اللهم لك الحمد والشكر كما ينبغى لجلال وجهك وعظيم سلطانك
اللهم لك الحمد حتى ترضى ولك الحمد اذا رضيت ولك الحمد بعد الرضى ولك الحمد على كل حال
بفضل من الله ولدة بتــآريخ 21/3/ 1433
انا دخلت الشهر التاسع ولا حسيت بآي آعراض الولاده ووحددولي موعد الولاده تقريبا في 28 او 29 من شهر 3
والنفسيه طبعا زفت وعلى آخر آسبوعين بديت آمشي لا على وعسى اولد بسرعه....
الموهم وعلى آخر اسبوع من الشهر التاسع يوم الاحد قآلي زوجي خلي آوديك تمشين
آنا وقتها رفضت مالي خلق آمشي وثقل فيني قلت معليش يوم ثآني وتعشينا وقعدنا الين 11
وراح زوجي ينام ونومت ولدي وآنسدحت على ساعه 12 آبغيت آنام الا شوي آحس بالم خفيف آسفل بطني
ماجاء في بالي ولاده قلت انام آحسن وبعد ربع ساعه يرجع الالم
قلت جآك الموت يآتارك الصلاه ع طول قمت توضيت وصليت ركعتين ودآدعي ربي يسرلي وآبكي وانا خايفه خصوصا
اني بعيدة عن آهلي حنيت لامي وحست بخوووف وكان وقتها ساعه 2 بالليل وبعدها رحت تسبحت
بماء دآفي ونظفت عمري زين
وتعطرت وحطيت لي لوشن وكريمات على جسمي مدري وش فيني وربي من الخووف عكس الاتجاه عندي
وشربتلي كاس حليب بالعسل
والالم وانا واقفه يضغط على تحت ماكان قوي مرره وقعدة على هالحال الين الصبح الساعه 5
وبعدها صار الالم كل 10 دقائق يجي ويزيد وقومت زوجي وقالي يالله بسرعه ع المستشفى وانا رفضت
اروح من الخوف من الكشفية وشوي الا ينزل معي دم وبعدها قلت خلاص ورحنا المستشفى
ساعه 6ونص وانا طول الطريق ادعي وآستغفر وصلنا واخذو ضغط ودخلوني غرفة الملاحظه
وجت الممرضه وكشفت علي مفتوح 3 ونص وربي تحطمت
وجلست عندهم الين 8 وكشفت مرة ثانيه وقالت 4 خلاص قالت تنويم وعلى طول دخلوني غرفة الولادة
ودخلت ولبسوني لبس الولاده وانا قسم بالله اتراقص من الرجفه والخوف الي فيني وتقولي بردانه
تسمع صوت اسناني تضرب في يعضها المهم والالم كل شوي يزيد كل 6 دقايق الين ساعه 10
جت الدكتورة السعوديه الي مشرفه علي وقالت لازم نكشف وكشفو مفتوح 5 وااااااي وجلست ابكي وادعي
ولقيت جنبي طاوله فيها ادعيه لافادة في ورد الولاده وجلست اقرا الين ساعه 11 وجاو عندي قالو الطلق عندك بارد
وكشفو علي وفكو علي الموية وفعدت بعدها ربع ساعه وخلاص الالم قوي لا يطاق وصرخت عليهم
وشوي تجي الممرضه وتعطيني ابره انا لما شفت الابره خفت ع بالي طلق صناعي قلت لاتعطيني
قالت لا احنا مانعطي طلق صناعي هذي ابره مسكنة الالم واعطتني من ورا وفعلا هدتلي الالم
بعد نص ساعه تكشف علي تقول مفتوح 8 سانتي وفكت شوي من الموية وربي جتني فرحه مو طبيعيه
وعلى ساعه 12 ونص
قلت لسستر ابي اروح لحمام قالت لا الحين ولادة قلت لا ابي الحمام وشوي فعلا احس بشي يبي
يخرج ويتجمعون عندي ويالله جاء وقت الدفع واحاول اكتم نفسي وادفع معهم وهما طبعا ماقصرو فيني
وسعوو بيدهم وانا ادفع بقووه ويهداء الالم ويرجع وادفع معهم وسعولي توسعه لخروج الراس
وادفع معهمممممم اليييييييين بغت تخرج روحي وخرررج حموووووود بسلامه
يارب لك الحمد والشكر ومعليش يابنات اعذروني ع الاطاله وربي اكتب وانا مستعجله
والله العظيم يابنات كانت ولادتي هذي ميسرره بفضل الدعاء في كل صلاه واوقات الاستجابه
والصدقه قسم بالله لها مفعول عجيب والدعاء بمافي قلبك وانت تتصدقين وكثرة الاستغفار وماانسى
دعوات الوالده الله يحفظها
اسأل الله العلي العظيم ان يرزقكم الولادة الميسره ويسهل على جميع الحوامل
حلاتي بآخلآقي @hlaty_bakhlaky_3
عضوة جديدة
يلزم عليك تسجيل الدخول أولًا لكتابة تعليق.
الحمدلله على سلامتك
ويتربى بعزكم ان شاءالله
وعقبالي ياااااارب سهلها وهونها علي وعلى كل الحوامل
ويتربى بعزكم ان شاءالله
وعقبالي ياااااارب سهلها وهونها علي وعلى كل الحوامل
الصفحة الأخيرة
ماجبتي ,, والحمدلله على سلامتك ...