آفيدوني بخصوص النظرة الشرعية ..؟

ما ألومك على خوفك
صارو يروعون الشباب اي تقصير يقولون ما شفناها
اتذكر امام المسجد حقنا تقص علينا اخته ان زوجها قال مابي نظرة تكفي نظرة امي
وعيا الامام وقال تجي في اليوم الفلاني وناداه يوم بعد المغرب او العشاء وقهواه ثم قال بدخل اختي عليك
من حقك نظره شرعيه ومن حقها نظره شرعيه
واذا شفتها رح واستخر ثم رد علينا
وهذا اللي صار دخلت عليه وشافها والحمدلله صار النصيب الله يوفقها

فاحس التصرف مره حلو وصائب وفكهم بكره من اي سوء تفاهم

احس صعبه هو يقول مابي وانتي تطلبيها
انتي مايهمك تشوفيه وهو ومايهمه يشوفك
خلاص انتي واثقه في رأي اهلك
وهو واثق في ذوق أمه اسخيري الله وربي يوفقك

حبيبتي انا من وجهة نظري انه النظرة الشرعية مهمة لانه الموضوع مو يعجبني شكله او اعجبه
الحكمة في النظرة هي هل انا ارتحت لهالانسان لما شفته او لا؟ والعكس هل هو ارتاح لي لما شافني او لا؟
لذلك احس انه اصرارك علي النظرة حق مهم لك واساس من اساسيات اختيار الزوج من بعد السؤال عنه وموافقة الاهل
واذا هو مايبي عادي انتي اطلبي
هذا حق من حقوقك اللتي كفلها لك الشرع

وربي يوفقك ياقلبي ويكتب لك الخير

مع الاخت دلوعة ابوها ....
عادي كلمي اهلك قولي انا ابغى اشوفه مهما كان ..لان امكن بعدين لاتزوجتيه ومع الايام يقول والله تمنيت اني شفتك ترى امكن يطلع ماعنده سالفه بس يبغى يقهرك ....خليك مصرررره ع الشوفه

وقار الشيوخ ،،
اشكرك على مرورك
وتسلمي على ردك وفعلاً هذا اللي خايفه منه وهالشيء حلال ومن حقنا

دلع آل العويدي ،،
اكيد الاستخاره اهم شيء
بس ياقلبي يختلف بيننا شيء واحد
البنت تبي رجال يصونها ويخاف عليها ويصلي واخلاف وهذا الاهم
اما الشباب هالايام يبون جمال بياض نحف والبعض يطلب مواصفات بالتلفزيون يعني يالغاليه لازم نظرة
وعادي من حقي اطلب لاني ماطلبت الا الصح .. وتسلمي على مرورك

دلوعة أبوها 23 ،،
تسلمي يالغلا على المرور
وردك قمه الروعه وهذا الاهم عندي اذا ارتحت له وماابي الا رجال صالح وتقي ويخاف ربه

واشكركم جميعاً .. دمتم بود