السلام عليكم
بدون مقدمات طوالي عالموضوع....
المهم إني أول شي ماادري فين أحط موضوعي مالقيت مكان مناسب
فقلت أحطه هنا لعلي أجد من يساعدني
أنا معاناتي مع حبوب منع الحمل
أخذتها في ولدي الأول وسببت لي إكتئاب
وقلق وتعبت منها الله لايوريكم
غيرت كم مره وبدلت بس
كان نفس الشي هم وحزن بدون سبب
وعصبيه وتقلب في المزاج
وللمعلوميه أنا كنت استخدم حبوب رضاعه إسمها سيرازت
وبعدها ياسمين جلست عليها سنتين
وبعدها جرسيال وكلهم نفس الشي
وتركتهم وحملت ببنوتي الله يحفظها
عمرها 7 شهور ولاني كنت أرضع
صرفت لي الدكتوره حبوب رضاعه مايحضرني إسمها الحين
بس خفيفه وإرتحت عليها الحمدلله
بس وحده قابلتها قالت إنها حملت وهي تستخدم حبوب الرضاعه
المهم إني جاء في بالي أركب لولب لكن أنا وحده ذابحني الخوف
تخيلوا أروح للمستوصف وارجع من الخوف
ماعاد أحب الألم وبعضهم يقول يعور في الظهر
وغيرهاااا
المهم تعبت وشريت حبوب بس ماابغى اخذ منها والله الورقه
المرفقه معها مكتوب تسبب جلطه وسرطان ثدي ووو
ليش الرجال مايقدرون ؟؟؟
والله لو هم مايأخذون
أنا عاجبني الجدولبس بعض الناس مو عاجبه عشان يرضون رغباتهم
وغيرهم في ستين داهيه
المهم إني ماابغى استخدمها والله يوم جابها
حسيت بضيقه خاصة إن وحده من الأقارب قالت إن سلفتها
ماتت في رمضان من حبوب منع الحمل
سببت لها جلطه وماتت تاركه 3 أطفال
المهم إني الحين متضايقه خاصه إن الدوره على وشك تخلص ماادري وش أسوي تعبانه ومتضايقه
وش الحل هل العد والجدول مضمون ؟؟؟
من جربه ردوا الله يوفقكم
وكيف طريقته؟؟؟
وهل فيه وسائل حمل غير هذي؟؟؟
الله يوفقكم ويحميكم من كل سوء
فيه العد والعزل واللولب واللزقة اللي على الكتف
وابرة مفعولها سنة
اسألي دكتورتك عن هالشغلات