آه يمّه والكلام يضيع في حضرتك يمّه
والثمينه عند طيبك؛شفتها ماهي ثمينه
وكل قمّه عند راسك لاحشى ماهي بـ قمّه
يـ الله انّك لاتهين الراس يـ الله لاتهينه
ودّي آحكي عن غلاك وخايف انّي ما اتمّه
فيك يمّه مايتم القول لو طالت سنينه
مايوفّي لو ألمّه وانثره وارجع ألمّه
الشعور المنتثر بالارض يا أرض السكينه
من نسم صدرك يضيع الورد يوم انّي اشمّه
آه يمّه من نسمك البادية تصبح مدينه
آه يمّه كل جرحٍ بالحشا ماشلت همّه
خابر انّك تجرحين الجرح دوني تجرحينه
آه يمّه بس انا في خاطري حاجة مهمّه
اوعديني دمعك اللي فوق خدك تمسحينه
اتركي همّك ونا همّك على صدري بضمّه
مستعد اخسر حياتي بس ماشوفك حزينه
لاحظي قرب المسافة بين شرياني ودمّه
قلبك اقرب منّها للقلب؛ يومك تلمسينه
كيف؟ ماحبك ونا اللي كل ماقلت آه يمّه
تركضين بلا شعور وجرح قلبي تجرحينه
تحياااااااااااااااااااااااااااااااتي
ولا يتوقف عزفك
لقد أسقيتينا عشقا وشعرا
وأرويتينا من فيض نبعك الصافي
كلمات في غاية الرقه والجمال
كلمات تجبرك على الوقوف والتصفيق بحراره
وترك بصمة اعجاب كبيره بهذا النص الفاره
تحياتي لك
ودمتي بحب وسعاده وهناء