R@W@N @r_w_n
عضوة نشيطة
~ { آبـــيـــ{ـض} ’، ( أتمنى من الجميع المشآركة )
مدري وش لون أبدى أحكي !!
خلوني أقولكم اللي بقلبي حبه حبه ..
أول شي .. السلام عليكم ورحمة الله وبركاته ..
في قلبي كلام قد كذاااااااا << فاتحه يدينها آخر شي
مدري أحس اني موب قادره أرتب أفكاري !! عشان كذا بخلي الموضوع على شكل نقاط ... واذا كان حوسه مالي شغل
أبيضـ ..
عشنا معهم ..
حبيناهم ..
واغليناهم ..
( حكينا .. سولفنا .. ضحكنا .. وفضفضنا )
ثم .... انتهينا ..!!
( عشان ربي )
انتهينا ..
نشتاق لهم بقوه !!
نحنّ للأيام الحلوه ..
بس ..
( عشان ربي .. وربي بس )
انتهينا ..!!
الله يثبتني : )
أبيضـ ..
أنا و دانيا .. ثنتين نكمل بعض بالأفكار والآراء وحتى اتخاذ القرارات ..
في لحظة ضعف .. وفي لحظه كنت بتوقع اني اهدم كل اللي بنيته ..
كانت معي ..
ساندتني .. وأيدتني .. وسوت مثلي بعد .. وعلى قولتها نشبة بحلقي
نفسيتي كانت تعبانه بشكل كبير .. بس دانيا عدلت لي نفسيتي وحياتي ..
وقفت معي لآخر لحظه .. ولحد أمس ..
لا ولحد اليوم ... وبكره ..
من دونها وربي كنت بأضعف .. بتراجع .. !
يمكن قويه بعقلي .. بس العاطفه تغلب بعض الأحيان .. وتدمر كل شي بنيته !!
دانيا .. خلتني أتغلب حتى على عاطفتي : ) ..
وربي ان الصداقه نعمه .. ووحده مثل دانيا أعظم نعمه : ) ..
أبيضـ ..
أعترف لكم اني احترقت من الشمس في ساحة المدرسة .. أعترف لكم صرت عبده بحق وحقيق
ورغم التعب .. والارهاق - خاصه وقت الاختبارات – أحس بقوه تدفعني للدراسه باجتهاد أكثر ..
أحس بسعاده موب طبيعيه ..
أحس براحه .. وطمأنينه .. وحب للحياة أكثر ..
( من ترك شيئاً لله عوضه الله بخير منه ) أنا تركت أشياء أحبها عشان الله .. وهذا هو عوضني وأشغلني بدراستي وصار يومي يمر بسعاده موب طبيعيه ..
أبيضـ ..
شذاوي .. أنا ما قررت أفتح معك هالموضوع أبد !!
لأني عارفه ان هالشيء ما يجي الا بقناعه تامه ..
بس اليوم .. ولأني أحبك .. وأعزك .. وأغليك ..
قررت أتكلم معك فيه .. لأنك شذاوي .. ولأنك عيوني اللي أشوف بها دربي ..
ولأنك كل شي بحياتي ..
تبريراتك اللي قلتيها لي ما تخش العقل .. بس أنا سكت لأني كنت مثلك أبرر لنفسي !!
شذاوي أنا أمس أقول لـ دانيا انك قويه باتخاذ قراراتك .. واذا حطيتي براسك انك بتسوين شي بتسوينه ..
أنا أعرف انك قويه .. وتقدرين وبسهوله .. بس فكري أكثر ..وخلي الشيطان على جنب ..
وش أهم ؟؟ ترضين ربك والا ترضين نفسك وهواك
ما راح أناقشك هالفتره .. بترك كل شي لعقلك وهو يحكم ..
أبيضـ ..
بجد .. لما رحت المسجد أصلي برمضان اللي طاف ..
