لمسه دفى @lmsh_df
محررة فضية
آآآآآه ابشركم تحققت لي امنيييييييييييه..تعالوا شوفوا وش سويت عشان تتحقق بعد الله..آآه
هلا وغلا مرحبا...يااااااااااااااالبى لبااااااااايب قلبتس..حياتس ادخلي ادخلي..اقلطي..يالله تحييهم..نورتو البيت...
هلا وغلا اختي مالكم بالطويله ابقولكم قصتي اللي بسببها بعد الله ثم الدعاء تحققت امنيتي..
اخواتي يااحبني لكم..اخواتي خلاص باقي كم يوم ونودع عام.. اخواتي موضوعي هو العفو والتسامح.. يااختي فديتس انا ادعوتس انتس تعفين وتسامحين كل من ظلمتس او اغتابتس او تهاوشتي معه او او او ......الخ اي كان السبب اعفي وتسامحي لوجه الله... لاتعفين عشاني او عشانها.. لا اعفي لوجه الله.. اختي للاسف انا وانتي وكلنا غافلين عن الاجر اللي يترتب على التسامح.. تذكري معنى الايه.. في مامعناها.. من عفاء واصلح فااجره على الله.. يااختي اعفي وتسامحي اجرتس على الله.. يااختى الى متى وانتي شايله بقلبتس؟؟؟؟ الى متى قلبتس تسذا؟؟؟؟ واللي شايله عليها من موقف او غيره ترى مادرت عنتس.. انتي شايلهم ولاسامحتيها وحر متي روحتس الاجر... ليه يااختي والى متى؟؟؟؟؟؟؟؟؟
اختي والله وبالله وتالله ان ماينفعتس الا الاعمال الصالحه... انا بقولتس شي واحد... لاتخلين حياتس بس بالفرائض... زيدي على الفرايض نوافل وعمل صالح.... تقربي لله اكثر واكثر..حاااولي انتس ترضين الله..اختي الدنياء دار عمل مو دار ماركات ومكياج وسياحه ..لا الدنياء دار عمل...الرسول يقول في مامعنى الحديث عش بالدنيا كانك غريب اوعابر سبيل..اختي؟؟؟ والله وبالله وتاالله ان اللي تعفو وتسامح لها اجر كبييييييييييير..الرسول وهو رسول وهو اول واحد يدخل الجنه عفا عن الكفار يوم قال لهم اذهبوا فاانتم الطلقاء... اختي ورى مانقتدي بالرسول... لاتقولين لي كرامتي ماتسمح لي او هي غلطانه او او... ليه كرامتس اهم من ربي؟؟؟؟؟ علميني....
اختي الحين انتي عارفه متى بتموتين؟؟ لو جاتس ملك الموت هل يمديتس تروحين تعملين صالح...؟؟؟؟ اختي خلي اعمال الخير تسبق احداث الدنيا..اقصد ان مثال وحده اساءت لتس خلي عمل الخير يسبق عملها ويكون ازين منه على طول سامحيها وعفي عنها لوجه الله.. بادري بالخير قبل تبادر..خيرهم اللي يبدى بالسلام.... اختي ادري ان احد اساءلتس وظلمتس و و و الخ...لكن ماعليتس منها انتي تقربي لله..اعملي صالح..اقولتس سوي لتس رصيد بالاخره...والله وبالله وتالله ان ارصده الدنياء اللي في البنوك انها ماراح تنفعتس الا اذا صرفتيها بوجه الخير.. انا اقولتس يااختي سوي لتس رصيد بالاخره...لاتخلين عبادتس فرائض بس...ليه هل انتي شابعه من الاجر؟؟؟ هل انتي ظمنتي الجنه؟؟ هل انتي ظمنتي انتس تشربين من الكوثر؟؟؟؟ اختي احنا على بوابه سنه جديده انا ادعوتس انتس تعفين وتسامحين الجمييييييع مهما كان الامر...بعض الاخوات الله يهدين اذا عفت تقول اللهم اني عفوت عن كل الناس الا ذولاك الناس اللي في بالي...
اختي وراتس ماتكملين الاجر.. ذولاك الناس اللي ماسمحتيهم مادرو عنتس وغير تسذا انتي حرمتي نفستس الاجر...
اختي اعفي عنهم جميع.. بالعكس يااحلو انتس تعفين عن ناس مره مضايقينتس بتصرفاتهم... الاجر اعظم.. تذكري يوم القيامه؟؟؟ يااحلو انتس تجيتس اعمال صالحه سويتها...الى متى اختى؟؟؟؟ اعفي وسامحي لوجه الله..
