آخر التطورات لأختكم المهمومه سيالة11

الله يفرج همك

والله يااختي ماادري ايش اقولك بصراحة بس بصراحة انا من وجهت نظري لا تستمري معاه لانو مشاكله كثيرة وهل انت بتقدري تستحملي هالمشاكل وشكله ناوي يتزوج والله اعلم فانا اقول ايمكن ربي يعوضك برجل احسن منه وذرية صالحة

الله يعينك بس الي واضح انه هو طلقك وبصراحه لو انا مكانك اطلب الطلاق لان زوجك مابقى شي ماقاله واتوقع صعب تعيشينه معه وحبيبتي لاتعيشين بعذاب عشان الناس اذا جاك سكر وضغط الناس ماراح تنفعك واستخيري وربي يخيرك الخيره المباركه والله يعوضك بخير منه ***** الله

لا حبيبتي تمسكي فيه...الوحدة مو كل يوم لها زوج...ميخالف اخذي بخاطره(ادري انه غلطان) بس ميخالف تنازلي ...احنا الحريم دايما جذي نتنازل..شنسوي بعد....وانتي امبين من كلامج انج اتحبينه واهو بعد يحبج..لان يقول خطب اربع مرات ..ليش ماتزوج ليلحين!!!!!

معناتها انه متردد ويفكر فيج...يمكن لمن لفظ كلمة طالق كان بلحظة غضب...تدرين الشيطان يلعب دور في هالمواقف...


كلميه مرة ثانيه واقتنصي الفرصة المناسبة...والله يفك عوقكم ويهدي زوجج ويصلح ذات البين بينك وزوجك...ويرزقك الذرية الصالحة الي تملي عليكم البيت واتخلي هالمشاكل من الماضي

حبيبتي يمكن انتي متعلقه فيه بس بصراحه مابقي شي ماقاله
دامه يقولك((( اذا عندك كرامه لاترجعين حتي لو برضوه)) هذا شكله بايعك بس يبغيك احتياط لما يلقي زوجه ياقلبي ليش خايفه من كلام الناس وشماتتهم الناس يافلبي بتتكلم لين يملون سواء كنتي معه او انفصلتي
حبيبتي استخيري واتركيه لاتتصلين عليه ولا شي واذا طلقك لاتحزنين ربي خلق الانسان وتكفل برزقه وصدقيني بيتكلمون الناس فتره ثم بيسكتون بس انتي بترتاحين لانه لو تزوج عليك بيتركك وبيروح مع زوجته الثانيه وانتي بتتعبين نفسيا او ممكن يهينك قدامها لان شكله ماعنده احساس فاحسن لك تكونين بعيده عنه
اكثري من الدعاء وقومي قبل الفجر بساعه وادعي ربي ينجيك منه ويرزقك بزوج صالح وذريه صالحه وان شالله راح يجيك الفرج صدقيني لايهمك شي خلي الناس تتكلم وتتشمت وانتي بتاخذين اجرهم بس لاتخلين نفسك بعذاب من تجريحه لك وتوكلي علي الله وتحسبي على كل من اذاك بالقول والفعل
اعرف وحده من جماتنا عاشة مع زوجها تسع سنين ومارزقهم الله وكله مشاكل وتطلقت منه اهو تزوج بنت خالها وجاب بنت واهي جلست سنه ثم خطبها واحد من عائله اخرى يعني من برى الجماعه وماشالله ماجلست شهر اللي هي حامل وعندها توئم والحين حامل
سبحان الله عوضها ربي مع انو كان عمرها كبير بس ربي رزقها من واسع فضله
والله يفرج همك وغمك ويرشدك اللي مافيه خير لك
استخيري يالغااااليه ماخاب من استشار الله

والاخت اللي ردت قبلي وتقول الحرمه موكل يوم لها زوج(((بصراحه الزوج مايسوى اذا بيحرق اعصابك ويهينك ويعذبك)) اتركيه وربي بيعوضك احسن منه بس اخلصي الدعاء الله وفيه ايه قرانيه تقول )))ولاتصعر خدك لناس ولاتمشي في الارض مرحا))) يعني لاتذل نفسك لناس ولا تتجبر
حبيبتي اللي قبلي تقولك انه يخطب للحين ومازوج لانه يتردد ويفكر فيك .زبالعكس اهو يبي يتزوج بس شكل النا هم اللي يرفضون لانه قال لامه قولي لهم انه مطلق شكله تعب نفسيا من كثر مايرفضونه وقال بقول مطلق علشان يوافقون لان اغلب الناس تفضل توز بناتهم مطلق ولا واحد عنده حرمه بالذات لما تكون بنتهم صغيره
وبقولك شغله مهما اوهمتي نفسك انك تحبينه انتي اصلا ماتحبينه بس متعلقه فيه علشان خايفه من كلام الناس او من الشماته علشان كذا نشاء عندك شعور داخلي باتعلق فيه وهو نوع من انواع التعلق والتعود والحاجه بس هذي تقدرين تتخلصين منها لما تجلسين مع نفسك جلست صراحه وتفكرين زين زين
والله يسهل امورك
وسامحيني عالاطاله بس حبيت ادعي لك واوضح لك اللي انتي غافله عنه وان شالله ربي بيحلها