هلا و غلا بخواتي العزيزات ..
***************
خلص العسل ,, و بقت غرشته
خلص الجبن ,, بس بقت غرشته
خلص الخل ,, و بقت غرشته
و .. خلص .. و خلص .. و بقت غراش وااااايد
وايد منا للاسف يتخلص منها بالزباله .. و ما يقدر قيمتها ..
و في المقابل غراش الزجاج هذي ممكن تفيد واااايد في عمليات التخزين
طريقة تنظيف الغرشه
أولا/ تغسلينها و تنظفينها و بعدين تترسينها ماي و تخلينها تنقع شوي عشان تتأكدي ان كل الشوائب طلعت ، و خصوصا اذا كانت غرشة جبن ترى لازم تنقع عشان يسهل غسلها
ثانيا/ نعيد عملية الغسيل بالماي و الصابون طبعا
و طبعا نحرص على غسيل المغطاة و ما نتجاهلها
ثالثا/ نرد نسوي عملية التنقيع بس للغرشة من الخارج عشان مع الماي يلين القرطاس او اللزقة اللي على الغرشة و تطيح مع الفرك و الدعك و بجذي يكون شكل الغرشة حلو و متناسق ، مثل ما انتم شايفين نقعت الغراش بجدر كبير فيه ماي ، و هذي العملية كل ما طولت أكثر كل ما صارت النتيجة اسرع و اسهل .. يعني لا تستعيلين على الغرشة خليها تنقع ان شاء الله يوم كااامل
رابعا/ نعطي الغرشة شور سريع بعد الفرك و الدعك .. و على فكرة ترى تقدرين تستخدمين السيم او المفراكه الخشنه مالت الجدور عشان تفركين مكان اللزقة
و اللحين هذي النتيجة النهائية للغسيل
بعد هذا راح تنتقل الغرشة لمراحل أخرى عشان تزركش و تكشخ
و تشوفون النتيجه
:)
رهيب يالسنعه