السلام عليكم ورحمة الله وبركاته
حبيباتي وخواتي الغاليات .. انا محتاجة جدا لكن بعد الله .. محتاجة لنصيحتكم ورايكم فلا تبخلون علي بدقايق من وقتكم فربما تكون سبب في تفريج همي ..
بحاول اختصر كثر ما اقدر
انا متزوجة من 6 سنوات والحمد لله سعيدة مع زوجي وام زوجي لكن خوات زوجي لااااا ..
لانهم باختصار مش معتبريني مرت اخوهم مع اني ساكنة معاهم بنفس البيت يعني معاملتهم لي سطحية جدا .. ابدا ما يشاركوني بشي معاهم .. واذا رحت اجلس معاهم ينشغلون باي شي كأني مش موجودة واذا كانوا في حجرهم وعرفوا اني في الصالة ما يجون يقعدون معاي .. يعني وجودي من عدمه بالنسبة لهم .. مع اني حاولت بكل الوسائل اني اتقرب لهم لكن فشلت .. حتى لما نروح لبيت حد من قرايبهم يقعدون بعيد ويسولفون مع بعض ولا يسوون لي أي اعتبار مع اني والله محبوبة من قبل الجميع حتى بنات عماتهم وخوالهم اذا جو البيت وما لقوني يتضايقون .. واذا كنت موجودة يقعدون عندي وما يهدوني بروحي ودايما يمدحوني ويمدحون كل شي فيني .. المهم قلت خلاص يمكن هم كذا طبعهم مع حريم اخوانهم (للعلم هم 4 وكلهم اصغر مني واكبر وحدة فيهم اصغر مني ب4سنوات ومتزوجة)
المهم .. قبل 4 شهور تزوج اخوهم الثاني وخذ رفيجة اخته .. والله لو تشوفون تعاملهم معاها .. مافي صغيرة ولا كبيرة الا وتدري عنها ودايما عندها في الحجرة وما عندهم سالفة الا فلانه وفلانه .. يمكن تقولون اني حساسة او اغار منها .. لكن حتى زوجي وام زوجي ملاحظين التفرقة في التعامل حتى ام زوجي المسكينة قالت لهم ليش تفرقون بين فلانة وفلانة يعني انا وسلفتي .. لكن لا حياة لمن تنادي .. ومن ناحية الغيرة ما فيها شي يخليني اغار منها .. من ناحية الجمال والكشخة مافي مجال للمقارنة لانها عادية جدا .. ومن ناحية الذرابة واللباقة والله اني انا ام اللباقة وهي ما صار لها اسبوع من تزوجت صوتها يوصل لين عندي وهي تهاوش اختهم الصغيرة وتقط الفاظ الله المستعان فيها ..
والزبدة اني متضايقة واااايد يعني اقول بس ابغي اعرف سبب هاي التفرقة .. والله لو هي في الصالة ما يهدونها لحظة واذا راحت حجرتها لحقوها ولا كأني موجودة .. لكن الشهادة لله ام زوجي تحبني ودايما معاي .
والله مرات اسمع صوتهم بالصالة اطلع على طول اقول بقعد معاهم من يشوفوني يروحون داخل .. والله مرة كنا متفقين كلنا نروح لمكان فسلفتي قالت انا مابروح معاكم عشان بروح لبيت اهلي فعمتي قالت خلاص احنا بنروح يعني انا وعمتي وبناتها .. فلما عرفوا ان سلفتي ما بتروح كل وحدة قامت اطلع حجة عشان ما تروح وكنا قاعدين عل الغدا وانا اقول حق اخت زوجي تعالي وهي تقول لا انا تعبانة واحاول ساعة اقنعها وما رضت وبعدين قلت خلاص كيفج وقلت حق سلفتي بننطرج لين ما تردين عشان تيين معاي انا وعمتي قالت اوكي اول ما سمعتها اخت زوجي طالعتها وقالتلها انتي بتروحين عيل انا بعد بروح .. وغيرها الكثييير من المواقف اللي يحسسوني فيها ان كلامي ماله أي اهمية بالنسبة لهم وكلام سلفتي هو المسموع ..
اللي ابغي منكم يا حبيباتي ..
