السلام عليكم يالغاليات
مثل ماوعدتكم بموضوعي السابق
http://forum.hawaaworld.com/showthread.php?t=1816127
ان براسي افكار ناويه اطبقها وانا عند وعدي وهذاني موجوده هنا عشان اوريكم وافيدكم
فكرتي اليوم مو جديده هي تطبيق اكثر من انه فكره
باختصار انا عندي مشكله في ادراج مطبخي .. عندي فقط 3 ادراج
الاول لملاعق الاكل والسكاكين وخلافه
والثاني للبيالات والفناجين
والثالث لاغراض الحلا والمناديل حقت التقديم وخلافه
يعني عندي ازمه بملاعق الغرف والطبخ صحيح معلقه اغلبهم فوق بس ولو عندي كثير ولا فيه مكان يشيلهم
رحت هاليومين لايكيا عشان اشتري من قسامات الادراج اللي عندهم عشان اقسم الدرج الاول مضبوط قد الملاعق وخلافه وبكذا يصير عندي مكان يوسع ملاعق الطبخ بس مالقيت اللي ابغاه عندهم :44: قساماتهم مو مرنه يعني ماتجي على كيفك ولا على مقاس الدرج عندهم مقاسات محدده .. عاد انا انقهرت وتحطمت :( وشريت منهم بهض الاغراض ورجعت
الفكره لازالت تطن براسي فقلت خليني اجرب ابتكر بنفسي ,, وشوفوا وش طلع معي
وهذي من قريب
دخل :arb: علي وانا اقص واحوس بالمطبخ وضحك وقال لا تتعبين نفسك مارح تضبط وبعد ماشاف الشكل الاخير انهبل يقول والله ناوي اجي اضحك عليك واقول قايلك من الاول بس انتي ماسمعتين عاد انا اللي ضحكت عليه بالاخير وفزت بالتحدي :icon28:
ها وش رايكم فيني يابنات حواء ؟؟:39:
الطريقه
جبت كرتون وقصيته على نفس مقاس الدرج قصيت منه 2 نفس المقاس وغلفتهم بتغليف ايكيا كنت شاريه قزاز من عندهم ولفوه فيه غلفت الكرتون فيه بعد القياس
وقصيت مثلهم بالعرض وغلفته بنفس الطريقه وفتحته بالنص عشان يدخل فيه الاول ويقسمه وثبتهم بشطرطون شفاف وجلدتهم كلهم بالشطرطون عشان المويه
وصفيته بالدرج وبكذا وفرت المساحه اللي احتاجه بدل القسام البلاستيك الكبر اللي مضيع علي الدرج بالفاضي
اتمنى الشرح واضح واللي عنده اي سؤال انا مستعده ..
حياكم الله
تسلم ايدك حبيبتي والله فكرة حلوووه