طاطا بصطويسي
تسلمين اختي على نصيحتج وما قصّرتي
انا احاول قدر الامكان والله ابعد عنها بس المشكلة انها وياي بنفس البيت يعني 24 ساعة قدامي وما عندها أحد تكلمه غيري وكل ما حاولت اطنشها تعيد نفس الكلام لجل ارد عليها (تحسب اني ما سمعتها) والبارحة خذيتها للخياط لانه كان لنا حاجة عنده وبالسيارة اكتشفت اشياء انصدمت لما قالته لي تدرون شو قالت ..........
الحمدلله اني وياج ببيت واحد لاني اكره الوحدة وما عندي احد اعرفه واكلمه بالبلاد هذي
فقلت لها ومنو قالج اني اكره الوحدة انا متعودة عليها واحب حياتي تكون خاصة فيني
وهي تفاجأت من ردي وقالت ليش حرام عليج انا ارتحت لج وحبيتج .. بس قلت لها لا تتوقعين مني اكون صديقة لج (تصدقون قلت هالكلام وقلبي يأنبني)
قالت لي : انا لين الحين ما كلّمت اهلي وما يدرون اني عايشة معاج في بيت واحد ... قلت لها شلون ما يدرون؟؟؟؟؟؟ قالت والله اني كنت احسب انه بيوديني لبيت بروحي لكن لما وصلت قالي انا باجر بوديج لعند زوجتي تعيشين وياها ..
قالت له : كيف؟؟؟ انت قلت لأهلي انك بتسكني بيت بروحي؟؟ قال لها والله هذا هو وحنا تونا هنييه بالفندق واذا مو راضية كيفج هذي اغراضج لين الحين بالشنط حبيتي اهلا وسهلا ما حبيتي هالكلام ردي لبيت اهلج.....(تخيلوا بعد ما خذ الي يباه قالها هالكلام)
البنت تكلمني وهي تبكي من القهر ... قالت في نفسها شقول للناس شقول للأهل لما ارد بنفس اليوم؟؟؟؟؟؟؟؟؟؟؟؟؟؟ فقالت له خلاص الي يصير على مرتك يصير علي. وان شاءالله يسخّرها لي ربي بالغربة هذي.
وقالت لي انه لما جا خطبها قالوله كم سنه انت متزوج زوجتك قالهم سنتييييييييييييييييييييين
سنتين بس يا بنات عشرت هالخمس سنين صارت عنده سنتيييييين بس
انقهرت لما قالت لي هالكلام وحلّفتني اني ما اقوله لانها هي بعد انصدمت لما خبرتها انا في ثاني يوم جت فيه قلت لها صار لي 5 سنوات معرسه ..والمسكينة بلعت اول كذبة كذبها عليها
هذا الي صار يا بنات ومادري شو بعد الي بيصير وقلت لها والله انتي تزوّجتي انسان متزوج وتوقعي منه اي شي
واهلها يوم يتصلون فيها يتضايق ويقول وش وراهم اهلج كل يوم يتصلون يعني خايفين عليج من شنو .. والبنت انصدمت وقالت اهلي ما اقدر اقولهم لا تتصلون اكيد يبون يطمنون علي
ومن يومها المسكينة ما كلمت اهلها وما قدرو يتصلون فيها لان الاتصالات عندهم تكلفهم وايد
وقلت لها اذا تبين تتصلين بوصي لج الدكان وقالت ياليييييييت
مادري هل استمر على تطنيشي لها او شو اسويييييييي ... محتارة والله


prettysoulful
مشكوورة اختي على ردج وبارك الله فيج يمكن فعلا نظرة الناس تغيرت بالمجتمع الي انتي منه مثلا لكن في مجتمعنا المكبوت لا ما اقدر عليه وعلى ضغوطه .

كاذي
مشكورة حبيبتي على مرورج وربي يرزقج الزوج الصالح ويوفقج بحياتج ان شاءالله

ومشكووورات يا بنات حواء كلكم وما تقصرون بارك الله فيكم
وربي لا يحرمني منكم
اميييييييييييييييين

أنا من رايي والله إنكم تكونون مثل الخوات بس بحذر

الظاهر زوجك من النوع إللي مايعطي وجه للحريم

عشان كذا هي قاعده تعوض النقص معاكي إنتي ولو كان فضلها عليكي كانت معاملتها لكي

شي ثاني

فتوكلي على الله وعامليها بالتي هي أحسن بس لا تعطينها شي تندمين عليه في يوم من الأيام

إذا صار لا سمح الله بينكم غيره وزعل ..

والظاهر إنها بنت حلال واتربت في بيت كله تعب وماعندها استعداد تخسر هالفرصه إللي في

نظرها أفضل من العيشه في بيتهم وبلدهم ..

الله يفرج همك دنيا وآخره ويرزقك من حيث لا تحتسبين

استغفر الله وأتوب إليه ...

يابختك بقلبك
وكثرى من الاستغفار والله يرزقك بالذرية الصالحة
رجال مالهم أمان

انا بقولج شي بس لا تزعلين مني هذا رأيي ...

زوجج أناني بس اتمنى انك قويه مثل ما فهمت من كلامك ...استفيدي من تجارب الزوجات اللي استرجعو ازواجهم وان شاء الله تحصلين احد يعينك من بعد الله...

والله يوفقك ويسخره لك

عندي ملحوظه صغيره..

شوفي حبيبتي لاتقولين انها على نياتها وما اعرف ايش لا انتي خليكي الاحسن والانظف وغرفتك خليه يشتاق لها بالحركات اللي في المنتدى عندك البنات ما شاء الله عليهم افكار تجنن...خليه يشتاق لليوم اللي بيجي فيه معاك ..

الله يوفقك يا رب

اختي الغالية
لولوة
انا من رايي انك تبقين على طبيعتك في معاملتكي معاها
يمكن تكسبيها لك
صح انه الوضع صعب عليكي بس افضل من شيء ثاني