آسفه على التأخير قصتي مع الخروع والولاده ومستشفى الولاده بالمدينه

صباح الخير

آسفه على التأخير بس سامحوني الخياطه تعبتني والضيوف وبنتي المهم إليكم القصه

بدأ الشهر التاسع وأنا فيني ألم يروح ويجي والدكتوره كانت محذرتني من الولاده المبكره عشان عندي إلتهاب بالبول الله يكرمكم
دخلت شهري أول يوم عيد الفطر وكل من شافني الاخت متفائله راح أولد بعد ثلاث أيام أنتظروني مرت الثلاث أيام ومافي شي الوجع ما زاد والوضع مستتب فتحت النت وقريت في المنتدى عن كف مريم واروح أجيبه وأسويه مر اليوم ومافي شي قريت ثاني يوم عن الزعفران شربته ألين طقيت:09: وشربت قرفه محليه بالعسل ومرات بالسكر ألين أستفرغت الله يكرمكم :09:بعدين أمي حلمت إني ولدت بالبيت وصارت مره خايفه ودتني المستشفى وقالت كل ما تحسين بألم حوديك لا يصير فيك زي المنام المهم لمن رحت وكشفت علي وتقول واحد سانتي:icon28: فرحت رجعت البيت وهاتك يا شرب من كل شي وهلكت نفسي مشي وما أسمع من أحد شي يفتح الرحم إلا وسويته القرفه والزعفران والعسل والزنجبيل والسنامكي ما خليت شي ولمن رحت لهم مره ثانيه قالولي 3 سانتي هالكلام بعد أسبوعين يعني صار لي تقريبا بالتاسع 3 أسابيع وكل من يشوفني يقول ماااااااااااااااااااااااااولدتي كأني بالشهر ال11:icon33: راح اطق من كلامهم المهم هريت نفسي مشي صبح ومسا لين قلت يا كافي وطبعا أمي لازم المستشفى يوم بعد يوم أو كل يومين لين حفظنا المستشفى الجديد كيف شكله ووين طرقه
بعد يومين من آخر قياس رحت وقالولي 2 سانتي يااااااااااهو كيف يعني سكر :( قالوا ماندري !!!
رجعت البيت وأنا في قمت التحطيم وأشرب من إلي كاتبتهم وأمشي وأفر وأروح تاني يوم ويقولوليييييييييييييي سانتي هييييييييييييييييييييييه برافو الرحم انجن بدل ما يفتح بيقفل ؟؟؟

وأجيكم طايره وأنزل الموضوع إلي قريتوه حق رحمي سكر بعد ما فتح 3 سانتي وسويت بالنصيحه وأجيب الحلتيته وأسويها وأشرب منها وأتشطف فيها ولمن خرجت من الحمام وأمي مسويه حالة طوارئ خخخخخخخخخ دخلت الغرفه وسكت عليها الباب عشان الريحه وشغلة الشفاط وفتحت الشبابيك وما عرفت تنام داك اليوم من الرررررررررريحه -ريحتها نفس ريحت مياه المجاري بالضبط- بس مافي فايده الألم ماهو راضي يزيد رحت جبت وصلت مره ومعاها ميرميه وتبخرت فيهم لين حسيت إني حاطه غاز مسيل للدموع ومعد قدرت أتنفس لأنها عبقت بالحمام ولمن فتحت باب الحمام لقيت البيت كله مدخن كأننا في باريس ضباب :42: وأمي المسكينه قاعده جنب الشباك وأختي تقول لأامي ريحت حريقه أختي إيش تسوي في الحمام هههههههههههههه

وبعدها رحت المستشفى وقالت صار 2 سانتي طرت من الفرح أستمريت في شرب الخرابيط إلي مالها داعي والمشي إلي كسر رجولي
وجا اليوم

