آخر مستجداتي "الخيانه" 💔

الشهر عليكم مبارك يابنات والله يعينا على صيامه ويتقبله منا ولايخرجنا منه الا من المقبولين ومن تغيرت احوالهم للاحسن والافضل يااارب 🤲🏻
اللي تذكر موضوعي او "مصيبتي اللي صارت مع زوجي"
واني اكتشفته على علاقة بوحده معاه بالشغل
الله لايوفقها ان كانها للحين معه ويدب الرعب والخوف والهلع بقلبها ويسلطهم على بعض يارب دعوة صايم لاتردها خائبه " 😭
قلت لكم انه قلب السالفه علي وكلما كلمته قام يصارخ وخليته يهدا شوي وجيته وانا اكلمه بكل برود وجديه
انه ببساطه تبينا نكمل مع بعض واستر عليك وانسى اللي صار والا نحلف على القران نبدا صفحه جديده وعهدالله هو اللي بينا؟
بعدها انهار وقام يبكي ويهدد انه بيفصلها من الشغل لانه خربت حياته واني مااستاهل اللي سواه فيني طبعا هذا كله انا بوقتها ماني مصدقته والى الان ماصدقته بس كنت ساكته لانه حلف لي بالله قبل هالمره حول ثلاث او اربع مرات ويكون متواصل معها رغم حلفه لي !!
وقام يقول بس جربيني اسبوع وشوفي شلون بتغير
كان الشي لي لحالي مو بس له هو !!!!
و الحين بعد ماحلفنا على القران وعلى اساس اننا بدينا صفحه جديده و رغم انه يحاول يتعدل معاي ويرجع المياه لمجاريها الا اني مو مرتاحه ومتوتره ودايم حاسه بالهم والضيق وبحاله مايعلم فيها الا الله لاحد يلومني والله العظيم شي مو بيدي مع اني ولله الحمد احس اني تقربت من ربي كثير واشوف الموضوع من هذي الجهة ان اللي صار خير لي واكيد انه تكفير لذنوبي باذن الله ويمكن سبب بتقربنا انا وزوجي لبعض
بس مثل ماقلت مشكلتي ماني قادره اتقبله ولا ارجع اثق فيه حتى لو مثلت هذا الشي قدامه ومشيت حياتنا احس حتى هو حاس بتمثيلي بس يتهرب من المواجهه 😭
وبالذات اذا مسك جواله احسه مازال يكلمها
ويتواصل معها مثل ماكان يسوي وانا جنبه 😭😭😭
دعواتكم الله يسعدكم الله يربط على قلبي وينسيني اللي صار ويبعد عنا بنات الحرام خرابات البيوت وحسبي الله ونعم الوكيل فيهم 💔💔💔