خلي هالسنه جديده بكل شي..حاااولي اي عمل صالح تسوينه..بعض الاخوات تتمنى ان احد يسيء لها بس عشان تعفو وتاخذ اجر....وبعضهم بس تستنى الزله عشان تطلع اللي فقلبها... الدنياء راااااااااايحه اعملي لااخرتس قبل دنياتس... انا اتمنى يااخوات تعفون عن الجميع وتسامحونهم لوجه الله.... ويالييييييييييييييييييييت التسامح من قلب مو بس تسامح طقطقه كيبورد... اتمنى من قلب..
قصتي اللي صارت لي .... سبحان الله تو تذكرت قصتي قبل يومين تقريبا...وقلت بكتبها للجميع ...
قصتي هذي برمضان اللي راح...انا بعطيكم اياها بااختصار وبروؤس اقلام... كان خاطري اروح مكه.. المهم بعد شد وجدب..اقنعت 2 من اهلي يرحون معنا..الكلام هذا اول رمضان... وافقوا...نروح مكه..بس طلعت لنا اشياء يمكن تكنسل السفر...
اول شي اخوي اللي بيودينا مكه.. يموت في شي اسمه طريق البر..يبي يروح مكه بالسياره..عاد سيارته جديده تو شراها.. قال سيارتي جديد وبنروح فيها...عاد انا خااااااطري اروح بالطياره بسرعه..واحسن..المهم انا قلت مادام انهم وافقو خلاص بروح لو على سيكل... خاطري بمكه ..من يفوت مكه برمضان..
2 الشي الثاني ابوي الله يطول عمره..ابوي يتابع دايم الاخبار..كان وقتها كله عن فلونزا الخنازير..ودايم يخاف علينا ويقول انتبهوا من الجمعات فيها مرض... انا هنا قلت كيف اقنع ابوي..لان اللي بيرحون معي 2 من اهلي رجال كلهم ..يعني ابوي اهم شي عنده انا..بخصوص بنت ..تعرفون اخواني اللي بيرحون معي بكيفهم... المهم..
3 السبب الثالث طلع عندنا ظرف وانا مو ناقصه..ابي السفره تعدي ابي اروح مكه..هذا وغير كلام اهلي..اللي خوفوني من فلونزاالخنازير..محد اقنعني اروح..الا 1 من اخواني...وانا خااااااااااطري اروح..
كل مالها واحس السفره بتكنسل...كل شوي طلع لي شي...الاهم دعيت ربي ان ابوي يوافق.. وفتحت لاابوي الموضوع..والحمدلله وافق.. بس خفت اهلي يغيرون راي ابوي.. لان ابوي خايف مره من المرض..اللهم لك الحمد وافق..
اخوي الكبير اللي بودينا.. قالي احجزي 4 مقاعد كلمي الخطوط قالي احتياط احجزي..اذا مارحنا سياره نروح طياره.. وهو قصده من الحجز عشان نمسك مكان.. ماندري وش يصير.. وحجزت طبعا وعطنا موعد نشتري تذاكر...آآآآآآآآآآه اذكر اخر موعد لنا بشراء التذاكر كان عندنا ظرف..انا ماادري هل اقول لااخوي اشتر تذاكر وهو اخر يوم والا اوقف معه بظرفه محتاااااااااااااااااره مره..
ذيك الفتره...سبحان الله وحده من اقاربي مره مره من اقاربي اساءت لي وانا ماادري.. الله يسامحها..كانت تجيني بوجه ومع اهلي بوجه.. انا طيبه وعلى نياتي..اخواتي خلوها على الله سوت شي ماله داعي..ليتها سبتني او شتمتني او ظلمتني لا اااااااااااااااااااا..سوت شي مالها داعي...المهم انكشفت قدم الجميع وانا سويت نفسي ماادري..اكلمها وارد عليها وعادي.. سويت روحي ماادري بشي..انا سكت ولا قلت لها اني ادري عشان مااسبب مشاكل بينها وبين اللي قالت لي الكلام... المهم والله اذكر اني مااقدرت افطر برمضان مستغربه مرررررررررررررررررررررره... المهم وانا مو ناقصه ابد....تخيلوا والله وبالله وتالله اني وانا اصلي وكنت ادعي..دعاء عادي.. المهم عيوني فيها دموع من القهر في اللي صار لي مو مصدقه انا طيبه حيل ..تخيلوا وكاتمه غيظي.. حييييييييييييل.. وعيوني كلها دموع هذا وقت الدعاء...استغفر الله وقت الدعاء جاء الموقف في بالي...وعيوني تلمع من دموع.. والله وبالله وتاالله اني قلت فيما معنا الدعاء..اللهم اني عفوت عن هالاانسانه لوجهك الكريم..اللهم انك تعلم ماافي قلب من غيظ لكنت علشانك عفوت عنها.. اللهم فااعفو عني وسالك يارب بعملي الصالح هذا انك تخليني اروح لمكه برمضان هذا..وان مايجي امر يعقيني..وانك يارب تسهل علي العمره.. المهم حسيت شي قالي خلاص بتروحين..المهم خلصت الصلاه..ومع ذلك تسيء لي واعفو عنها. وارد عليها..وربي اني اسولف معها عادي واسوي نفسي مادريت ابد ابد... وصبرت هذيك الايام..كان في رمضان هذا طبعا...
