آآآآآآه..وحشووني..ودي اشوفهم..يارب رحمتك..تكفون ادعولي..

اسأل الله بمنه وكرمه ان يرحمهم ويغفر لهم واموات المسلمين ........ودائما اذا تذكرتيهم ادعي لهم وتصدقي لهم اذا عندك امكانيه

استغفر الله اختي
هم بدار خير من هذه الدار
ولا تنسي اختي ان الميت لو عذبه احد بالبكاء يدعي عليه
بالابتلاء بموت عزيز ينسيه ذكراه
هكذا يقال
بقص لج سالفتنا ويا الموت
مات ولد خالتي في عز شبابه وهلي ماوقفوا عليه بكاء
لين مات خالي وجدتي واخوي وابن خالتي بيوم واحد

الله يرحمهم ويرحم موتي المسلمين
لايجوز البكاء بعد ثلاث ايام
استغفري ربك وادعي لهم بالمغفره

ياعمري تراك ضيقتي صدري

جدتي توها متوفيه قريب والله العظيم كل يوم اشتاق لها واتذكرها داااااااايم

وش نسوي هذا حال الدنيا

الله يرحمهم يارب

مشكووورين خوااتي...جزاكن الله خير
استغفر الله العظيم..

يارب ارحمهم وارحم جميع اموات المسلمين..واسكنهم فسيح جناااتك..

عظم الله اجركم وادخلهم فسيح جناته..

اجل لو اقولك على قصتي وشدقولين
انا امي توفت من سنتين من بين اديني قدامي تخيلي الموقف وللحين مااقدر انساها
اول شي صار عليهم حادث امي وابوي و اخوي صدمو بعير
اخوي اللي يسوق ماصار فيه شي وهو اللي كلمنا وهم جايين من الرياض
وابوي قعد بغيبوبه 5 ايام وامي صار معاها شلل نصفي من الخصر وتحت ماتحس بشي
الحمد لله ابوي الحين عايش الله يطول لنا بعمره واحنا كنا خايفين من ابوي اكثر من امي
والحمد لله على كل حال ابوي طلع للبيت وامي قعدت بالمستشفى بالرياض واحنا بالشرقيه
وانا تركت الكليه وجلست عندها علشان اكون بجنبها واخدمها تخيلي 3 شهور وانا معاها بالمستشفى مدينه الامير سلطان الانسانيه بغرفه وحده واغير لها واشربها و اروشها
تشوفينها من فوق تقولين مافيها شي بس ناقصها انها تحرك رجولها وبعد الثلاث شهور
سافرت معاها انا وابوي للأردن لااكمال علاجها الطبيعي جلسنا تقريبا اسبوعين بس
وكان يوم الجمعه هي تقولي احس الدنيا ضايقه فيني مثل خرم الابره واحس اني تعبانه
وكلما يكلمونها خواتي تقول لهم احس اني متضايقه بس انا وابوي معاها بالشقه
وثاني يوم صحت الصبح احط لها الفطور قالت لي مااشتهي اكل وتركتها شوي وبعدين حطيت لها الغداء واكلت شوي منه وهي تقول الدنيا صارت سوداء فيني وتستغفر وتسبح وتصلي
وفجأه على المغرب تعبت وابوي تركنا وراح يجيب لها الدكتور وجا الدكتور وقعد يقيس
لها الضغط ماقدر لانه نازل بالمره وهي ياعمري ماكان عندها اي مرض لا سكر ولا قلب ولا ضغط بس عندها الشلل شوفي سبحان الله على طول جاها الضغط مره وحده نزل وقبل لا ناخذها
للمستشفى صلت المغرب و العشاء .
ونقلناها للمستشفى واخذو الضغط ماقدرو يقيسونه لانه بالمره نازل وانا اصيح ودموعي
ماوقفت وحطوها بالعنايه وركبو عليها الاجهزه وهي كل الطريق تقراء وتستغفر
وتحركت رجلها بالسياره شوي ارتفعت.
المهم.
توقف معاها القلب بنفس اليوم وانا عندها وقعدت اصييييييح وطلعوني غصب عني
وحاولو معاها واشتغل ورجعت لها ومره ثاني نفس الحاله بعد نفس اليوم وثالثه كله بيوم واحد
وانا خلاااااص مت من الصياح بس انا وابوي معاها واخوي بنفس اليوم جا علشان يزورها بالصدفه لقاها تعبانه المهم للمره الرابعه توقف القلب بنفس اليوم وعيا يشتغل حاولو مااشتغل
وجا الدكتور وقالنا عظم الله اجركم مافيه امل امكم توفت وانا من الصدمه نشفت دموعي
احاول تطلع خلاص مفيه دموع من الصدمه وقمت انا وابوي واخوي رحنا عندها
ماشاء الله تقولين انها نايمه ومبتسمه وجها منور مانزلت دموعي
ونزلت ساعتها وخواتمها الذهب ولفيتها انا والدكتوره بالشرشف واخذناها للثلاجه
ويوم وصلت للشقه وشفت السرير حقها والكرسي المتحرك حقها قعدت اصيح ماقدرت اتحمل
والليل مانمت ابي اروح لااخواتي اشوفهم وشو سوو مثلي ولا لا..
وثاني يوم عاد جت عمتي وخوالي وعمي واخوي الكبير بس
ويوم شفتهم احس اني انا مسويه شي غلط لاني رحت مع امي ورجعت بدونها الله يرحمك
ياأمي ويدخلك الجنه..
وبعدها رحنا للمغسله علشان نغسلها وندفنها دخلت انا وعمتي والمغسله معنا..
غسلتها انا تخيلي
ماتصدقين اني غسلتها بنفسي ولا نزلت دمعه يوم شفتها يعني اتجرئت ودخلت مع عمتي
وجها منور ومبتسمه وخلصنا من غسلها وبعد كذا رشينا اخر شي عليها مويه زمزم
كانت هي طالبتها قبل لاتدري بشي وجابها اخوي وهي بالعنايه وشربت شوي منها
والباقي كبيناه عليها بعد الغسل وعطرناها ماتقولين انها ميته كنها نايمه ورافعه اصبعها
ودعتها وداع الاخير..

راحت امي من بين يدي كيف ارجع لخواتي وانا بدون امي احس انهم راح ينضرون لي
بااحتقار لاني رجعت بدونها..

الحمد لله على كل حال الله يرحم الموتى المسلمين ويدخلهم جنات الفردوس يارب
اكيد الواحد ماراح ينسى انا دايم اتذكرها واقول ياليتها حظرت ملكتي و زواجي
الواحد مايدري يمكن الموت ارحم لها الله يرحم ويعين يارب..
الله يحفظ لنا ابوي ويطول لنا بعمره يارب ادعو له ان الله يطول بعمره ويخليه لنا ولخواتي
اللي بالبيت مالهم غيره..

ادري اني طولت عليكم وقلت كل قصت حياتي بس بغيت اذكرها لكم وانا اقولكم دموعي نزلت
من ذكرتها الله يرحم..