آآآه حملي خارج الرحم ادخلوا واسوني

السلام عليكم ورحمة الله وبركاته
كيفكم خواتي .. محتاجه لكل وحده مرت في حمل خارج الرحم تجي تواسيني انا متزوجه من 5 سنوات وعندي بنت عمرها 4 سنوات والحمدلله حملت بها طبيعي ولما صار عمرها سنتين وانا أحاول احمل ورحت اكشف طلع عندي تكيسات وضعف تبويض بالإضافه إلى ارتفاع في هرمون الحليب المهم مالكم في الطويله بعد العلاج و المنشطات حملت وكانت فرحتي انا وزوجي لا توصف واخذت فوليك ودوفستون المهم بعد شهرين من الحمل جاني الم قوي جداً ورحت للمستشفى وسوولي سونار مهبلي وقالوا ان حملي خارج الرحم بكيت لين جفت دموعي آآآه ياقلبي اللي بينفطر ، اللهم أجرني في مصيبتي واخلف لي خيراً منها 
وقرروا علي بعملية منظار لأن الجنين كبير وفيه نبض .. وشالولي الأنبوبه اللي كان فيها الحمل ، يارب اسألك الأجر والثواب
الحين لي 7 ايام طالعه من المستشفى

بنات سؤالي الحين صدق ان فرص الحمل عندي راح تكون اقل من السابق لأن ماعندي الا أنبوب؟؟؟ بعني فيه أمل اني احمل طبيعي

وسؤالي الثاني هل سبب الحمل خارج الرحم من المنشطات؟؟؟
متى افكر بالحمل؟؟ انا رحت لإستشاري وقال مافي مشكله تحملي بعد اول دوره..

بنات بعد العمليه نزل مني دم .. ايش هذا الدم دوره ولا من الحمل؟؟

الحمدلله على قضائه وقدره والحمدلله على كل حال
ابي اي وحده مرت بنفس حالتي تجاوبني وتواسيني آآآآه أنا مره قلقانه وتعبانه بليز ادعولي بالولد الصالح ولكم بالمثل

نفسيتي أنا وزوجي جداً سيئه