مرحبا بنات وش اخباركم ..
بنات ابغى رايكم مع مين الحق ؟؟ لاني تعبت بين الاثنين مين معاه الحق بتقولون مين اقولكم امي و اخواني الاولاد المزوجين
امي انسانه بسيطه و محبوبه عند الكل و تحب الخير للكل و اللي بيدها مو لها هذا بشهاده الكل مو كلامي انا .
هي تحب اخواني مبسوطين و ما تحب اسلوب الدسدسه واحد من اخواني لما حملت حرمته سالته عن نوع الجنين قال لها مفاجاه و ما رضي يقول نوعه
لما خلفت جابت ولد زعلت امي انهم عارفين من اول و ما قالوا لها
انا عارفه بعضكم بيقول هذا موضوع تافه بس والله انا ناقشتها و قلت لها يا امي خلاص مو ضروري اهم شيء قامت بالسلامه و خيره و نفعه لاهله زعلت مني قالت خلي بكره يزوج ولدك و نشوف و بعدين كلمت اخوي باسلوب حلو و على فكره هو الصغير و انا الكبيره و قولت لما تشوف هذه المواضيع ازعل امك قولها وش فيها قولها لوحدها مو لازم احد يعرف غيرها رد علي و قال انا ماني انسان لحالي من حق زوجتي ان ما احد يعرف حتى لو امي
هي قالت مفاجاه يعني مفاجاه ... يا بنات عشان ما تظلمونه اخوي والله العلي العظيم انه رضي بامي و ابوي و اخواتي البنات على اعلى درجه حتى يهتم فينا احنا المزوجات بس انا احترت بينهم الاثين لان ما احب اشوف امي زعلانه يا بنات لا تحسبون امي انسانه متحكمه والله يا بنات ان لما يجون زوجات اخواني تحتفل فيهم و تحب جيتهم بس انا ما كتبت هذا الموضوع الا ابغى اشوف مين معاه الحق . ان جاء علي انا اشوف الموضوع تافه و ما يستاهل بس كتبته بشوف رايكم بصراحه انا احترت :44:
سندرلا جدة @sndrla_gd
كبيرة محررات
يلزم عليك تسجيل الدخول أولًا لكتابة تعليق.
الصفحة الأخيرة
* أمك ست كبيرة وتفرح لفرح عيالها وتزعل لزعلهم بالصغيرة قبل الكبيرة ..
* أخوك برضه كلمته عادلة .. هالشيء ما يخصه لحاله .. كان نقول بر بوالدته .. لكن فيه تدخل على خصوصية الزوجة ..
ومن حقها أنها تبقى مفاجأة .. برضه هي أم .. ولازم تعيش أمومتها بالطريقة اللي تحبها ..
أنا أقول لا تعطون هالمواضيع أكبر من حجمها قدام أمك .. قولوا الحمد لله أننا ما لقينا عليهم غير هالشيء ..
ولا تدققون على العيال .. بعدين تتعب على شيء ما يستاهل تحرق صحتها ..
وبعدين أنتم قولوا لها .. حنا ما نبغى أهل أزواجنا يعرفون بنوع الجنين لما نحمل .. كل أنسان وتفكيره ..
الله يخليها لكم ويطول عمرها على طاعته .. ويخليلكم أخوانكم ويجمع بينكم على خير ..