آخت زوجي وسلفاتي وش الحل معهم..

:mad:

يابنات أخت زوجي غريبه جدا.. انا ما اروح لمهم واجد.. ولين اجيهم كله مكشره ومعبسه .. واذا معي زوجي ولا كني موجوده وتحب تدلع زوجي .. مره شافته زعلان جاتن قالت انا مااسمح لك تزعلين اخوي ..بكل جرأه وهي ما تدري عن السالفه اصلا..
واذا جن سلفاتي الثانيات ضحك وفرفشه ووناسه وانا ولا كلمه تقولها واذا تكلمت بدون خاطر بس كذا مدري وش فيها.. رغم اني طيبه معها جدا وحتى بخرجاتي وتمشياتي اقول لها يالله معنا ولا قد ضريتها بشئ.. وزوجي مره مدلعها لانها الوحيده حتى لو جبت شئ تقول الله يخلي اخوي ومن هالكلام يعني انا كني ما سويت شئ .. وما تعيرني شئ من الخلق الحسن:44:
والشئ الثاني سلفاتي اذا تكلمت كلهن جن ضدي ويقطعن كلامي سبحان الله .. وكأنني انا الي خطأ دايم وهن الي صح دايم.. وضحك واسرار مع بعض ويعلقون على اي شئ البسه حتى لو عبايه .. انها مو تمام .. واناو اثقه من نفسي واعاملهم مثل خواتي لكن للصبر حدود..
انا تعبت صراحه نفسيا وما احب انافق واضغط على نفسي وبنفس الوقت مانيب راعية مشاكل ..
وش السواة معهن بالله شورن علي لاني صرت اتأزم اذا تقابلت معهن .. .