فرفوشة وعسل :

مشكورين خواتي بس انا حاولت كثير أوصلهم وأكلمهم ولا كأن شيء صار ..وجدت إنه كرامتي انمسحت بالأرض !! وفهموا إني هبلة وأرضى لنفسي المهانة ... فوقفت للحظات وقررت إني ما بدوس كرامتي أكثر ..وأصلا هو واجبهم يوصلوني قبل ما أوصلهم ... واللي تقولي إنت متوهمة ...يعني والله مو طريقة للنصيحة من الاخوات في المنتدى لما تقلبوا الموضوع على صاحبته ... يا أختي كيف متوهمة وهم بالعيد ما يتكلموا !! ويمر أشهرومناسبات ما يتصلوا ولا يباركوا .... يعني معقول لهالدرجة متعبة نفسي أفتح موضوع على وهم !! الله يسامحكم بس انا اللي يحيرني ... إني ما زلت متمسكة بالمبادئ اياها يا خسارة أن الأخو لأخته وإنها مكانتها فوق الكل ... والواقع شيء ثاني وما ني قادرة اتقبل الواقع وإنه كل واحد همه الىن زوجته وأولاده ومو قادرة اطرد اهتمامي فيهم وحزني على مستوى العلاقة ... نفسي أوصل لقناعة أن خلاااااص أنا بعد أفكرلا بنفسي وأولادي وبس وأنسى ان مفروض يكونلي سند باخواني ...انسىىىىىىىىىىى ومش قادرة

مشكورين خواتي بس انا حاولت كثير أوصلهم وأكلمهم ولا كأن شيء صار ..وجدت إنه كرامتي انمسحت بالأرض...

تميمية2006 :

يا حبيبتي .... قالوها الاولين ... الاخو اخو زوجته مهب اخو اخته الله يلين قلبهم عليك وانتي حاولي انك تتواصلين معهم او اتخلين اخوك الثالث يصلح بينكم وانتم اخوان ... من عفى واصلح فأجرة على الله ... وان مستغربه من حركات بعض الاخوان الي يقلب على اخته علشان زوجته ... وامك مالها دخل ويمكن تخاف انهم يزعلون منها اذا فتحت الموضوع معهم ... والله يردكم الى بعض زي اول واحسن ...

يا حبيبتي .... قالوها الاولين ... الاخو اخو زوجته مهب اخو اخته الله يلين قلبهم عليك وانتي حاولي...

ام فلانه :

أنا استغرررررررب لما اخوووو ما يكلم اخته ... صدق ما يستحي..... انا ماعندي اخوان... بس زوجي مهما صار بيني وبين أخته أطلع بالاخير بنظره أنا الغلطانه ..... عادي عنده يزعلني بس ما يزعل اهله واخواته أمرهم عجيب الرجاجيل

أنا استغرررررررب لما اخوووو ما يكلم اخته ... صدق ما يستحي..... انا ماعندي اخوان... بس...

soolaf :

فرفوشة وعسل والله دمعوا عيوني اخوانك مايخافون الله ماتزعلين مني وامك استشفيت منك انها تقدر تكلمهم ولكن اهم ماعليها هي وياهم لاحول ولاقوة إلا بالله انا ام وانتي ام وكلنا اغلبنا امهات انا لو اشوف وجه واحد على الثاني متغير ماارتاح لحد مايقومون يبوسون بعض واجلس اقص لهم عن لقمان ووووو ابغى اوثق علاقاتهم مع بعض ووالله يابنات ان كل الموازين للآسف اختلت في زمن الجحود والآنانية ... الله يكون بعونك ماعليك من احد قد ماتقدرين تسوين سوي ولاتضغطين على نفسك والاخت اللي تقول مافيه شيء اسمه كرامة بقولها الا فيه ونص واهم ماعليك كرامتك .. ومو بس عليك ياروحي اغلبنا كذا للآسف واشد:( مايعرفونك الا إذا بغوا منك مصلحة وإذا خلصت مصلحتهم جحدوك وعلى هالحال ... اخيرا مايعني ان امك ماودها ودها لكن ماتبغى احد يلومها في شيء او تواجه اي شيء...! محد يزعل من ردي كتبته بناء على مشكلتك وبعد ماقريت اللي بين السطور يمكن لو كانت وحدة غيرك كتبت رد يختلف ... الله يهدينا جميعا ويغير حالنا للأفضل يااااااارب

فرفوشة وعسل والله دمعوا عيوني اخوانك مايخافون الله ماتزعلين مني وامك استشفيت منك انها تقدر...