إلي طرشقت فيه من الطفش ومليت وقلت خلاص ولاده افي أنا ما أبغى اولد وشكلي راح أظبطه بالمكياج ابغى اخرج واشوف الناس حطق المهم قلت بروح ابارك لعمي مرته ولدت وجابت بنوته وانا هناك بيسألوني ها متى قلت باقيلي 3 ايام واخلص التاسع قالت مرة عمي بس شكك تعبانه فيك ألم قلت يروح ويجي قالت إنشاء الله تولدي قلتلها لا تصيري متفائله ما خليت شي ما سويته والرحم قاعد على 2 حالف ما يتزحزح قالت جربتي الخروع قلتلها لااااااااااااااااااااااااااا:icon33: وع وع أتذكره شربته أيام نتي وماسوى شي قالت دحين الرحم فاتح وفيك طلق بارد اهم شي الرحم يكون فاتح ولو سانتي قالتلي أشربيه مع المنجه عشان تقيل بتقيل ما تحسي بالطعم وإحنا راجعين خلاص نويت الخلاص قلت لبابا مر عالصيدليه وراح جبلي زيت خروع بدون نكهه زي ما طلبت وجاب عصير المنجه وماما قاعده ترتب في البيت وجا الفجر وصحت أخواني على المدرسه كان يوم سبت وبعدين نشرت الغسيل وأنا قاعده أتفرج وبعدين قلت خلاص خلصت شغلها خليني اروح اشربه ودخلت الغرفه وخلطت تقريبا ربع كاس عصير مع ملعقه زيت وأقلب وأشرب عشان ما أحس بشي وفلا ما حسيت بالطعم الحمدلله شربت تقريبا على هالحال اربع ملاعق كبيره حقت الاكل يعني خليت في القاروره يمكن بس ربعها وشربت ثلاث ارباعها وبعدها تقريبا بربع ساعه أشتغللللللللللللللللللللل الحماااااااااام وانا في الحمام أحس بألم فيني فظيع بس أخلص يخف المهم بعد ما خلصت النوبه حسيت جوعانه رحت سويت الأندومي وجبتها وقعدت وماما وبابا جالسين وأنا آكل صار يجي الطلق وأحاول أخفي س وييييييييين ماما عينها معايه الله يحفظها وبعدين قالت فييييييييييييييك شي قلت ايوه قالت شربتي لخروع قلت ايوه قامت تحسب صار كل ربع ساعه يروح ويجي ومن الالم احاول اسلي نفسي واقول لا مهي ولاده لا تصيري متفائله هالكلام لماما وبعدين جتني ديك الطلقه إلي خلتني ادمع وامي قالت نروح المستشفى قلت لاااااا أبدا لازم اكمل الاندومي واتني خلصي المسلسل بابا يقول يابنتي خلينا نروح وأنا راكبه راسي واقول لااااااااا لسه ما استويت عشر دقايق وصارت لمن تجيني ما ادري أيش يصير خلصت اكل وخلص المسلسل وامي نقزت على العبايه وباب راح يلبس وهو يكلم ماما يعني خلاااااااااص ولاده ولا زي كل يوم (مسكين أتعقد ) ونروح المستشفى وانا السياره مني قادره اقعد من الالم وبابا كل شوي يطمن إيش فيك وماما تقول أصبري يلا وصلنا ولمن دخلت أخذوا الحاله وقالوا أستني فيك قبلك -نظام الحكومه الممل المقيييييت - طبعا في مستشفى الولاده بالمدينه لمن قالت استني أنا قلتلها حرام عليك تعبانه شوفيني ولا ترى بولد هنا بالممر قالت لا لا خلاص تعالي وكشفت علي الدكتولره وأنا قمت أبكي وجسم كنه محطوط بكهربه 2000 فولت ورجولي مني قادره أمشي وقالت 4 او 5 سانتي يلا دخول وحطوني على الكرسي المتحرك وأمي راحت تسوي الإجرائات وجت وطلعنا وأنا شبه دايحه وراسي يلولح كأنه بيبي وصلت بلا نامي على السرير وأشوف كده في جنبي وحده لا ما ابغى ابغى غرفه لوحدي قالت مافي يلا ولمن رحت لسريري يلا نامي أبغى أركب الجهاز ما ابغى عشان لمن تجني الطلقه أحس من الالم نفسي اجري قالت لازم يا اختي عشان شوف بيبي وطلق المهم مجبر أخاك نمت وجتني ذيك الحاميه أشتغل الحامي ركبت المحلول والجهاز وكل شي تمام وصارت الغرفه زي الرداده والنواحه أنا أسكت إلي جنبي تجيها الطلقه تفك تجيني وكذا المهم

مرت الدكتوره على إلي جنبي هيييييييييييييييه 6 سانتي إنشاء الله قرب ولاده وبعدين جاااااااااااااااتني أنزلي على تحت شويه عشان اقيس آه ايوه ماشاء الله 5 سانتي وإلا أحس بشي دخل فيني وآآآآآآآآآآآآآآآآآآآآآه وطبقت الدنيا بصراخي وأقولها حرااااااااااااااااااام عليكم أنا إيش سويت فيكم ليش تسوا فيني كذا وأبكي وأشهق -طبعا عرفتوا فتحت ميه الراس بشي ما أدري إيش هوا -:icon33:

