آآه من البواسير .. حوامل اللي عانت من البواسير كيف عالجتيها ؟؟

مالك ياقلبي الا الصبر
شوفي دكتورتك وش تقول لك
صراحة بالنسبة لي تحملت البواسير من الشهر الثالث لين التاسع بس وقت الضروره استخدم مهدئ للاعصاب ناسيه اسمه تقريبا نفس فكرة البندول مع كريم

اعاني منها ولا زلت وانا باخر التاسع بس صرت استخدم ملين تبع بنتي قريت النشره وفيه انه مو مضر للحامل 
اخذه كل ماحسيت انه الامساك زاد ولاتقطيعن اكل الفواكه ابد البرتقال والعنب والاشياء الخضراء 
والقرع ايضا يعني اللي متوفر وتشتهين تاكلين  لاتغصبين نفسك خاصه انك تتوحمين وزيت الزيتون زين 
كليه بخبزه ولا مع سلطه وايضا عليك بالدهان بعد كل حمام متعب داخليا بزيت زيتون او فازلين 
كلها تخفف الله يشفينا وكل مستضر يارب

الله يتمم حملك على خير ويقومك انتي والنونو بالسلامه يارب
حبيبتي اسألي دكتورتك او الصيدلي وقولي له انك حامل في الهور الاولى
اما المر والخواجوا والاعاب ابتعدي عنها طووووول ماانتي حامل
وكثري من اكل البرتقال

كثري مووويه حبيبتي والله يعافيك ويشفيك منها يارب 

شوفي ياحبيبتي
انا عانيت من البواسير والشرخ معاناه مايعلمها الا الله سبحانه واكيد اللي جرب الشرخ يعرف ان البواسير تهون معه لدرجة اني اذا دخلت دورة المياه الله يكرمك اتمنى الموت من شدة الالم مع العلم انها استمرت معي سنه قبل الحمل وماتفيد المسكنات ولا شي اخر شي سويت عمليه وارتحت خمس سنوات الحمدلله وقبل سنه رجعت لي وصارت نفسيتي في الحضيض وصرت في هم مايعلمه الا الله سبحانه لاني مجربتها ومجربه المعاناه وماخليت شي ماستخدمته مجرد تخفف الالم ويرجع كل شي مثل ماكان وقعدت على هالحال ثمان شهور لين قررت اسوي العمليه وارتاح من التعب الجسدي والنفسي لكن سبحان الله اراد ربي احمل قبل العمليه ولما دريت بغيت اموت من البكاء والهم مو اعتراض على الحمل لا لاني ماعاد اقدر استخدم ادويه ولازم استنى تسع شهور ثانيه وكانت حالتي مزريه وفاقده الامل اني اتعافى منها
الين نصحتني وحده بخلطه سويتها وزدت عليها اشياء الله يوفقها دنيا واخره وهي تاخذين من شحم الخروف اللي يجي في منطقة الذيل قطعه صغيره وتذوبينها على النار لين تصير زيت وتجيبين بيالة زيت زيتون مقري فيه وتحطينه على النار وتضيفين شوي خوا جوا ومره مطحونه لين بس تفوح ريحتها ثم تجيبين الشحم اللي ذوبتيه وتضيفينه معها وتضعين المقادير في علبة مويا او اي شي وتزيدين عليها عسل اصلي تقريبا ملعقتين وكل ليله قبل النوم تدخلين من الخلطه في فتحة الشرج وتدهنين المنطقه اللي برى وتستخدمين الابره في تدخيله اقصد الانبوب حق الابره تطلعون الابره حقته وتستخدمينه نفس فكرة القطاره ان شاء الله فهمتو علي تقريبا 1 ملم
وانا استخدمت الخلطه وانا ببداية شهور حملي اتوقع الشهر الثاني لاني كنت في حاله ماقدر افكر بالجنين تضره او لا من الالم
والحمدلله ماضرتني بالعكس تعافيت من رابع استخدام وماعاد رجعت لي والشرخ التام اللهم لك الحمد وانصحك مع استخدام الخلطه تشربين كوب مويا دافي على الريق او كوبين وماتفطرين الا بعده بساعه اقل شي وش اقولك مرررررره فضيع للامساك حتى الملينات مافادتني كثره
ادري طولت وانا اهذر عليكم بس انا كتبت عشاني حاسه بمعاناتكم بس رجاء اللي حالتها ماهي صعبه وتقدر تتحمل تنتظر لين تولد وتسويها انا ماضرتني الحمدلله بس مدري يمكن اللي يناسبني مايناسب غيري
وفي النهايه اتمنى كل من قرت ردي تدعيلي ربي يتمم حملي ويسهل ولادتي لان فيني هم مايعلمه الا الله سبحانه