آخر التطورات مع ام زوجي ..الله يعيني

السلام عليكم ورحمة الله وبركاته

انا كتبت لكم مره عن عمتي وكيف تجي تضرب الباب وتزعجني من الضرب الا افتحه حتى لو كنت مشغوله ...وعن قعدتها في حجرة نومي ولزقتها

اليوم وكل العادة جت وضربت الباب بس سويت نفسي مااسمع .. بس تروح وترجع تضربه وانا كنت مشغوله ومالي مزاج وهي الله يسلمها ماتقعد الا بغرفة النوم وتقيدني ..فمن جذي مافتحه
لكن جه زوجي من الشغل وفتح الباب وهي سيدة دخلت وراه ماصدقت انفتح الباب:eek: وسيدة راحت لغرفة النوم وقعدت فيها ..وقعدت تسولف مع زوجي وبنتي كانت نايمه انا الصراحه تنرفزت منها قلت لهم اقعدوا في الصالة بنتي نايمه ومابغي احد يقعدها وهي ولا كانها تسمعني وكم مره قلت لها وتسوي روحها ماتسمع بعدين زوجي قال لي انا طالع خليها تقعد في الحجره ومحد راح يتكلم..طبعا زوجي مايفهم ان حجرة النوم خاصة ومااحب احد يقعد فيها وخصوصا اذا شخص يطول بالقعده ..عقب ماطلع زوجي قلت لها ليش ماتقعدين بالصاله؟؟ قالت لي زوجك طلع الحين وانا ماقاعده اتكلم علشان تقعد بنتك من النوم ..ورحت عنها الا اسمعها تكلم روحها وتقول هاذي كل تطول لسانها ..كان ارد عليها من تطول لسانها؟؟ ..قالت انت ..قلت لها متى طولت لساني عليج ؟..قالت كل شوي تجين تبغيني اطلع من غرفة النوم!! ..قلت لها القعده بالصاله اريح لك ..قالت لا هناك ريحة طبخ ..قلت لها مافي ريحه ولا شي ..وماترضى تطلع من الغرفه

والله اول مره اشوف ناس جذي ماتحس ولا تخجل تشوفني ماارضى تقعد في الغرفه ومعانده الا تقعد كان الحجره احد ممتلكاتها ومو من حقي اخذ راحتي فيها ..حاسبه روحها هي صاحبه المكان ولها الحق في كل شي ..والله في العيد كنت نايمه مع زوجي للظهر لان بنتي ماتخلينا النام كل سهر للصبح جت ام زوجي وكسرت الباب من الضرب وتصارخ قعدوا كل نوم ..وهي حضرتها تنام من المغرب وماعندها شغل ولا مشغله مو مثلنا ساعه في الليل مانام

نصيحه لكل وحده ماتزوجت لا ترضين بالسكن مع اهل الزوج حتى لو كانوا اطيب ناس في العالم ولا حتى مع امه لان ماراح تخلصون من المشاكل ..

ادري دوختكم بس شسوي من اتضايق اجي افضفض لكم علشان ارتاح شوي