ويجيني داك الطلق إلي نار وحرب وقذائف وأحس مع كل وحده تجي إن فيني دفع مو طبيعي و أدفع وادفع غصب والممرضه تخاصم لا تتدفع بعدين بيبي تعبان بعدين أذن الظهر (رحت للمستشفى الساعه 11 على بال وصلت ودخلت فوق أذن الظهر ) قلت لماما أبغى أصلي قالت بسك دحين كيف تصلي وكلك دم قلت نزل مني دم قالت أيوه لازم يعني أيش رايك نسيتي في أيام بنتك خلاص إنشاء الله كلها كم ساعه وإنتي والده جت أختي وجابت الشنطه بالتهريب وطبعا ممنوع أحد يقعد معي بالغرفه أثناء الطلق بس عشان أمي كلمت وحده تعرفها خلوها وأختي تشرد وتجي خخخخخخخخخ توم وجيري المهم الألم صار أشد وأنا خلاص قلبي تعب صرت أصرخ سستتتتتتتتتتتتر الله يخليك خلاااااااااااااص خلاااااااااااااااااااااااص وأمي تبكي تقول خلااااااااص ياماما خلااااص الهم جت السستر وكشفت وقالت لا يدف عشان أعرف شوف قلت مو بكيفي مني قادره قالت خلاص خلاص لا يدف بعدين بيبي تعبان وقامت شالت المحلول وقفلت الجهاز وجابت الكرسي وجلست وأخذوني على الكشك وهناك يلا دف دف طبعا ممرضات و......... دف دف وأنا أدف لين خلاص حسيت إني في عالم آخر وأحس الراس يبغى يطلع ويرجع يدخل مره تانيه وال........ تصرح دددددددددددددف ددددددددددددددف قلتلها مني قادره تفهمي ولا لأ وراح جابت المشرط وشقتي شق قريب أنه يكون مستقيم يعني مره قريب على فتحه الشرج الله لا يوفقهم وبعدين دف وطلعت عسولتي واااااااااااااااء واااااااااااااء وكانت الساعه 3 العصر (الخروع عمل عمايله) قطعوا الحبل وحطوها على بطني وأنا خلاص بموت من التعب ولا جزء فيني يقدر يتحرك وتقولي أمسكيها واقولها ما أقدر تعبانه المهم أخذتها وغسلتلها ولبستها والأفنديات رايحين جاين تحتي وإلا يطرش داك الدم إلي مسافته متر وتكون ماشيه وحده منهم وتجري بعيد وتقول أنا مو قلت لا يدف إيش هذا شفت كيف بقرف :angry:أنا حسبت هذا الخلاص نزل وجات وحده تمسح الدم الي نزفته وأقول لوحده فيهم يلا خيطيني أبغى أروح ارتاح تقول ليش إنتا مافي صبر يعني كيف خيط وخلاص جوا قلتلها خلاص جوا ساعديني طيب عشان ينزل سويت مساج ببطني جات وهيا معصبه وتفغص فيا ونزل الخلاص على طول وترغعه وتقول شوفي كيف خيط وهذا جوا المهم شالته وراحت وأنا قاعده أستنى يا سستر تعالي سوي خياطه أبغى أروح أرتاح تقول أصبري دكتوره وحده وكتير ولاده دحين يجي بجد رحمت حالي المهم جت التوره عشان تخيط وصقعتني ديك الأبره بذاك المكان قال أبرة بنج شالت الابره وبدت تخيط ما أستنت الابره تسوي مفعولها وطبعا أنا خلااااااااااااااااص حاسه نفسي في أبو غريب الابره داخله طالعه والخيط وكل شي حاسه وراح أموت من الالم والصراح ذبح حسي وهيا تصرخ ليش تصرخي أنا أديتك ابرة بنج والمهم في الأخير صرت أبكي وأقولها خلاص لا تكملي أبوس يدك خلااااص وهيا تقول لاااااااااااا إنتي أكيد أمك مصريه (ما أدري لا تعليق نفسي كنت ارزعها كف ) انا ناقصه وبعد ما خلصت تعذيب مسحت وحطت فوطه عباره عن قطن ملفوف بشاش وغطتني وفتحت السرير من تحت ويلا نامي هنا ساعتين طيب معليه بس جيبولي مخده رقبتي أتلوحت هيهات أحد يسمع طيب نقطت مويه راح أموت من العطش لا حياة لمن تنادي والله غوانتنامو أرحم وتستمر المعاناة مع مستشفى الولاده ويستمر القرف والوساخه في التنظيف والإهمال في العمل وعدم مراعاة الأمانه والخبر السار إنو بعد ما ولدت جلست المستشفى ما فيها بنج لمدة 3 أيام ولا أكسجين يخيطوا كذا ويولدوا كذا معاهم ربي

والنتيجه خياطه زي وجههم فكت غرزه وغزه تألمني وما طالحت إلى الآن نفسيه محطمه تعب بس إلي مصبرني العسل إلي قاعده تبكي الآن على فكره

غيرت الأسم أم زوجي تبغى ميار وسميتها زي ما تبغى الله يحفظها ليا ويهديها ويجعلها وأخواتها من الذريه الصاله ويرزق كل محرومه ياااااااااااااااااااااااااااااارب آمين :26: