آآآآآه من الدين .. الله لايوريكم

آآآآآآآآه من الديون يااخواتي الله لا يوريكم مكروه خلاص احس اني بنفجر نفسيتي تعبانه مره انا متزوجه من ثمان

سنوات والله من تزوجت والديون ذابحتنا ومافي امل تخلص سبحان الله ماادري ليه

الراتب مايبقى منه غير الفين تخيلو واحنا عايله والله مايجي اول الشهر وبقى منه ريال

لا والسياره الله عالم بحالها يوم تمشي وعشره توقف واحيانا اذا اطلعت اتمشى تخرب في وسط

الطريق وتعالو شوفو حالتنا بس ومكيفها خربان اذا جاء زوجي من الدوام المسيكين والله ارحمه العرق

يصب صب من الحر والبيت اجار الله المستعان كل مابغيت اشتري شي قال لي والله ماعندي فلوس الراتب

خلص طب بالله وش اسوي محرومه من كل شي حتى الجوال تخيلو كان عندي واضطر يبيعه علشان نتصارف

ماخلينا شي مابعناه مابقى الا الكمبيوتر واكيد هو في الطريق والله كل المتزوجات الي اعرفهم حالتهم الماديه ماشاءالله

والله انقهر كل مالقيتهم كاشخين ومن اغلى الماركات تكفون الي تعرف شي يخلصنا من هالديون تقولي والله مالي

غيركن ادعولنا ان الله يفرجها يمكن تصادف دعوتكم وقت مجاب..