آآآآآه ع جارتي قهرتني بسببها لقبني زوجي ميري

صباح الخير ......مساء الخير
اخباركم ..؟؟؟؟


ماادري حبيت اقولكم وياليت تفسرون لي كلام جارتي

طبعا انا مالي غير 6 شهور ساكنه جنبها ومن اول زياره جاتني فيها فهمتني ان مالها احد بهذي المنطقه وهي زوجه ثانيه وحامل وبكريه والحمدالله ولدت في نهاية شهر صفر وجابت بنوته السالفه ومافيها أن جارتي ولدت بعمليه ومع أن زوجها عنده شغاله بس عند زوجته الأولى وماهي راضيه تتنازل عن الشغاله حتى اسبوع يعني مسويه السالفه عناد طبعا ان قلت لها خلاص انا بسوي اللي اقدر عليه والحمدالله مر13 يوم وانا انفسها كل وجبه احسبها معي مع ان حنا وجبة الغدا مشطبين عليها من اربع شهور وعشانها صرت اطبخ الغداء واحسبها هي وزوجها وجات ام زوجها اسبوع مسكينه ماادري ليه مغربلينها وجايبينها 600 كيلو وهي كفيفه يعني مارح تفيدهم بشي والعصر اسوي الحلا او العصيده واتقهوى معه واذا جاو عندها ضيوف تتصل علي واروح اضيفهم لدرجة احيانا يصادف زوجي جاي من الدوام بس استأذنه واطلع ولأنه منقهر كل مااقوله بروح عند جارتي عندها ضيوف بضيفهم وبجي ماني مطوله صار يلقبني ميري :06: لأنه يقول انتي حامل وتعبانه وماابيكي تجهدي نفسك بين شغل بيتنا وبيت جيرانا لأن :angry2:خدمات ميري ماوقفت ع الطبخ حتى تنظيف البيت واللي قاهر زوجي اعظم أن زوجها موجايب الشغاله غصب ع زوجته الأولى بس والله طلعت 13 يوم من روحي لأني حامل في نهاية اسابع وكل اللي سويته والله حتى نحتسب الأجر من الله مع ان زوجي ماكان راضي بس مخليني ع راحتي وبعدها قال زوجي نبي ننزل عند اهلي واهلك اسبوع وكلمت جارتي يافلانه انا بنزل عند اهلي اسبوع واوصيها لاتتعبي نفسك وحاولي مع زوجك يمكن الله يهدي زوجته وتعطيكم الخدامه آآآآآآآآه ياقلبي ياليتها جاملتني ابرد قلب لي الا قالت لي ايه اصلا انتي كثر الله خيرك ماقصرتي وانا عارفه ان الناس ماتنفع مهما اعتمدتي عليهم ماينفعون غير الأهل وهذا انتي تسمعين لاتجربي اللي انا جربته ولدي عند اهلك قلت لها هذا اللي انا مفكره فيه وتعذرت منها وحسيت ان كل شي سويته مابين بعينها طيب مر الأسبوع ورجعت لشقتي ع آخر الليل اتصلت عليها الصباح يافلانه اذا مافطرتي بسوي الفطور وبجي افطر معك قالت مايحتاج فطرني زوجي سألتها اذا جاتها الشغاله قالت لاماجاتني و خدمت نفسي بنفسي قلت لها اجل الغداء بسويه وبحسبكم معنا لاتجيبون من برا قالت لامايحتاج واصلا انتي مومجبوره تخدمينا انتي حامل وانا عارفه ضروفك وانتبهي لصوت الباب لأني بجيب صحونك قلت لها وش معجلك عليهم خليهم اذا جيتك انا اخذتهم قالت لابجيبهم ... وأخييييييييييرررراااا جاتني الصاعقه ....

انا هنا عرفت ان الجاره ماخذه في خاطرها مني ... المهم وسألتها عن وجارتنا اذا زارتها قالت جاتني يوم بس وبعدين كلن وضروفه ماحد مجبور يزورني يوميا واصلا انا احيانا اكون مشغوله قلت لها لاتشغلي نفسك بشي وارتاحي ولوبقيتي شي اتصلي موزين لك تتحركي وانتي نفاس وبعمليه قالت لاقصدي اني اكون مشغوله ببنتي واحيانا تكون مطفشتني او مالي خلق استقبل احد فأضطر أجامل :eek: أنا هنا توهقت وش ارد عليها حسيتها نحزه أحيانا اقول هي ماعندها اسلوب كالعاده واحيانا اقول يمكن تكون مومتقصده شي كلمه وقالتها ويوم قلت لزوجي اكلني تهزيئ وقالي تستاهلين ياميري اللي جاك خلاص انتهى العقد اللي موقعينك عليه :oولاتروحي لها واذا اتصلت قولي لها انك اخذتي في خاطرك من كلامها وع هذي السالفه اسبوع ولا اتصلت وانا بعد ماكلمتها

أنتو وش تفسرون كلامها ماابي اظن فيها