آآآآه مين اللي مفارقة اهلهااااا ؟ يابنات حالتي كسيييفه

السلام عليكم
كيفكم يا بنات ؟ وش اخباركم ؟ كيف الدنيا معاكم ؟
انا بقول لكم مشكلتي هي يمكن مو مشكلة بس بالنسبة لي مشكلة وكبيييرة بعد <-- وش قاعده اقول
انا متزوجة مالي كثير يمكن 9 شهور تقريباً وعايشة مع زوجي في ديرة و اهلي في ديره ثانية
المشكلة هي بعدي عن اهليييي والله العظيم يابنات ماني قادرة اتأقلم على فراقهم امي ابوي اخواتي اخواني ماااا اقدر اعيش بدونهم . انا كنت مررره قريبة منهم مو بس كذا انا من النوع اللي يخاف ويشيل هم يعني اخاف على اخواني اذا طلعوا برااا اجلس انتظرهم على ناار وبس ادق على جوالاتهم عشان اتطمن وامي وابوي الله يطول في اعمارهم ماني متخيلة يصير لهم شئ لاسمح الله وانا بعيييده عنهم طووول وقتي تفكير وهواجيس شايلة همهم احس بشيب وانا صغييرة . دايم اقول انا اشلون وافقت اني اتزوجه وانا عارفة انه مو بديرتنااا وش سويت اناااا
الكل كان يقول لي مع الوقت راح تتعودين بس هذا انا مر 9 شهووور وانا كل يوم ابكي احاول ما ابين لزوجي اني متضايقة بس يبين علييي غصب عني . واذا رحت لأهلي زيارات ينفجعون لا شافوا شكلييي من اول ماتزوجت نقصت 18 كيلووو وحالتي كل مالها للأسوأ لأني بهالشهر بسس نقصت 8 كيلوو وانا اصلن كنت ضعيفة والحين خلاص اختفييييت حالتي النفسية زفتتت . واللي زاد الطين بلة دوام زوجي انا ماني متعوده على القعدة لحالي بالبيت اكره نفسييي واذا جا بيطلع اتمسك فيه تقولون بزر ما ابيه يطلع ويخليني لحااالي خصوصاً انه مالنا احد بهالديرة عشان اروح لهم او يجوني والجيران ماهم من النوع اللي يتزاور و يتعرف . ماعندي غير النت اطلع حرتي فيه . واحس اني قمت اطفش زوجي بس والله غصب عني صرت مانعته من الطلعة لأخوياه ومن القعدة عالنت ومن التلفزيوون وهو معاي ابيه طوول الوقت يقابلني ويسولف <<< انجنيت ادري بس وش اسوي انا اللي محبوسة بين اربع جدران هو عالاقل يطلع يشوف الناس بالعمل .
مرات افكر اروح لأهلي ولاعاد ارجع لين ينقل لديرتنا او يشوف له صرفة لأني اذا استمريت على حالي هذا راح اموت واقصد في اموت المعنى الحقيقي للمووت لأن عندي فقر دم حاد و حالتي الصحية كل مالها وتسووء
ابي البنات اللي مجربين البعد عن الاهل و الوحده اشلووون قدرتوا تأقلمون انفسكم ؟ وخصوصاً اذا كنتوا مررره مقربين من اهلكم . يلا خلونا نفضفض لبعض :icon33: