آخاف اصحى يوم ولاالقى ريما

باكتب لكم قصتي يمكن احس ان الهم الي على صدري يخف لان مااحد يدري وشكثر آعاني وبصمت آنا عمري 30 عشت طفوله ومراهقه صعبه كنا عائله كبيره ,فينا الضابط والعاطل والطبيب والداج الي ماعنده سالفه وكثيييييييييييييير كثيييييييير مشاكل بس وجود ابوي وآمي ماكان يخلينا نعيش المشاكل خلصت الكليه وتوظفت والحمدالله استقريت ماليا صارت عائلتنا محط انظار الجميع لان كل الي بالعائله ناجحين وموظفين
تزوج ابوي وابتعد عن العائله وبعد اخواني الي فيهم خير ابتعدو وتركونا بنات ومعنا واحد من اخواني كان منتهي من المخدرات لدرجة كنا نسكر على انفسنا علشان مايجينا منه شي يكسر ويضرب وامي مسكينه لاحول لها ولا قوه,,واخواني الكبار كل واحد خايف على نفسه وسيارته,وحنا نعيش وسط خوف وظلام وحاله نفسيه زفت ابواب بيتنا مكسره جدرانه كل شي كل شي دمار
مره حاول يحرق في البيت هربنا لبيت اخوي الكبير جلسنا عنده فتره يمكن شهر في الآخير ماقدر يتحملنا طلب من امي تطلع اضطرينا نطلع ونستآجر شقه مفروشه وكان اهم شي ان اخوي مايعرف مكانا عشنا سنتين من عمرنا ننحاش من مكان لمكان كل ماعرف مكانا
نسيت اقولكم اني قبل يبتعد ابوي زوجني من شخص يقاله ملتزم جلست معه 6 شهور بعد هربت من تفكيره المتخلف قلت نار اخوي واهلي ولاجنة تخلفه
مرت السنين والعائله تطلع عنّا كلام وماادري ايش ,اخوي الصغير نتيجة الضياع الي عاشه بعيد عنّا عقل شوي وطلب من امي ترجع وفعلا رجعت وعقل احسن من اول
وانا استمريت في الرياض علشان شغلي وماسلمت من كلام زوجة اخوي الي تكلمت في شرفي لدرجة ان اخوي قرر يرجعني غصب لزوجي ورجعت تخيلو يابنات ماقدرت اجلس معه اكثر من اسبوعين بعده طلعت ع المستشفى متكسره لاني ماابيه
فرحت بالمستشفى وقلت بارفع قضيه ومعي اثبات للي حصل لي خاف زوجي وقرر يبعد عني فتره وطلعت من المستشفى ورحت لشقتي وصرت نفسيه اكره كل الناس حتى اخواتي بعد شهرين اكتشفت اني حامل
بكيييييييييييييييييت بكى وحاولت انزل الجنين ,,كل الطرق مانجحت كلمت وحده من خوياتي وقالت:يااختي خليه يمكن يكون سبب لراحتك بعدين..
فعلا تركته ليه؟؟؟لاني حسيت ان هذا الجنين من صار بداخلي وانا متغيره والدليل اني صرت مااهتم لكلام الناس واني وقفت زوجي عند حده واني طردت اخوي الي كان مسوي رجال وقلت له:انت مالك علاقه فيني لك علاقه بزوجتك بس.ّّوينك لما احتجتك؟وينك لما انطردنا في الشارع؟ وينك لما دخلت المستشفى؟؟؟

اخذت اخوي الصغير كان عمره عشر سنين وعشت فترة الحمل لحالي,,لما صرت بالثامن جا زوجي يحاول ياخذني بالقوه قاومته فاخذت كم رفسه وكم ضربه انتهت بغرفة الولاده سويت عمليه وانا بالثامن وجبت ريما ظلت بالمستشفى تقريبا خمس شهور
وآنا طلعت معي ورقه عدم تعرض
كرهته وكرهت بنته بس عناد ماخليته ياخذها والحمدالله انها كانت بمستشفى خاص علشان كذا ماقدر ياخذها لانه كان لازم يدفع فلوس وطلعتها آنا وآخذتها معي شوي شوي تعلقت فيها وحبيتها وصرت مااطلعها من البيت الا بحراسه لدرجة جبت شغاله عندها دورة تايكوندو والسواق كان باكستاني يشتغل بودي قارد قبل والله وربي صرت اصرف 3000 تقريبا بس علشان حمايتنالإنه للآسف لا الآهل والا القانون يحمينا.
بنتي عمرها سنه و10 شهور والحمدالله الحين انا مرتاحه ماليا ونفسيا بس خايفه يجي اليوم الي افقدها بالشرع
معقوله اذا صار عمرها 7 سنوات ياخذها؟؟؟لانها ابوها؟؟وانا؟؟والعذاب الي شفته؟ماله معنى؟؟
آنا كرهت فكرة الزواج ومستحيل اتزوج بعد الي شفته من ابوي واخواني وطليقي
معقوله باصحى يوم واكون لحالي؟؟ بس لآني آم مايحق لي احتفظ ببنتي بعد 7 سنوات؟؟
لييييش؟ آنا الي تعذبت وآنا الي ربيت !!وآنا الي صبرت وباصبر اكثر واكثرر
وبآصرف وباسوي اي شي بس ماافقدها..
وربي كل ماافكر اني بافقدها اقول عليّ وعلى اعدائي باهج بها برا المملكه
نسيت اقولكم ترا بنتي الى اللآن مالها اوراق ثبوتيه لانها بنت وابوها يشوف انه مو ضروري احد يعرفها لانها بنت<<شوفو التخلف
هو مايبيها بس عناد فيني يقول باخذها واحطها بالبيت ولادراسه ولا طلعه ولاشي البنت من بيتها لبيت زوجها والا لقبرها!!!
وش اسوي يابنات؟وش الحل؟؟اسوي اوراق بنتي واطلب بعثه واسافر؟؟والا انتظر بنتي تكبر واذا صار عمرها 7 سنوات ارجع لطريقة الهرب الي سويتها قبل؟؟والا وش اسوي
والله اني كل مااشوفها واسمعها تقول مامي,اصيييييييييييييييييييييح لاني داريه اني بافقدها المشكله انها بتعيش مع واحد متخلف وهي ماتستاهل..
ساعدوني تكفون وش اسوي؟