آآآه ياقلب راح الحنـــون (قصة 1)

:26:&&&أسمااااء،،،،،،ماااااجد&&&:26:



أسماء بنوته دلوعة عمرها17
سنة من عائلة غنية جدآ جدآ
حلوووة (بشرتها بيضاء وعيونها وسيعة ولونها رمادي وشعرها طويل لتحت خصرها بشوي ولونه أشقر )وحيدة أهلها.
ابوها وأمها كلآ لاهي بشغله ابوها تاجر وأمها سيدة أعمال معروفة.يعني كانت اسماءماتشوفهم إلا نادرآ
وألي ربت اسماء مربية لحد ماكبرت وصارت تفهم الحياة أكثر.....
ماجد ولد جيرانهم عمره28
سنة طويل ابيض ووسيم جدآ جدآ يعني جذاااااااااااب عيونه قتااااله عاطل باطل خلص الجامعة ومالقي وظيفة
فجلس بالبيت. عند ماجد أخت تدرس مع اسماء بنفس المرحلة وأخته اسمها لمياء شاطرة بالمدرسة وعلى طول متفوقة عنده أخوات أكبر منه متزوجات وأخو صغير يدرس ثاني ابتدائي اسمه وليد.عائلة ماجد مستقرة قلوبهم على قلوب بعض يحبو بعض كثير على طول يجلسوا مع بعض.
¤¤¤¤¤¤¤¤¤¤¤¤¤¤¤¤¤¤¤¤
كانت اسماء ولمياء يذاكروا مع بعض لأن اسماء تستفيد من لمياء وتساعدها بالمذاكرة
كان يوم عند اسماء يذاكروا
ويوم عند لمياء.
ماجد معروف يطلع من العصر ومايرد البيت إلا سبع الصبح.
عنده أصحاب كثير كثير وعلاقته مع الكل ممتازة.
ماجد راعي مغازل ببنات خلق الله دايم هو واصحابه بالمجمعات ويغازلوا .(كانت حياتهم ممله لأنهم عااااطلين)
بيوم من الأيام طلع ماجد من بيتهم بالعصر ونسي جاكيته ألي فيه محفظته بالبيت كان أنيق دايم
.
(عشان ألي بالي بالكم)
بهذاك اليوم كان الدور عند لمياء
تجيها اسماء عشان تذاكر
وكانوا جالسين بغرفة التلفزيون عشان يطالعون بالتلفزيون تعبوا وهم يذاكرو.
كان جاكيت ماجد بغرفة التلفزيون.
اتجه ماجد وماكان داري بنفسه وكان حاط العلك بفمه وماحس إن فيه احد بالغرفة وماحس بنفسه إلا وهو وسط الغرفة
لمياء:هآآآآي وين دآآآخل.
ماجد:اوه آسف معلش وطلع.
ماجدمن عند الباب.
ماجد:لمياء لمياء.
لمياء:جايه.
وطلعت لمياء عنده وقالت أنت مو صاحي وش سويت
ماجد :والله ماكنت داري أنكم هنا.
وقامت لمياء تنافخ عليه
ماجد:أقول لايكثر وبسرعة جيبي الجاكيت مستعجل.
لمياء:أوف احرج البنت وصار وجهها طماطه. طيب بأجيبه.
وراحت أخذته وأعطت ماجد
وقال ماجد لمياء أعتذري لي منها والله ماكنت أقصد.
لمياء:اوكي.
ركب ماجد سيارته وهويفكر بذاك الجمال كله ويقول بنفسه هي بنت مين.
لمياء:أسماء يتأسف منك ماجد ويقول ماكان يقصد.
أسماء صوتها نااااعم.
أسماء:عادي حبيبتي .
طبعآ هم جيران من زمآآآن أسماء :الله عليك ياماجد وذكرياته.
لمياء:ياليت يوافق زي زمان ويطلعنا ملاهي ويلعبنا.
أسماء:كبرنا مايصير.
لمياء :أقول لك ماكبرنا وتصدقين بأطلبه ويارب يوافق.
لمياء:تصدقين عندي ألبومات كثيره بأروح اجيبها خلينا نتسلى فيها.
أسماء:اوكي بس استعجلي.
لمياء:لاتخافي راح يعني ماعد فيه احد.
