رمرووووم :

اولا وقبل ما أرد على موضوعك يا عسل نفسي أرد ع العالم الغريبة اللي لها فترة في المنتدى وهي تسب وتشتم .. يا جماعة والله انا ملاحظة من فترة في كمييييية شتايم عجيبة في المنتدى الرااااقي المحترم يعني صايرة المواضيع رد على بعض وسب في بعض ودعاوي على بعض والله عيييييب وصدقيني كل كلمة تنقال تتحااااسبي عليها والمشكلة اغلبكم متزوجات وامهاااات كيف تربوا عيالكم وانتوا كذ اسلوبكم مع الغريييب ؟؟!! عجبي صراحة والله تأزمت من كميييية العالم اللي بس تدخل تعطي دججج في الوجه وتخرج ويييين الذوق والاخلاق .. رسول الله عليه الصلاة والسلام ماااابعث في الارض الا لمحاسن الاخلاق يعني عشان يحسن اخلاق العالم بعد الله ماااايصير ارتقوا بكلامكم ودعواتكم واللي مايعجبها الموضوع لاااترد واللس ماتصدق اي قصة لااااترد حرام عليكم راعوا النفسيات واللي تكذب عندها رب يحاسبها مو معقول والله اللي تدخل المنتدى بتقول بنات السعودية فيهم قلة ادب فضيعة يعني ترا المنتدى عاااالمي الكل يدخله حرام تعطوا الغير سمعة سيئة عند بلدنا لانه الاغلب واغلب الشتايم بلهجتنا السعودية فعيب عيب عييييييب هذا الاسلوب العقييييم المنتشر مايصير والله قلبي يعورني من ردودكم ،، اللهم بلغت اللهم فاشهد .. ثانيا موضوعك ياقلبي والله ابداااا ما غلطتي يا جماعة الي تقول وقحة وانه الضيف نكرمه ترا ديننا العظييييم في القرآن وضح لنا الموضوع ،، يعني اقرأوا ايه الاستئذان في سورة النور وشوفوا تفسيرها .. تعرفوا لو احد دق عليك الباب ثلااااث مرات وهو سامعك انت وعيالك في البيت ومارضيتي تفتحي الباب ماتنلام ؟؟ وتعرفوا انه لو اللي يدق الباب زعل يعتبر هذا نقص في ايمانه ؟؟ فما بالكم بإنسانه من اوووول حياتها وضحت انها ماهي ناوية تختلط بزوجات اصحاب زوجها وهذي شخصيتها وهذي تربيتها هي حرررررة رغم اني عكسها تماااما لكن ابدا مالي حق اتدخل في شخصيتها يا جماعة ترا مو صلة رحم عشان تنجبر ،، عفوا بس اسلوبهم في حيااااتي ماشفته يعني الادمية لمحت ووضحت وصرررحت وهم يجروا وراها اي نوع من البشرية هذي ؟؟ واللي يلومونها وخلوها قليلة ذوق ووقحة وين الوقاحة اني احدد مواعيد لزيارتي وسسط الاسبوع ؟!!!! يحق لها الادمية مرتبة حياتها واولادها على نظام معين وروتين معين انه بعد العشا ينتهي اليوم ،، وكلللللله كوووم وانهم يقولوا نغيب عيالنا الخميس كوم ثاااني لهذي الدرجة الاستهتار بالدراسة والعلم والمشكلة يبغوها زيهم 😳 والله مادري عجزت وتعبت وانا اكتب لكن امرك لله صراحة شي غريييب يكفي انك كنتي ممتازة وماتدخلتس في زوجك واصحابه وعلاقاتهم مستمرة يعني هذا الشي الصحيح في الموضوع انه ماتخربي على زوجك علاقاته لكن كونك ماتبغي حريمهم ابدا هذا شي راجع لك واللي تلومها ترا الصاحب سااااحب ،، حبيبتي انت حاليا شوفي اش ناوية تسوي وبعدين اذا راحوا قرري هل ممكن تستمري معاهم طول العمر او لا ، لانه هذي حياتك ولازم تختاري صحبة صاااالحة تعينك على دينك وترتيب حياتك فانتبهي مين تلازمي وربي يعينك وساااامحيني طوووولت في ردي

اولا وقبل ما أرد على موضوعك يا عسل نفسي أرد ع العالم الغريبة اللي لها فترة في المنتدى وهي تسب...

