ياعمري عليك استخيري واستشيري وخليه يتعالج من كل شي وان شالله يتعدل حطي امل بالله كبير يتعدل

قريت موضوع وحده هنا تقريبا حالتها زي حالتك بس زوجها وصلت فيه انه قالها مو عاجبك روحي بيت اهلك وجاء بالليل وشافها جاهزه وشنطتها جنبها قالت وديني بيت أهلي حطته قدام الامر الواقع وجلس يتأسف ويعتذر لها وتقول تغيير ككثير عن اول جربي هالحركه يمكن تفيد معه دامك تقولين يحبك وأسلوبه حلو معك خلاص جربيها وشوفي وش يصير الله يهديه ويحنن قلبه ويسخره لك والله يبعده عن الحرام وبنات الحرام

حبيبتي بدايه الزواج لازم مشاكل وغالباً من طرف الزوج لان كثير مايتحملون المسؤوليه

اول شي كل شي بيدك انتي

موضوع الصلاه هذا شي راجعله بس انتي خليك وراه وذكريه بعقاب الله المهم تبينين له دايم انك مو راضيه على تركه الصلاه وان شاءالله ربي يهديه ( الي تقولك مايجوز تجلسين معاه ماعليك منها ربي الهادي)

ثاني شي امه ليه تدخلينها بينكم ليه تخلينها تجيب وتودي اقعدي فوق راس زوجك لين مايصلحلك الأشياء ليه عودتيه على امه !!! حاولي تلحقين نفسك ترا الموضوع كله بيدك وحاولي تحببينه فيك زياده خليك دايم نظيفه وبيتك نظيف ومبخر لاتخلينه يمسك عليك شي ملابسه داي خليها مرتبه

نهاية الشهر ابدئي زن عشان يوديك السوبر ماركت تقضين للبيت وحاولي ماتكثرين اغراض خذي الاشياء الاساسيه عشان يرتاح لما ينزل معاك يمكن يخاف من الصرف وحبه حبه بيبدى يتعود هو مو متعود

سالفة الشرب مقدر افيدك والبنت بيتركها بس انتي لاتسكتين عليه والله زوجي يشبه زوجك فبعض الاشياء بس الحمدالله بعد مادخلت ابوي تغير كثييييير وكبرت السالفه ووصلتها لأهله والحين فيه اشياء بس الحمدالله اهون بكثير

اخيرا لازم تدخلين احد من اهلك ابوك اخوك يوقفونه عند حده صدقيني لازم كدا بداية الحياه والرجال مايتعدلون الا برجال من اهلك يوريه ان الله حق

اتخذي موقف صارم
شافك صابرة عليه زاد في إهماله
مقاضي البيت ومواعيد المستشفى والجماع والاهتمام بك
هذا حقك وإذا تنازلتي عن حقك عمرك ما بتلقينه معه
الآن دامكم في البداية اتخذي موقف صارم وأدبيه
يا يتعدل أو يطلق وتشوفين حياتك
حتى لو عندك بنت تربينها أحسن تربية ولا تعيشين معاها بهالنفسية
تشوف أمها كل يوم تبكي من معاملة أبوها

حقك يوصلك لعندك بدون تعب أو منة
هذا مو شي اطرينه وتشحذينه من عنده
إذا ما وصلتك حقوقك روحي بيت أهلك ولا ترجعين
لحد ما ينفذ كل شروطك إذا ما تعدل هذا واحد مو قد المسؤولية
وتطلقين وانتي عندك بنت وحدة أحسن من تطلقين عندك كوم عيال

وهاذي حياتك وقرارك انتي أدرى فيها

ونسيت اقولك حتى اشياءك البسيطه الي تشترينها لاتشترين بفلوسك خلاص لازم نظامك يتغير لين مايتحمل المسؤولبه شوي اهم شي انه يحبك وصدقيني بيتغير

الله يصلح مابينكم يارب