لما قعد الشيخ يقرا قران .. قال آيات وقعد يصيح .. وربي حسيت انه يقصدني يوم قال هالآيه :
{ وما الحياة الدنيا إلا لعب ولهو وللدار الآخرة خير للذين يتقون . أفلا تعقلون }
و لما قعد يدعي ويصيح .. قعدت أشاهق أحسه يقصدني !!! يحاكيني !!! يوجه لي عتاب !!!
أبيضـ ..
اممممم رغم الألم اللي يعتصر قلبي الى هاللحظه ..!!
إلا اني أكتب هالكلام وأنا أبتسم ..
أكلم دانيا وأنا أبتسم وأصيح بنفس الوقت
أدري شي صعب انك تتعود على شي .. وفجأه تتركه ..!!!
رغم ان سعادتك فيه !
وراحتك فيه !
وكل حاجه حلوه فيه !
أنا سمعت كثير إن القرب من الله يجلب السعاده .. ما كنت مستوعبه هالكلمه !!!
كنت أقول وانا وش ناقصني هذاني سعيده ومرتاحه؟؟
عل بالي ان الروحه والجيه والنت والمسن هو قمة السعاده !!!
ما أنكر اني انبسط !!
بس بشكل (( وقتي )) !!
بس لما قربت من ربي أكثر .. وربي حسيت بالسعاده الحقيقيه .. واللذه في العباده .. شي شي شي شي يجنن
أبيضـ ..
أبيضـ .. هذي الكلمه اللي عنونت بها كل نقطه ..
تعبر عن راحتي .. عن قلبي .. سعادتي .. عن حياتي اللي قاعده اعيشها الحين ..
{ ومن يتقي الله يجعل له مخرجا . ويرزقه من حيث لا يحتسب ومن يتوكل على الله فهو حسبه ... }
لين متى احنا في غفله ؟؟
لين متى واحنا نقول ان شاء الله بكره نتوب نكبر ونعقل !!
انت تضمن عمرك ؟؟
تضمن انك تنوم الليل وتصحى الصباح !!
أو تطلع من بيتكم وترجع !!
أنا ما ادري ليش قعدت أحكيلكم عن نفسي !!
يمكن لأني أحبكم .. وأبيلكم الخير مثل ما أبيه لنفسي ..
اللي أبي أوصل له ... ان بطاعة الله وترك هوى النفس تحصل به السعاده الحقيقيه ..
أترك الصفحه لكم .. منتظره مداخلاتكم أياً كانت
فيه أقلام أبي أشوف ردودها .. تشجيعها .. ابتسامتها .. أتمنى ما تخذلني !
أحبكم قد كذا << فتحت يدينها أوسع شي : )
14
945
يلزم عليك تسجيل الدخول أولًا لكتابة تعليق.
عليكم السلام ورحمة الله وبركاته
وصلنا للألفية الثالثــــــــــــة ،
وما زالت العنجهية والعصبية والعنصرية السمة المميزة لمجتمعنا النـامي
!!!
وصلنا للألفية الثالثــــــــــــة ،
وما زالت العنجهية والعصبية والعنصرية السمة المميزة لمجتمعنا النـامي
!!!
الصفحة الأخيرة
يالله كــــــــــــلاك يشرح الصدر
أعجبتيني بكل موقف وكل كلمه...بعض الأمور الغايبه مافهمتها
بس فهمت أنه أبيض القلب اللي يحمل هالمشاعر الحلوة والرضا والإيمان
كلامك حلو ...هذا اللي اقدر اقوله
وهنيئاً لصديقاتك فيك...والحمدلله في ناس مثلك تقدس الصداقه وتعرف قيمتها
اتمنى صديقاتك يقرون كلامك...ويشاركونا هذا الجمال في التعبير ..
الأيمان هو سبب كل الأطمئنان اللي ممكن يشعر فيه الأنسان الله يثبتك ويزيد ايمان...
وشكراً على هالموضوع الأبيـــــــــــــــــــض