راحت لمياء وجابتها وجلسوا يطالعوا بصورهم .
فيه صورة كان ماجد شايل فيه أسماء وعمرها شهرين
يعني كان عمر ماجد 12سنة تقريبآ
وجلسوا يضحكو على أشكالهم وهم صغآآر.
أسماء:وي فشلة كنت أفشل ماكان عندي شعر وأنا صغيرة.
لمياء:لا كان عندك بس عشان لونه ومو واضح بالصورة.
بعد مااستانسوا خلوا الألبومات
ع الطاولة وطلعوا فوق بغرفة لمياء يكملوا مذاكرة.


كان بداخل ماجد سؤال يحيره ويقول هي مين؟؟؟
رجع الصبح كالعادة ودخل بغرفة التلفزيون ولقي الصور وجلس يقلب فيهم.
ماجد:أهاااا ألحين تذكرت.
هذي أسماء خالد بنت الجيران .ياسبحان الله كل ماكبرت أحلوت صارت تهبل.
أخذ بعض الصور لأسماء وترك الباقي ع الطاولة.
وصعد غرفته ودخل الصور بدولابه .
وراح تسبح ونااااام.
في يوم تعطل باص المدرسة ماجا وكان عند لمياء اختبار.
وسواق أهل أسماء أخذ أمهم ووصلها ع البنك.
لمياء:ماجد ماجد يلا قوم وصلني المدرسة.
ماجد:تري ازعجتيني مابي مابي توي نمت.
لمياء:اوريك ألحين.
وراحت لأمها وقالت لها.
جات أم ماجد تصحيه مافيه فايدة.
اخذت أم ماجد كوب مويه وصبته فوق رآسه .
ماجد:يصحى وهو زعلآن ويقوم يبوس راس أمه.
ماجد:آسف بس ماسمعتك يالغالية.
أم ماجد:عفيه عليك وصلهم عشان أمتحانهم.
ماجد:منهم.
أم ماجد:أسماء ولمياء.
ماجد:على هالخشم.
أم ماجد:عليه الطيب وجلست تدعي له كالعادة.
لبس ماجد بنطلون جنز أسود وبلوزة أسود والثلاثه الأزاري مفتوحه وسلسال معلقة.
كان مجنون بالموضة.ولابس بوت رياضة ومشمر يدينه.
ركبت لمياء ومروا أسماء كان الباب ألي ورا لمياء بالسيارة خربان ماينفتح.
أضطرت أسماء تركب ورا ماجد وكانت مستحيه.
لمياء:صباح الخير ياسوسو.
ويناظر ماجد بالمراية نحو أسماء .
أسماء بخجل :صباح النور.
لاحظ ماجد أنه منزل المرتبة كثير واسماء متضايقة رجولها موقادرة تحركها.
طالع ماجد بالمراية وقال....
ماجد:أسماء.
فز قلب أسماء.
أسماء:سم.
ماجد:إذا متضايقة من المرتبة اضغطي الزر ألي تحت ودفيها علي.
أسماء تدور وماعرفت وينه .
أسماء:ماجد وينه؟
وجلست تدور بهالحظة حط ماجد ايده ع الزر بس بعد ماحطت أسماء ايدها قبله وسحبت أسماء ايدها وهي خايفة.
طالع ماجد بالمرايةلأسماء وهو يبتسم وقال دفيها ألحين علي.
أسماء بالكود مستعوبة والعبرة خانقتها ودفتها عليه.
نزلوا للمدرسة .
ماجد:الله يوفقكم بالأختبار شدوا حيلكم.
لمياء:نخاف ننقطع هههههه.
ماجد:يلا مع السلامة اوريك بس ترجعي البيت.
ودخلوا وماجد يناظر فيهم . ورجع البيت وكمل نومته بعد ماطلب من الخدامة تغير مفرش سريرة بعد المويه ألي صحته.
بالمدرسة.
توزعت أسئلة الأمتحان وكانت أسماء خايفة من دخلت المدرسة.
كانت الأسئلة سهلة مرة.
لمياء:هاه أسماء كيف الأمتحان؟
أسماء:زي الزفت كتبت بس اسمي.
لمياء:مومعقول نفس أسئلة المراجعة.
أسماء:مادري مادري خليني بروحي.
