني بعد الله الا انتم ياعالم حواء وياليت تخففون عني مصيبتي اللتي جات من اقرب الناس لي وهو سندي في هذه الدنيا بعد الله تعالى
تخيلو يابنات ماني قادرة انام من التفكير في الموضوع الاليم واحس الضغط عندي ارتفع والسبب اخوي الله لايسامحه
قصتي باختصار ان اختي تبغى تطلق من زوجها لانه حيوان في صورة انسان ولا يستحق كلمة زوج اصلا من يوم ماتزوج اختي وهو معيشها في نكد ومشاكل وضرب واهانة لها ولاهلها المهم بعد ثلاث سنوات من الانفصال عنه طبعا مو راضي يطلق وهي قاعدة عندنا كلم زوجها اخوي وقال انا ابغى ارجع زوجتي كلم اختي وحددت شروط اما يوافق عليها ولا يطلق المهم الصاعقة العظمى ان اخوي اللي هو سندي بالدنيا هاذي قال انا راح اسعى في موضوعك بس تعطيني 10000ريال اما ارجعك واما اطلقك والله يابنات كل السنوات اللي فاتت واحنا نكلمه انه ينهي الموضوع وهو ياجل الى ان تكالبت عليه الديون فاعاد التفكير المهم اختي وافقت انها تعطيه المهم تتخلص من هذا الموضوع الي استمر كل هالسنوات وهي معلقة انا عني زعلت وعصبت وبعدين قلت اذا كان الحل الوحيد ان هالجبل يتحرك خلاص مشكانا لله وحده هو اللي بيرحم ضعفنا مو هالجبل الراكد
قبل شهر تقدم خطيب لاختي الكبرى وافقنا عليه فقال ياله وانتي بعد عطي اخوك الكبير 10000 ريال انا محتاج وعلي ديون انا هنا ثارت ثائرتي وبغيت اتجنن من هالكلام اخوي عشان ياقف مع خواته ويخلصهم من كل هم يحسون فيه يطلب فلوس عشان يخلصهم الله لايسامحه والله يابنات هو مدير مدرسة وراتبه فوق 12000ريال ماعليه قاصر بس استغل خواتي اكبر استغلاغ لانهم مدرسات والله منعم عليهم
بتقولون كلميه وبيني له ان هذا غلط راح ارد عليكم واقول انا ماكلمه لي سنتين بسبب مشكله حصلت بيننا ونزل من عيني بالكلية ولا اسلم عليه الا بالاعياد بس
اش رايكم بموقفه مع اخواته هل هذا الشيء يؤيده ديننا الحنيف ام يمقته ياليت كل وحده تدخل تدعيلي ان ربي يخلصني مما انا فيه ويرزقني بالزوج الصالح اللي يعوضني عن كل هم اوحزن او دمعة نزلت على خدي بحرقة وقهر وانه يكون عون وسند لي في الدنيا مو ابتزازي مثل 0000000000000000000000000
ياليت اللي ترد ترد بكل صدق وشفافية حتى لو كان في ردها قسوة علي بس على الاقل تقولي رائيها بموقف اخوي
وآسفين على الاطالة بس والله العظيم من الموت والقهر اللي احس فيه
28
2K

يلزم عليك تسجيل الدخول أولًا لكتابة تعليق.

تسجيل دخول

J OOOOOO Dy
J OOOOOO Dy
الله يصبركم الحمدلله طيب مافيه من اخوانك ينوب عن اخوك الكبير والله مااادري ايش اقولك بس شي يرفع الضغط
قلب سارونة
قلب سارونة
عليكي بالدعاء اخر الليل والله يصبركم
الحياه ابتسامه
والله صعبه اذا اخوك كذا اجل لاتلومين زوج اختك انه ماانهى موضوع اختك
لانه ماشاف احد يوقفه عند حده او يكلمه في موضوع اختك
المشكله لو اعطيتوع كل مره فلوس راح يتعود وكل موضوع بخلصه بحقه
والاخ هو سند الوحده بعد الله
لكن الله يسخره لك ولاخواتك تسخير العبد لسيده
امييييييييييييييييييييييييييييين
حوريه على الارض
الله يعينكم عليه معقوله فيه اخو كذا كثري من الاستغفار والدعاء له حبيبتي
ذا بيوتي
ذا بيوتي
الله يعينكم عليه معقوله فيه اخو كذا كثري من الاستغفار والدعاء له حبيبتي

ما لكم اخوان غيره؟