غيلانه

اثير الليل
حياتي غربة

الاحلام الوردية

كل الشكر لمروركم العطر
ولمن دعت لي ولبنتي : لها بمثل دعوتها واكثر ان شاء الله

الله يهديها لك ويصلحها ويرزقك برها .. ادعيلها دايماً في صلاتك .. وادعي ان الله يرزقك برها ..

وكوني صبورة عليها ... لا تضربيها .. واضح من كلامك أنه ضربك لها شديد .. لأنك تقولين إن الكف يعلم على وجهها .. والله ضرب دمار للشخصية وراح يخلي بنتك عصبية طول عمرها ..

ولا تنسين إن الرسول صلى الله عليه وسلم نهى عن ضرب الطفل على وجهه .. والشي الثاني لا تنسين أن الرسول حدد العمر اللي ينضرب فيه الطفل (( واضربوهم عليها لعشر)) .. يعني قبل سن عشر سنوات الضرب غير مناسب ..
وانتي شفتي بعينك أنه الضرب ما جاب نتيجه معها ..

استخدمي أسلوب التطنيش معها إذا كانت تبكي بدون سبب .. وهي تبكي كلميها عادي .. إسأليها عن شي .. وريها شي .. حتى لو ما ردت عليك .. بس وريها أنه بكاءها مايعني لك شي ..

حاولي تكافئيها على كل تصرف جيد .. وكل تصرف سيء احبسيها في غرفتها أو أي مكان لمدة 5 دقائق .. وثبتي جوالك عندها على المدة .. وقولي لها إذا سمعتي صوت الجوال بفتح لك الباب بس تقولين أسفه وتسمعين الكلام .. وإذا فتحتي الباب .. ادخلي عندها قبل لا تطلعيها .. وإسأليها بلغتها المبسطة ليه انتي سويتي الغلط ؟؟ ليه ماتسمعين كلام ماما .. ؟ وعاتبيها بكل لطف وحنان .. وبعدين ضميها وخليها تبوسك .. مع ملاحظة وانتي تكلميها تكونين قريبة منها مرة وجالسه بالأرض بحيث تكونين طولها .. وعينك في عينها .. ولا تعصبين عليها أبداً .. لأن الطفل يكلمك بنفس الأسلوب اللي انتي تكلمينه فيه .. فعوديها على الكلام الهادئ وعدم العصبية ..

بعد ما تطلعينها من الغرفة اجلسي معها بالصالة وشغلي لها التلفزيون وتابعي معها أي شي هي تحبه .. وبعدين قومي عنها لو عندك شغل بعد ما تقولين لها إنك بتقومين عنها لأنك مشغولة (( بروح ماما للمطبخ علشان أسوي الغدا ..ونتغدى ..ونصير كبار ))
(( بروح ماما أغسل ملابسنا .. علشان هي مو نظيفه .. ومايصلح نرجع نلبسها ))
حتى لو صغيره على هالكلام وما تفهمك كلميها عادي .. شوي شوي تتعود ..


لو لقيتي معها شي وتبغين تاخذينه منها .. وفري لها البديل قبل .. ولما تجين تاخذينه اعطيها اللي معك .. (( أشوف حبيبتي .. أشوف اللي معك .. يووووه .. هذا حق بابا .. بعدين إذا طاح منك وخرب مايصير عنده هالشي .. شوفي ذا اللي معي .. _ واعطيها اللي معك_ شوفي وشلون شكله .. شوفي وجهك _ إذا كان يعكس الصورة_ وين وجه ماما ؟؟ ..)) وهكذا .. ولا تعطيها بداله لعبه لها .. عطيها شي من البيت ما تخافين عليها منه ..

بنتي عمرها 11 شهر .. ولما آخذ منها شي اعطيها بداله شي ثاني على طول .. وأتكلم معها وهي توها ما تتكلم وما تفهم .. بس تعودت هي على هالشي ..


وفي الأخير .. تحملي بنتك شوي .. وبتتعبين في البداية . بس بالهدوء بترتاحين بعدين .. لكن بالعصبية ماراح ترتاحين أبد لأنه شخصيتها راح تتربى عليها ..
واحضنيها وضميها لك في اليوم أكثر من 20 مره .. حتى لو كبرت وصارت مراهقة ..
واستخدمي معها أسلوب الحوار والمناقشة .. ليه هي ما تبي تلبس ؟؟ ليه ما تبي الحفاضه ؟؟ ليه رمت هالشيء بالأرض ؟؟ كل غلط تسويه ناقشيها فيه قبل ماتعاقبيها ..

وتقبلي تحياتي وخالص دعائي بأن يرزقنا الله وإياكم الذرية الصالحة ..

تصدقين بنتي زي كذااااااااااا عنيييييييده وطلعت فيني نخل

والله اني اتمني تكون وحده عندنا زي اللي بام بي سي سوبر ناني اللي تعرف للا طفاااااااااال

الله يهديهن والله احيانا اقول اللي يعين اللي بياخذك والله تهبلين فيييييه

اختي توفي: الله يسعدك ويصلح لك بنتك ويرزقك برها والله ريحتيني بكلامك بس اختي في نقطه ذكرتيها اعتقد انها ماتجوز تسويها في العمر هذا لاعمر بنتي ولا عمر بنتك اعتقد انهم صغار كثير على الحبس في غرفة لوحدها واعتقد انه ابد مو تصرف صحيح ويمكن يطلعها معقده .الله يصلح لنا ولك ياأختي ويعيننا عليهم


بنت القريات : الله يعين على هالأطفال ويصلحهم ان شاء الله . شاكرة مرورك .

طنشي
صممي علي تنفيذ الي امرتيها تسويه
فسخت ارجعي لبسيها اياه بدون ضرب بس خلي يبين على وجهك انك زعلانه من تصرفها
فسخت ارجعي لبسي وهاذكااا

صح بتتعبين بس بالبدايه وبعدين هي بتفهم خلاص انو انتي اذ صممتي على شي خلاص ماراح تلينين لها او ترضخين لبكاءها وصياحها

وادعي لها بصلاتك دعاء الام مستجاب :)