النتييييييييييييييييييييييييييييييييييجه...
1 وربي مااكذب عليكم سافرنا بطياره روحه ورجعه.. وين اخوي اللي يحب طريق البر.. هو معنا بطياره..
2 الدوره الله يكرمكم كانت ايامها ماجتني الحمدلله..صح اني اخت حبوب ..بس الحبوب مره ماضبطت معي..وخفت ..هالمره ضبطت..
3 سافرنا بالعشر الاواااااااااخر من رمضان وربي..واعتمرنا بليله فرديه..
4 سكنا بفندق خمس نجوم..وكنا مقررين نسكن بفندق 3 نجوم عشان ارخص.. لان الاسعار ناااااااااااااااااااار مره...وربي سكنا بفندق خمس نجوووووووووووووووم..وفندق مشهوووووووووووووووووووور..لا وازيدكم من الشعر بيت ..يوم دخلنا الفندق اللي في الاستقبال على طول ساعدنا حسب لنا يوم تقريبا مجان..تخيلواا.
لا وازيدكم من الشعر بيت وانا اطوف وربي شفت الشيخ السديس يدعي كان بصلاه القيام.. شفته قدامي....
والاهم والمهم وربي انها اسهل عمره بحياااااااااااااااااااااااتي..اقول لااخوي واحنا بالسعي احنا كم خلصنا شوط اتوقعت يقول 3 قالي 5...مو مصدقه... وجلسنا اسبوع...ورحنا جده وتمشينا.. ورجعنا ولله الحمد..لافينا مرض فلونزا ولاغيره الحمدلله.....اذكروا الله...
فيااخواتي لاتحرمون نفسكم الاجر..اعفي وسامحي لوجه الله وادعي الله بعملتس هذا... يمكن ربي يفتح لتس ابوااااااااااااااااااب مسكره.. ترى ربي ملك ومالك خزائن السموات والارض... اعفي وتسامحي.. انسي الماضي..ابليس وربعه لايمشونتس على كيفهم كوني اقوى منهم..
انا من اليوم ببدى اعفي وسامحي لوجه الله..يالله من تبدى معي...
اللهم اني عفيت عن من اساء الي وظلمني وسبني وشتمني.. وعن كل من اذاني واغتابني..اللهم اني عفيت عنه لوجهك الكريم..اللهم اني عفيت عن الجميع من دون استثناء..اللهم فااعفو عني يارب العالمين..
ادعوا لي اتزوج قريب..
اخواتي يالله من تبدى معي انا بديت من اليوم انا رقم 1 من رقم 2 ؟؟؟؟؟؟؟
79
23K
يلزم عليك تسجيل الدخول أولًا لكتابة تعليق.
@سكرررر زيادة@
•
الله يجزاك خير
ماشاء الله تبارك الله
مبروك العمره وتقبل الله منا ومنك صالح الاعمال
اللهم اني عفوت عن من اساء الي وظلمني وسبني وشتمني.. وعن كل من اذاني واغتابني..اللهم اني عفوت عنه لوجهك الكريم..اللهم اني عفوت عن الجميع من دون استثناء..اللهم فااعفو عني يارب العالمين
مبروك العمره وتقبل الله منا ومنك صالح الاعمال
اللهم اني عفوت عن من اساء الي وظلمني وسبني وشتمني.. وعن كل من اذاني واغتابني..اللهم اني عفوت عنه لوجهك الكريم..اللهم اني عفوت عن الجميع من دون استثناء..اللهم فااعفو عني يارب العالمين
الصفحة الأخيرة