موضوووووعك راااائع يابنت سدير >>>>ترى مو لهالدرجه قلبي قوي بس موضوعك يخلي فرصه للبنات انهم يفضفضون شوي ويطلعون اللي بقلبهم وغير كذا يخلي البنات يحكوا تجاربهم لبعض عشان كل وحده تهون على الثانيه وانه شي طبيعي وعادي خاصه للي قريب بيتغربون الله يسهلها ويوفق الجميع.. والله يحفظلك بنتك ويوفقك بدراستك ...

يالبى قلوبكم والله حزنت عليكم مرررره

والله انا ما احب الغربه خير شر

مير الله يوفقكم ويحفظكم من كل شر

وترجعو بالسلامه وترفعو رؤوس اهاليكم

انا عن نفسي رحت اسلم على ابويه وطول الوقت ماابغى احط عيوني في عيوني راسي صار زي المروحه يمين يسار بعدين هو قام وراح الغرفه وانا ماصدقت شردت ههههههههه بعدين قام ينادي في العماره باسمي وانا دموعي نزززلت وسلم عليه وعلى راسي واعطاني ظرف فيه مبلغ وقدره


اما امي اصلا قبلها بيومين وهيا في غرفتها صاكه على نفسها حتى سافرت وانا ماسلمت عليها اتذكر اخويه صحاها تكوي ثوبه الفجر على موعد رحلتنا وانا كنت عندهم قامت طلعت الكوايه من غرفتها وحطتها عند الباب وسكرت الباب ماتبغى تشوفنا انا وعيالي

لاتلمونها بنتها الوحيده

موضوع حلو ورائع بس اني كسلانه اكتب قصتي لانها فلم هندي طووووووووووووووووويل خليها على ربك

شكرا لموضوعك بنت سدير

الله يرجعنا لاهلنا ساااااالمين ونشوفهم باقرب وقت

مشتاقه اشوفهم لو ساعه وحده بس الله يعين عليك ياليالي الغربه

انا قبل مااسافر كنت متزوجه لي شهر ونص رحت الرياض سلمت على اهلي في رمضان وكانت هذي اخر مره شفتهم فيها

بعدها رجعت جده وجلست اخر يومين من رمضان عند اهل زوجي طبعا وربي ماكنت حاسه اني بسافر وبتغرب وبترك السعوديه

كان شعوري عااااااااااااااااااااادي بالمره احس اني مسيره ماني مخيره مدري وش التبلد اللي صار فيني

ليله السفر صحيت الساعه 8 الليل كنت عند خالتي وليلتها كلمنا اقاربنا واقارب زوجي بالتلفون وجهزنا اغراض بسيطه والشنط كان ابو زوجي الله يعطيه العافيه في المطار يشحنها وصار وزن زايد وحووووسه الله يعينه ماقصر

وع الساعه 3 الفج جات بنت خالتي وبناتها يسلمون علينا وسووا مناحه وهم طالعين وانااااااا عاااااادي جدا مابكيت

ع الساعه 6 ونص الصبح غيرنا ومشينا وسلمنا ع اخت زوجي كانت عندنا بالبيت وهي تبكي مسكينه حزنت عليها بس برضه مابكيت

وفي السياره ام زوجي وابوه واخوانه راحوا معانا وخالتي مسكينه واضح من صوتها انها تبكي

تدرون متى بكيت اول وقفنا في المطار ونزلنا من السياره ذاك الوقت صدق صحت تدرون قبل ماادخل المطار كنت اتنفس بعمق انتفس بقوه واقول في نفسي اخر مره اشم هواك يالسعوديه ودخلنا المطار وقبل ماندخل صاله المغادرة سلمت على ابو زوجي وحضنت خالتي وانا وياها فيلم هندي ونصييييييح ااااااه ياربي

بعدها دخلنا الصاله ولقيت مع صديق زوجي وزوجته وجلست معها عااااادي ماكاني اللي ابكي قبل شوي وحنا جالسين ننتظر الرحله كلمت اخواني كلهم ودعتهم

ويوم ركبنا السياره كلمت ابوي قلت له يبه انا الحين في اياره مسافرين وجلست اصيح وهو يصيح وودعته ودعاء لنا الله يخليهلي ولا يحرمني منه عسى يومي قبل يومه

وفي الطيارة كل شوي اصيح وزوجي يحضني :( واخر نظره للشباك اقول في نفسي اخر مره اشوفك يالسعوديه

والحين لي 7 شهور في امريكا يعني احس مابعد تاقلمت مره مايمر شهر الا وانا اقول لزوجي ابسافر الله يعين بس ...