لمياء: وش فيك يااسماء خوفتيني.
أسماء:أنا نفسي مو عارفة وش فيني.
واليوم كله حاطة راسها على الطاولة ولمياء محتارة وش فيها.
طبعآ الباص ماجا حتى بآخر النهار اتصلت لمياء ع البيت وخبرتهم.
وصحي ماجد ولبس بلوزة بيضاء وبنطلون جنز أزرق ومدخل البلوزة من جوا وجسمه يآخذ العقل ولابس نظارت شمسيه ماركة ولابس بوت جنز ازرق ودايم مشمر اليدين.
كان واقف عند باب المدرسة ينتظر لمياء.
والبنات انهبلوا فيه الشفايف مثل التوت بعز الحر وكان يناظر فيهم ومبتسم على خبالهم.
مرت وحدة من جنبه .
قالت ممكن الرقم!!!!
ماجد:تقلعي قال كذا عشان شاف أخته جايه صوبه ولا ماجد ماعنده مانع.
أسماء خايفة ماتبي تروح معه بس غصبآ عنها.
ركبوا السيارة وقالت لمياء.
لمياء:أنا بأجيكي اليوم بعد ما أتصل عليك.
أسماء:اوكي اتصلي على غرفتي لأن جوالي مفصول.
لمياء:اوكي.
نزلت أسماء لبيتهم.
لمياء:ياحليلك ياأسماء.
ماجد:ليش وش فيها.
لمياء:ماحلت ولاشي بأمتحان اليوم.
ماجد:يمكن تعبانة؟
لمياء:مارضيت تقولي.
رجعوا البيت وتغدوا وراح ماجد يبي يكمل نومه بس موقادر عرف إنه هو السبب بأن أسماء ماحلت بأمتحانها.
وجلس شوي ونااااام.
صحي العصر إلا ولمياء تكلم اسماء .
لمياء:يلا حبيبتي نتقابل ع خير بأجي بعد شوي وسكرت.
وراحت من عند التلفون.
نقل ماجد رقم أسماء وخزنه بجواله باسم احلا البنات.

كان متردد ماجد أنه يكلمها

بس قال ابي اعتذر منها.
راحت لمياء عند اسماء كالعادة ومذاكرة ورجعت لمياء للبيت.
أتصل ماجد بجواله ع تلفون اسماء
ترن ترن ترن ترن
ماردت اتصل أكثر من مرة
بعدين ردت.
أسماء:آلو.
ماجد:السلام.
أسماء:وعليكم السلام هلا مين أنت؟
ماجد:بأقول بس لاتسكرين.
أسماء:مين أنت قول
ماجد:أنا ماجد.
أسماء:هلا ماجد في لمياء شي؟
ماجد:مافيها إلا العافية.
أسماء:طيب!!!؟؟؟؟
ماجد:آسف.
اسماء:لا تأسف ماصار إلا كل خير بس لاتعيدها.
ماجد:ماسألتينني عن أيش؟
أسماء:ههههه أنت تدري وش صلحت ماله داعي أقول تصدق تلوعزت بالأمتحان ماحليت.
ماجد:والله آسف.وش بتصلحين؟
أسماء:عادي راح اخلي ابوي اوامي يتصلوا بالأدارة وراح يعيدوا لي الأمتحان .
ماجد:وإذا رفضت الادارة.
اسماء:مو بكيفهم غصب عنهم.
ماجد:اممم بالتوفيق.
اسماء:ما كأنك تمون.
ماجد:تسمحي لي أمون.
اسماء:أي عادي أنت ولد جيرانا وأخو الغالية.
ماجد:بس؟
اسماء:وش تبي بعد.
ماجد:عادي اتصل اطمن عليك.
اسماء:أي عادي.
اسماء:يلا ابي أنام عندي دوام بكرة.
ماجد:تبون اوصلكم.
اسماء:ههههه يلا تصبح ع خير.
ماجد:كأنها طردة.
أسماء:لاوالله لاتزعل آسفة والله آسفة.
ماجد:لا أنا زعلان.
اسماء:يوه طيب وش بيرضيك.
ماجد:امم بأرضى إذا جلست اسولف معك للصبح.
اسماء:....ساكته.
ماجد:يلا أنا زعلان أستأذن تصبحي على خير.
