آآآه ياربي سامحيني أطعيك ولا أطيع أهلي

السلام عليكم والله مالي الا الله ثم أنتم أتكلم معاكم أنا تعبت من أهلي وخاصه أختي اللي أكبر مني المشكله هي التلفزيون ياناس شي مو طبيعي من يوم ماتقوم من النوم الى ماتنام وهي عيونها مبققتها عليه أول كنت أتكلم وأنصح ولما أتكلم أمي توقف ضدي وتقول مالك دخل وتدعي علي عشان تلفزيون وأذكر مره بكيت بكاء مو صاحي أيام ماكان ستار أكاديمي موجود كانت 24على 24 وهي تطالع فيهم حتى وهم نايمين وأنا من دون ماتدري قفلت القناة وحطيت رقم سري يوم أكتشفت أصرت علي اني أقول الرقم وماقلته وبعد مشاده بالكلام قامت أمي ضربتني تقول أفتحيها هذا شي والشي الثاني أمي تغيرت صحيح كانت تطالع تلفزيون وعادي بس الحين لا بزياده كانه فيتامين كانت امي يوم الجمعه تقرأ الكهف بس اليوم لا أول مره ماتقرأ أول ماصحت من النوم صلت الظهر ونادتني أشبك لها التلفزيون طبعا أنبني ضميري لان أنا اللي راح أشبكه والكل راح يطالع في التلفزيون والذنب لي أنا قمت قلت لامي أبغى أنصح أحسن انها تطالع فيه بس بطريقه غير مباشره قلت اليوم ماقريتي الكهف ماردت شوي قلت الحين المسجد سبقوك في القران لان هي تروح تصلي تراويح وتقرأ مع الامام وأمس ماراحت لان أبوي كان تعبان قالت أيه صح وسكتت عاد أنا ضميري أنبني لان أنا اللي شبكته وقت أمي راحت تصلي العصر فصلته قلت مافي شي الحين يجي قامت أختي أمرت الشغاله تشغله وسكت جاء أخوي قال أبغى اطالع في الرياضه وبعد مشاده كلاميه بينه هو وأختي قامت أمي دعت عليه وعليا قالت انتي السبب عشانك فصلتيه جاء يقلدك ويخرب علينا وكمان اليوم جمعة ورمضان ياناس حرام عليكم خافوا الله واللي أبغى أسأله يقولون عشان يستجاب الدعاء --الامر بالمعروف والنهي عن المنكر --أنا الحين ماأقولهم أي شي أتقي المشاكل والدعاء وخايفه ربي مايقبل دعايا تصدقون حتي وهم يصلون الناس التراويح تقعد ع المسلسلات وتعرفون أغلب المسلسلات بموسيقى حتى وهم يتكلمون وأذا أذن المغرب توه خلص آذان حطو برنامج خواطر طيب أحنا بين الآذان وإلاقامه وكله موسيقى والاغاني مع الآذان يسبب قطع الارزاق والفقر وأنا مجرد مايحطونه أقوم وأنا ماكملت فطوري ياناس ساعدوني وش أسوي وردوا على سوالي هل يستجاب دعايا ؟