أختي تفاحه حواء........
أنصحك لا تسوين شي بنفسك وأقول هذا من واقع تجربه صديقتي صارلها نفس اللي صارلك قالتلها الدكتوره فيه كيس بس مافيه نبض بس بعد شهر بين النبض والحين لها 3شهور حامل...
والله يرزقنا ويرزق كل محرومه بالذريه الصالحه يارب.

اخواتي الغاليات

والله ما ادري ويش اقولكم بصراحه مستحيل انسى وقفتكم معي ما حييت حسيت ماني بروحي وبصراحه بديت اتشجع وافكر اسويها باذن الله بس يبيلي اتشجع اكثر واعزم واتوكل على الله
بصراحه كلامكم ريحني ولو ان ما زال فيني خوف

زين ويش رايكم دكتورتي قالت بتحولني على دكتور شاطر يسويها لي بس بصراحه انا ما ابي دكتور ما احس فيه ضروره تخليني اتكشف عند دكتور وفيه دكاتره حريم ولا ويش رايكم

واليوم اللي ابروح اسويها فيه ابقولكم عنه علشان تكفون تدعون لي ما ادري ليش خايفه من التخدير حاسه اني ماراح اقوم بعده


عزيزتي الياقوته
الله يجزاك خير على النصيحه ويسهل امرك بس انا يوم سويت تصوير قالو لي كيس الحمل منفصل تماما عن الرحم وغير اني انتظرت ثلاث اسابيع بعد ولا كان فيه نبض وخايفه انتظر اكثر يصير لي تسمم مثل ما قالت الدكتوره


الله لا يحرمني منكم ويرزق كل محرومه ويعوضنا خير يا رب

الله يعينك اختي و يعوضك بتوام ان شاء الله

حبيبتي العملية بسيطة و ماراح تحسين بشي و ما انصحك تروحين عند الحرمه الاطباء موجودين و لا تهملين نفسك . وايدين يسوونها عادي توكلي على الله و لا توسوسين .

و خلج متفائلة و الله و ياج

عزيزتي العملية بسيطة وتافهة وما تستاهل كل هالخوف ...
أختي التوأم سوتها وقالتلي إنها اخرطي وما تسوى حد يخاف منها
سوتها وطلعت بنفس اليوم وكانت عادية بالمرة ما شاء الله
توكلي على الله وسويها وإن شاء الله بعدها تحملين على طول وتجيبين أحلى نونو
الله يرزقك ويرزقنا بالذرية الصالحة
:26:

اخواتي الغاليات اطمنكم الحمدلله سويت العمليه وكانت مثل ما قلتو لي الله يجزاكم خير جميعا سهله

بس اللي تعبني من جد قبل العمليه عطتني الدكتوره تحاميل مهبليه تفتح عنق الرحم بس الله لا يوريكم وشلون الالم اللي جاني بعدها والله العظيم كانها ولاده وبعد ما ذقت هالالم خدروني والحمد لله على كل حال


اسال الله ان يرزقني وجميع اخواتي المحرومات وجميع من رد علي وطمني الله يسهل امرها ويرزقها ما تتمنى من الدنيا والاخره

والحين اخواتي سوال اخير الدم اللي نازل علي هل اصلي ولا لا تكفون ردو علي لاني محتاره