اول حاجه بفضفض لاني مخنوووقه من اللي يسير،
بآختصار، لي اسبوع اراجع الجامعه ولا وحده تعرف شغلها،
اول يوم روحت فيه، بعد المرمطه طلعت غايبه رئيسة قسمي،
تاني يوم، طفى الكهرب تبع كل المباني وتآجل كل شيء،
تالت يوم، خرب نظام الموقع وماشتغل يبغالو وقت،
رابع يوم، قالو لي اراجع بكره كمان،
واللهي طلعت وانا ابكي كفااايه مرمطه من مبنى لمبنى،
الشمس ع راسي، وشربت تلات علب مويا من الكرف
بجد تعبببببب، ولا وحده تعرف شغلها، مجموعة جهله
كلما احاكي وحده، تقول مادري، مادري، وتعمل مليون اتصال مشان تستفسر
ووحده لقت مجموعة دكتورات قالت روحي اسالي اي وحده فيهم،
ووحده كملت الناقص، وجلست تهزئني، معصبه من الضغط وحطت حرتها فيا
وكلمت رئيسة شؤون الطالبات قالت مادري، كيف ماتدري ؟!!!
واصريت قولتلها ادا انتي ماتعرفي مين اسال يعني ؟!!
قامت جاوبتني من طرف انفها، حتى نوص كلامها مافهمتو،
ووحده تتهزأ فيا، تقول لسه ماخلصتي كل يوم جايه،
بغيت انفجر فيها مو ناقصتها، بس عندي لسه مصلحه ماخلصتها،
الموهيم، السالفه ومافيها،
تركت الدراسه الترم اللي راح، انقطعت فجآه .. لظروف خاصه
كلمتهم قولتلهم في امل ارجع الترم دا، قالو ايوا .. وروحت راجعتهم
قالو لي اروح لرئيسة قسمي، روحتلها بعد مرمطه طويله عريضه،
بالاخير قالت روحي لعمادة القبول والتسجيل، وروحتلهم،
قالو لا لازم تروحي لرئيسة قسمك، نحنا مالنا دخل،
ورجعت قالت لا كيف كدا، انتي تبغي تسجلي مره تانيه لازم تروحي لهم،
قولتلها انا سالت اربع معلمات قالو لازم اجي عندك،
الموهيم بعد تعب وروحه وجيه، طلعو ليا ورقه مكتوب فيها
{ تعريف حالة الطالب الدراسيه }
مفكره الفرج قريب، وخلاص حتنحل ان شاءالله ،
قالو خلاص روحي دحين لعمادة القبول والتسجيل، وروحتلهم، قالو لا آرجعي
لما رجعت .. قالت لي لازم نعرف مين مرشدتك، مشان نتواصل معاها،
وفصل النت تبعها، وروحت لمعلمه تانيه، ومجرد تفتح الموقع يعلق جهازها،
وروحت لمعلمه تالته، وتطلع المنظومه تبعي ممسوحه مافيها شيء ..
بجد بجد تجننت وبكييييت قهر، ليش منحوسسسه انا ؟!!
اللي عندها خلفيه عن دا الوضع تحكيلي،
ابغا اروح وانا على بينه، مابغا يمشوروني ع الفاضي والمليان،
بتمنى القى تجاوب،
آلعذرآء، @alaathraaa_6
عضوة نشيطة
يلزم عليك تسجيل الدخول أولًا لكتابة تعليق.
ادخلي على منتدى الجامعه وقولي مشكلتك
وان شاء الله تلقي من يساعد
الله يوفقك ويسهل امورك
وان شاء الله تلقي من يساعد
الله يوفقك ويسهل امورك
آلعذرآء،
•
واللهي دوب دخلت وارسلت ايميل لعميد الكليه، وكمان رئيس القبول والتسجيل،
وان شاء الله الاقي جواب،
بس تمنيت وحده عندها خلفيه عن الموضوع وتفيدني اكتر،
وان شاء الله الاقي جواب،
بس تمنيت وحده عندها خلفيه عن الموضوع وتفيدني اكتر،
آلعذرآء،
•
،
خلاص تم بحمدالله اتمام الامر، وتم طباعة مَ يآتي
1- السجل الاكاديمي،
2- دراسة حالة الطالب،
3- طلب اعادة قيد،
4- تعريف حالة الطالب،
طبعآ كلها من وكيلة القبول والتسجيل طبعتها لي،
توجهت بعدها الى المرشده تبعي، عبيت الاوراق كلها،
ثم توجهت الى رئيسة قسمي، وتم ختم الاوراق ..
وتم ارسال الخطاب الى العميد بقسم الرجال، وسيتم دراسة الحاله،
واذا تمت الموافقه سيتضح لي ذلك عند نزول جدولي بالمنظومه ..
وبس بتمنى تستفيدو من تجربتي، ولعل احد يجد ضالته هنا
لا تنسوني من دعواتكم،
،
خلاص تم بحمدالله اتمام الامر، وتم طباعة مَ يآتي
1- السجل الاكاديمي،
2- دراسة حالة الطالب،
3- طلب اعادة قيد،
4- تعريف حالة الطالب،
طبعآ كلها من وكيلة القبول والتسجيل طبعتها لي،
توجهت بعدها الى المرشده تبعي، عبيت الاوراق كلها،
ثم توجهت الى رئيسة قسمي، وتم ختم الاوراق ..
وتم ارسال الخطاب الى العميد بقسم الرجال، وسيتم دراسة الحاله،
واذا تمت الموافقه سيتضح لي ذلك عند نزول جدولي بالمنظومه ..
وبس بتمنى تستفيدو من تجربتي، ولعل احد يجد ضالته هنا
لا تنسوني من دعواتكم،
،
الصفحة الأخيرة
الافضل روحي للعميده حق الجامعه والا الكليه وادخلي وانت مستعينه
بالله وهم كدا الا من رحم ربي ومعليش قولي لها حددي لي مو اروح واجي
هذا شغلكم مو شغلي