أولا .. برايكم شو سبب التفرقة هل لانها مثلهم يعني تسمع اغاني وما تتنقب وعباية كتف و اطالع افلام وانا الحمدلله عباية راس ونقاب وما عندي بالحجرة الا القنوات الدينية .. ام انهم يغارون مني لاني اجمل منهم واكشخ منهم لان صارت واااايد مواقف تبين انهم يغارون مني حتى خواتي لاحظوا لكن ما ابغي اطول عليكم واذكر المواقف . ام لانها رفيجة اختهم .. ام لانهم يحبون اخوهم هذا وايد لان مثلهم ومسايرهم في كل شي اما زوجي فديته فدايما ينصحهم والا شو السبب برايكم
ثانيا .. كيف اتصرف لاني وايد متضايقة .. هل اطنش .. طيب كيف لاني من النوع اللي صعب يطنش
او في طريقة ممكن تخليهم يعدلون اسلوبهم معاي
آآآآآآآآآسفة اني طولت .. والله اختصرت قد ما اقدر مع اني كنت ابي اكتب بعض المواقف اللي لو عرفتوها راح تستغربون
في انتظاركم على احر من الجمر
صوت الهدوء @sot_alhdoaa
عضوة فعالة
يلزم عليك تسجيل الدخول أولًا لكتابة تعليق.
دره0555
•
بلعكس أنتي طنشي لأنك بتطنيشك تقهريهم
هم يبغو يقهروك أنتي كوني اذكى منهم واطلعي مع زوجك دائماً وقولي لعمتك تطلع معاااااااك وهم عطيهم طناش
واهتمي في نفسك واكشخي أكثر 00000
واحسني ظنك دائماً بالله ولاتحطي ببالك
وكل شي تسوية احتسبية لوجه الله مو عشانهم ولا عشان زوجك لله دائماً اعملي
لأن جزأك من الله مو منهم00000000
هم يبغو يقهروك أنتي كوني اذكى منهم واطلعي مع زوجك دائماً وقولي لعمتك تطلع معاااااااك وهم عطيهم طناش
واهتمي في نفسك واكشخي أكثر 00000
واحسني ظنك دائماً بالله ولاتحطي ببالك
وكل شي تسوية احتسبية لوجه الله مو عشانهم ولا عشان زوجك لله دائماً اعملي
لأن جزأك من الله مو منهم00000000
LOLO-777
•
برأي إذا كان زوجك وأمه طيبين هذا أهم شيء وإحتسبي الأجر وأكثري من الدعاء
واتوقع أن فيه نسبة غيره
واتوقع أن فيه نسبة غيره
hayoomah
•
حبيبتي اهم شي ام زوجك معاك ماعليكِ منهم
وانتي قلتي انهم يغارون والافكار والاهتمامات مختلفه فطبيعي تصرفهم
عشان ماتحسين بالغيره والقهر تقربي من سلفتك وخليها تحب تجلس معاكِ
لحظتها يابيتقربو اخوات زوجك منك يايطنشوكم انتي وسلفتك
بس رأي يبعدو عنك احسن من يدخلو بحياتك
وانتي قلتي انهم يغارون والافكار والاهتمامات مختلفه فطبيعي تصرفهم
عشان ماتحسين بالغيره والقهر تقربي من سلفتك وخليها تحب تجلس معاكِ
لحظتها يابيتقربو اخوات زوجك منك يايطنشوكم انتي وسلفتك
بس رأي يبعدو عنك احسن من يدخلو بحياتك
الصفحة الأخيرة
سلفتك توها عروس؟
اذا كانت عروس فشي طبيعي انهم يحبون يروحون معها
بالنسبة لمشكلتك اهم مايتمشكلون معك
وهذا أهم شي
طالما انهم ماضروك ولاتكلموا عليك
,,
وبالنسبة تقولين انهم مايعبرونك
احتمال الاهتمامات والافكار مختلفة بينكم
هم على ماقلتي يحبون يسمعون اغاني
و و و
فشي طبيعي انهم يرغبونها لانه افكارهم وحدة
واحتمال السن له دور
يعني سلفتك قريبة من سنهم
فيرتاحون لها أكثر
بسبب ان الافكار تكون قريبة من بعض
انت اذا حبيتي انهم يرغبونك
شوفي الاشياء اللي ترغبهم فيك
(بما يرضي الله)
وخلي زوجك يراعيهم واذا نصحهم
يكون باللتي هي أحسن
,,
اما اذا استمروا مجنبينك
فالشكوى لله
قومي بواجبك ببيتك وزوجك وام زوجك
وهم احترميهم وقدريهم
,,,