آخر موضه للسرقه يجون يطقون الباب عيني عينك موقف صار لي

السلام عليكم ورحمة الله

هلا بنات شخباركم ان شاء الله بخير

بغيت اقول لكم شالفه صارت لي يوم الخميس

تخيلوا الحمد لله اني ماطلعت مبكرررررررر خيره والله بفضل من ربي ثم الاذكار

طق علي الباب اثنين شباب سألوا هذا بيت ابو سالم قلت لا غلطان قال يمكن الشقه اللي بجنبكم قلت يمكن لأني ماعرف اسامي اللي بالعماره

انا قرصصصصصصصني قلبي بس مادري شلون عديت الموضوع وللحين مقهوره ودي انهم انصادوا احسها شجااااااااعه

الساعه كانت 7 الا ربع المغرب يوم طقوا علي

جانا جارنا من بكره وسأل زوجي ماشفت احد امس مالاحظت شي قال زوجي لا والله وش السالفه

قال له جيت لقيت مسروق بيتي ماخذين طقمين ذهب ولابتوبين حسبي الله عليهم

تدرون شلون داخلين ؟؟ تعرفون الكيلونات من شركة yell يقدرون يفتحونها احرصوووووا غيروا كيلونات البيت وحذروا كل من تعرفونه وتأكدوا انه الاصلي لأن الشركه مطلعه تنبيه انه فيه تقليد منتشر

انا فاااااااار دمي قلت والله كان قارصني قلبي بس مالله اراد اتصرف

وصلت فيهم لدرجة انهم يطقون الباب بيشوفون الشقه فيها احد والا لا

اه يارب اشكرك واحمدك ياربي انك حفظتني وحفظت بيتي وقتها كنت جايبه شبكتي وكل اطقم الذهب وساعاتي الحمد لله والشكر لله

يابنات الرياض خصوصا انتبهوا انتبهوا الله يخليكم ترا والله الحراميه الحين يدخلون بينكم وانتم ماتدرون

انا بكره بإذن الله بودي اطقمي للبنك والله الحافظ

ولاتنسون الأذكار والله العظيم لها اثر ماتتصورونه

للمعلوميه انا كنت بطلع يوم الخميس بدري بس تأخرت لو ماتأخرت كان كل شي بااااااااااااااااااااح

ارجع واقول الحمد لك يارب

استودعوا بيتكم واغراضكم نصيحه من اخت لأخواتها عن تجربه

بقول لكم موقفي الثاني مره كنت بالسوق ولابسه سلسال ذهب وواقفه عن ماكدونالدز بطلب الا طاح السلسال بدون ما احس وبالعاده اذا حسيت بشي تحتي ما اناظر له وكانوا فيه ناس يطلبون لكن سبحان الله الدعاء الدعاء يابنات

دايم استودع بيتي واغراضي وسبحان الله انا واقفه عند المطعم واحس بشي تحت رجلي تكرمون قمت رجفته برجلي ولفيت مادري وش خلاني اناظر للأرض يوم شفته الا التعليقه بالارض وامسك رقبتي بسرعه الا احس بالسلسال متعلق يااااااااااااه سبحانك ياااااااارب

فعلا الأذكار تحفظ الواحد وتحفظ مايملك

ماوصيكم حبيباتي

يللا انا مستعجله بطلع الحين

الموضوع انا العنودج كاتبته واذا بتنقلونه للفائده اذكروا انه منقول من منتدى عالم حواء

والله يحفظنا واياكم