اسماء:لا حبيبي لاتزعل طبعآ طلعت معها هالكلمة عفوية وهي موقاصدة.
ماجد:هااااه.
اسماء:يلا مع السلامة أنا بأنام.
وسكرت وقلبها يدق بسرعة وتقول أنا وش سويت.
ماجد متعود على هالحركات .
طبعآ اليل كله مانامت تفكر بماجد ومانامت إلا قبل آذان الفجر بشوي .
صحت بالغصب عشان تداوم وامتحنت وبعد الأمتحان أغمى على اسماء من الأرهاق ووصلوها البيت.
رجعت البيت لمياء وتحكي لأهلها وش صار لماطاحت اسماء.
وكان يآكل ماجد ورمى بالشوكة بالصحن وطلع غرفته
واتصل على اسماء بس ماردت عليه.
تضايق ماجد ونام للعصر .
بهذاك اليوم اتفقوا الشباب أنهم يحجزوا بأستراحة كبيرة
وراح يجوا شباب كثير بذيك اليلة.
جا اليل وتجمعوا لشباب وحضروا عصير للشباب وكانوا حاطين فيه مخدرات بس موكثير.
ودخلوا عليهم بنات خليعات كانوا يترقصوا وووو وصار ألي صار.(والشيطااان شاطر)
رجع ماجد للبيت ويبكي ومو قادر يسند طوله من القهر صلى ركعتين وناااام بعد معاناة.
أخذ على نفسه يمين ماعاد يساير هذيك الشلة .
(بس بعد أيش؟؟؟)
جلس نايم يومين بس يصلي ويرجع ينام وكان راسه يعوره واستخدم مهدئات لحتى ماراح العوار.
كان جواله مايوقف اتصالات عشان البنات ألي كان يغازلهم كثيروانقطع عنهم فجأة وهم مومتعودين أنه يقطعهم.
سكر جهازه عشان يفتك ماعاد طلع من البيت ماجد تغير تغيير جذري.
طبعآ الكل لاحظ عليه هالتغير.
ولمياء جلست تشكي لأسماء حالت ماجد وتبكي من خوفها عليه .
خافت عليه اسماء لأنها تحبه من هي صغيرة بس ماتبي توضح لأحد.
اتصلت عليه أكثر من مرة بس جهازه مغلق.
ارسلت مسج وقالت.
ماجد حلفتك بالله بس تفتح جهازك تتصل علي تطمني عليك أنا اسماء وهذا رقم جوالي.

فتح ماجد جهازه باليل ولقي مسجها.
ارسل لها تطمني أنا بخير.
اتصلت اسماء عليه مارد عليها.
ارسلت له.
والله تبيني أزعل منك.
اتصل ماجد عليها غصب عنه لأنه مايبيها تسمع صوته لأنه متغير من كثر البكاء.
جوال اسماء ترن ترن ترن ترن.
أسماء:هلا بالغالي ماجد خوفتني عليك.
ماجد:...ساكت.
اسماء:ماجد.
إلا وصوت ماجد يبكي .
أسماء:ماجد وش فيك حرام عليك طيحت قلبي.
ماجد:أسماء أنا خليني بروحي.
أسماء:ماجد بأطلبك طلب.
ماجد:وش تبين.
اسماء:ابيك تجي عندنا بالحديقة ألحين ألحين.
ماجد:ماجد مابي اطلع مابي ابي اموت وارتاح.
اسماء:عشان خاطري ولا أقول أنت انزل تحت وأنا جايه عندك.
ماجد: ساكت.
اسماء:قول اوكي بس انزل تحت.
ماجد :اوكي.
لبست عباتهابسرعة وطرحتها ولقيته ينتظرها.
أسماء:ماجد ليش أنت كذا شوف شكلك اشلون صاير .
ماجد:تخنقه العبرة ومايبي يبكي قدامها.
ومايحط عينه بعينهالأن عيونه كلهادموع.
اسماء:ماجد وش صارلك قولي طلع ألي بقلبك.
ماجد:يناظرفيها بنظرة حادة بصفتك أيش.
اسماء:ماجد أنت موحاس فيني حرام عليك أنا أحبك أحبك.
ماجد:بسرعة روحي بيتكم أنا أصلآ ما أنحب وش تبيني فيني.