رهف السيد :

سامحوني مااقدر ارد ع كل وحده ماشاء الله الردود كثيييير الله يجزاكم خير ويسعدك كل وحده فهمت قصدي اما المثاليات وربي لو قلت اهل زوجي بيجو غصبن عني كان ردكم غير كان قولتي منتي ملزومه فيهم ووووو راح اوضح عدت نقاط انا من حقي اختار اصاحب مين ومااصاحب مين مالها دخل اجتماعيه انا او انطوائيه واللي تقولي شوفيهم بعدين احكمي تربيتهم لعيالهم غيييير عن تربيتي،انا مااذم تربيتهم لانه كل واحد يشوف اللي يربي صح وفي اشياء كمان من كلام زوجي ليا عنهم مره ماينفعو احتك فيهم،واكبر دليل اسلوبهم معايا في البدايه الا نزور الحمد لله متعرفه ع ناس كثير صغار وكبار الشي الثاني زوجي مفهم اصحابه انه اهلي ماراح يجتمعو معاكم وانا صعبه اجتمع معاكم من غير اهلي،اول مره اصر صاحب البيت يجي وبعدها نهائياً مادخل بيت احد،،يعني المفروض من الرجال يقولو بس احنا الخمسه نسوي دوريه من غير ابو تميم الحمد لله بيتي مفتوح لاصحاب زوجي باي وقت وانا اضيفهماحسن ضيافه ياما اتغدو واتعشو عندي،انا مشكله مو بالرجال مشكلتي بحريمهم. نجي لحريمهم ،المفروض لما طلبو رقمي وزوجي اعتذر انه يديهم رقمي المفروض ،يفهمو اني ماابغ احتك فيهم اما يحرجو كل شويه اصحابه واطفالهم يقلولو الحريم يبغو الرقم،،امري لله اخدو رقمي ،الذوق قبل مايضيفوني يستاذنو،وكمان لما يسوفوني اخرج من القروب المفروض مايرجعوني(نسيت حكاية البلوك مررره مجات ع بالي امكن عشان ماني متعوده ابلك احد) الشي الثالث خمسة دوريات ماجيتهم لا انا ولا اولادي ولا زوجي،خلاص المفروض يفهموها لني ماابغ احتك فيهم الزياره مو بالغصب(انا لو كنت ازورهم ولما جا دوري زعلت وعصبت ،هذيك الساعه العضوات المثاليات وحكون الكرم يقولو عني اني قليلة ادب وهمجيه) اوك يبغو يزوروني يسالوني ويستاذنو بالزياره نجي ولا لا مو يخططو ايش اقدم لهم اكل وايش اجيب ومااجيب،من باب الادب يقولو نبغ نجيك ويسكتو وانا احدد الضيافه، امكن ماديتي ماتسمح اجيب كل طلباتهم ومن قلة الادب يختارو العشا .المفروض صاحبة البيت هيا اللي تعشيهم ع كيفها.مو كدا ياراعيات الكرم وكمان الحريم رافضين رفض قاطع ان الجمعات تكون خارج البيت،عشان مساكين الحريم ماياخدو راحتهم برة البيت وكل ووقتهم يراقبو اطفالهم وماينبسطو(من تحليلي بره البيت مايقدرو يهايطو بالتقديمات والحركات) امري لله راح استقبلهم في بيتي بس ماراح اتعب نفسي بالضيافه وراح اكلم زوجي اقول يقول للرجال وقتكم من المغرب للعشا ،بعدها ماراح نقدر نستقبل لانو الكبار عندهم اختبارات ومستحيل راح اغيبهم عشانهم.. وباذن الله راح اكتب بموضوع مستقل عن زيارتهم ليا

سامحوني مااقدر ارد ع كل وحده ماشاء الله الردود كثيييير الله يجزاكم خير ويسعدك كل وحده فهمت...