آجار (طرشي) كويتي طعم و ممتاز.....شغل بيوت اول.

الله يعطيك العافيه حبيبتى lujain-q8 الغاليه
رووووووووعه وابين عليه اممممممممم
تسلم الايدين الحلوين يا عسسسسسسسسل
ونوووووووورتى المنتدى عيونى
وننتظر الاطباق الثانيه منك
تحياتى
ام علاء

السلام عليكم ورحمة الله وبركاتة .....والله رفعتي معنوياتي :) لانج الوحيدة اللي عبرتني .. مشكورة اختي

رووووووووووعة
ان شاء الله اطبع الوصفة و اخلي الوالدة تسويها
مشكوووووووووووورة يالغالية

بس سؤاال .. هل تقصدين ملعقة كبيرة من كل نوع من البهارات ؟

مشكوره حياتي
بصراحه اموت على الاجاااااااااااااااااااااااااااااااااااار
واذا عندك طرق ثانيه لا تبخلين علينا فيها
ومشكوره

حياكم الله خواتي ومشكورين على ذوقكم
وانا عندي اشوية اظافات على الموضوع


- يفضل انج اتسوينة اول دخول الصيف لانة الشمس تكون حامية وطبعاً ياخذلة وقت على مايستوي من شهر الي 3 شهور انتي سوي كمية كبيرة تكفيش السنة كلها احسن... :)
- دوري ثوم الجبل اللي تكون حبتة كبيرة واللي لونة اصفر.
- الطروح اهوة مثل الخيار لكنة طويل ومنحني وتقدرين اتقطعينة مثل الخيار دوائر من غير تقشير.
- الباذنجان يكون صغير جداً وتشيلين راسة .
- الكزبرة ناشفة
- الفلفل الاحمر الحار يكون مدور او الطويل.
- تحطين الملح حسب الذوق على كيفج بس انتبهي لاتحطين وايد لايصير مالح حيل وماتقدرين تاكلينة اهوة ماله كمية محددة انتي ذوقية لماتسوينة .
- تقدرين تقطعينهم مثل ماتبين بس خلي حجمهم متناسق وقصتهم كثر ماتقدرين مثل بعض .(هذا على ذوقج)
- بالنسبة للبهارات (الكزبرة الفلفل الاحمر الملح الفلفل الاسود ) يكون نص الكمية من كل واحد مجروش خشن والنص الثاني عدل غير مجروش وتحطينهم داخلة
- وبعد اذا تبين تحطين طماطم دوريها الصغيرة ومدورة او الطماطم الايراني الطوال الضعيف على كيفج وهذي ماتقطعينها تخلينها على عدالها.
- تاكدي انه كل شي ناشف تماما من الماء ياخذلة فترة يمكن يوم او اثنين لكن المهم انه ناشف.
- تقدرين اتحطين اي نوع من الخصروات اللي انتي تحبينه لكن اللي عطيتج اياها اهية الاساسية لكن تاكدي انج تخلصتي من الماء اللي بالخضروات.
- تحطين الخضروات بالبرطمان (البستوك) بالتناوب واول شي تحطينة الطماط بالقاع ثم الباقي عليةوتسوين طبقات وترشين بينهم البهارات .
- بالنهاية رشي الخل الاحمر المسود اللي علية ديك الكل يعرفة اظن .