وعطاها ظهره وراح
ورجعت بيتهم وجلست تبكي على ماجد وعلى حاله اشلون صار.
جلس يومين مااتصل عليها ولا أرسلها .
جااليوم الثالث بدأت تتعدل نفسيته شوي وارسل لاسماء آسف إذا زعلتك بس والله غصب عني.
ارسلت له أنت كيف أعصابك ألحين ؟
ردلها يعني شوي أحسن من اول.
ارسلت ابي اكلمك ممكن.
اتصل عليها ماجد.
وردت.
اسماء:هلا بالغالي هلابروحي وحياتي.
ماجد:سآآآكت.
اسماء:آسفة كلام بقلبي من زمان وكان نفسي أقوله لك من اول.
ماجد:يتنهد قوليه لأنسان يستاهله.
اسماء:حرام عليه أقوله لغيرك ماجد إذا متضايق قولي.
ماجد:آآآه متضايق متضايق.
اسماء:ياجعل الضيقة فيني ولافيك
ماجد:بسم الله عليك.
اسماء:ماجد أحبك آآه مو مصدقة أني قدرت أقولهالك.
ماجد: ياليتك استعجلتي فيها شوي.
اسماء:عادي لماقلتها ألحين وش بتفرق.
ماجد:آآه ياأسماء تفرق كثير .
أسماء موفاهمه وش يقصد.
اسماء:ماعلينا اهم شي قلتها وارتحت.
ماجد:بس أنا ماارتحت أنا تعذبت.
اسماء:ماجد تحبيني.
ماجد:أيه أيه بس ماقلت خفت أنك ماتحبيني.
اسماء:إلا أحبك وأحبك وأحبك.
ماجد:شوي شوي علي.
اسماء:صح هذاك اليوم ماسهرت معك للصبح ؟
ماجد:أيه.
اسماء:ألحين أنا بأسهر معك للظهر.
ماجد:حبيبتي والله أنا تعبان ابي أنام.
اسماء:أيش أناأيش؟
ماجد:تعبان.
اسماء:لا الكلمة ألي قبلها؟
ماجد:أيه حبيبتي ولاعندك مانع.
اسماء:آآه ياحلات هالكلمة.
ماجد:يلا بأنام.
اسماء:لاتسكر السماعة بأجلس أغني لك لحتى ماتنام.
(كان صوت اسماءحلو)
ولمابدت تغني له.
ماجد:حبي صوتك يهبل.
اسماء:تسلم كله من ذوقك يلاحبيي ريح أعصابك ونام.
وفعلآ ماسكرت اسماء لحتى ماتطمنت أنه نام لأنها نادته بس لامجيب وسكرت السماعه.
صارت تتحسن حالت ماجد أكثر من اول والفضل يرجع لله ثم لأسماء لأنها كانت تطمن عليه كل يوم وطبعآ لمياء مو دارية إن بينهم أي أتصال.
كانوا يجلسوا بساعات سوالف مع بعض ومايحسوا بالوقت.
].
اسماء:ماجد.
ماجد:عيونه.
اسماء:بأطلب منك طلب بس ابيك توافق.
ماجد:تآمريني أمر.
أسماء:مشتاقة أشوفك ابي اسولف معك .
ماجد:أسماء عادي ألي تبين تقولينه قوليه لي ألحين.
اسماء:لا ابي أشوف عيونك ابيها تحكي لعيوني.
(اسماءكانت جريئة وتحس بالحنان مع ماجد لأنه أكبر منها بكثير )
ماجد:طيب أنا بأجي بحديقتكم .
اسماء:لا ابي اطلع من جو البيت مرة كئيب ومملل.
ماجد مايبي يزعلها .
ماجد:بس.
اسماء:لا بس ولاشي إذا تحبني ابي اطلع معك.
ماجد:أحبك بس افهميني صعب والله صعب.
زعلت أسماء وسكرت جهازها وماردت على أتصالاته بالتلفون حاول أكثر من مرة بس مارضيت ترد.

جلس اسبوع على هالحال وكمان مافيه فايدة .
جا بيوم الأحد لبس ماجد وتجهز
الصبح بدري وانتظر عند بوابة اهل أسماء من بعيد وينتظرها تطلع تداوم .
إلا واسماء نازلة من الدرج والسايق كان لسا بغرفته .