آآآه من بنات الحرام..تكفون ساعدوني بس..

مرحبا خواتي..
انا في مصيبه وكارثه ماحد بحاس فيها الا ربي..انا بختصر لكم الماساه ارجوكم اللي عندها اي حل لا تبخل علي الله يوفقها دنيا واخره..
انا من دوله وزوجي من دوله خليجيه ثاانيه..تزوجت من ثلاث سنين وعندي طفلين..وزوجي كان متزوج قبلي وحده مغربيه..وعندها ولدين ومطلقها قبل زواجنا بست سنيين..المعاناه..انا من تزوجت ماعرفت الراحه..تعامل زوجي معاي تعامل حيوان البدايه ينام في غرفه بروحه ومدمن افلام اباحيه ومدمن نت ..المصيبه انا ما استاهل ..ودددددددايم عصبي ويهاوش ويلعن على كل شي..
شوفو بنات زوجي من داخله قلب طيب ومن عايله تخاف الله ودينه..لاتقولون كيف طيب وهو يسوي هاللاشياء ..اعتقد بهالوقت كل الرجال يسوون العن اذا راقبنا اخوانا ..بس بنات انا زوجي يوم كان متزوج كانت طليقته عايشه بنفس شقتنا واحسه داخل الشقه انسان مو طبيعي وبرا شوي احسن ولا تقولون لا تحطين في بالك انه مسحور لان هذا مليووووووووووووون بالميه بس انا صابره علشاني عارفه ان تصرفاته هذي خارج ارادته..وعلشان عيالي مالهم ذنب ومابي بنات الحرام يخربون بيتي..
بنات..هو حتى وقته عكس وقتنا احسه يتهرب منا..
بنات هو لو انسان طبيعي كان عطا زوجته حقها ومكرمها وحاشمها وعقب مب مشكله يغازل او يشوف مواقع اباحيه على الاقل اقول في نفسي ماعليه هو ماقصر فخليني اخليه على راحته شوي..
اقسم بالله ما قصرت باي شي معاها واحبه مووت وهو انسان عصبه ومستحيل حد يناقشه حتى هله وياويلي اذا حد عرف اي شي داخل بيته صغيره او كبيره..وكم مره اشوف مواقعا ورسايل بجواله وامسحها ويدري ويلعن ويهاوش..وماستفدت شي حط رقم سري لجواله والنت,,بس اقول لنفسي شو بستفيد غير حرقه القلب..
انا في دوله ماعرف فيها حد..
ووحده قالت لي انتي لازم تعالجين زوجك مادامه عندك شوفي شيخ يفك سحره قبل لا يضيع منك..
انا تعبت من البكا والهم..
بنات قسم بالله عمره مادخل وراي غرفتي يرضيني اذا هو مزعلني..ودايم ادعي له ان ربي يبعد عنه بنات الحرام ويسخره لنا..
وللعلم طليقته حارمه عياله منه تقريبا سنتين ما شافهم وهذا من اسباب همه وغمه بس هي متعمده علشان تحرق قلبه فيهم..