السلام عليكم ورحمة الله وبركاته
اليوم راح اتكلم بالفعل عن بنات كثير يستهويم السكيني او القصير او العاري عادي عندها
مو مشكله ولا نصحتيها وقلتي حرام قالت اهم شيء مريحني وانا البسه عند بنات
>>>>يعني اجل وين بتلبسينه مثلا
المشكله تجيك عباتها ع الراس واهلها ملتزمين ومحافظين ومن تحت العباه ماخفي اعظم
ليه يابنات وش نبي من الدنيا
نبي الاجر والثواب نبي ندخل الجنه مو ؟؟؟
من اللي فينا يبي يروح النار محد صح!!
ليش لما نبي نلبس قصير عادي حنا فري مو عيب عندنا هالشيء
المسأله مو مسألة عيب او فري
المسأله مسالة دين وحياء وخلق
مسألة جنــــــــــــه عرضها السموآت والأرض
أعدت للمتقين
ومسألة نآر وأعوذ بالله منها
تخيلوا تصومين وتصلين وتتصدقين ويوقف بينك وبين الجنهــ لبسكــ
تخيلتوا الموقف مايسوى وربي مايسوى
لا تقولون اهلنا بيقولون ذول حكرهــ وملحج ومو ستايل واكيد فيها شيء عشان كذا مو مبينه شيء من جسمها
أوتولون ماراح انخطب
امحق عرس من وراء هاللبس
بالطقاق كلهم
ما يهمون
لا وقفتي عند الجنه وما دخلتيها
قوليلي وقتها
بيدخلك كلامهم
بيدخلكــ ؟؟؟
لا لا لا
اجل ليه نخاف من كلامهم
من همزهم ولمزهم
وبالنهايه لاتزر وازرة وزر اخرى
بنآتــــــــــــــ خلونــــــــــــآ
نسمو شوي بتفكيرنا
لبستي تنوره طويله اخذتي حسنه والحسنه بعشر امثلها الى سبعمئة ضعف
لبستي شي يستر الصدر أخذتي حسنه والحسنه بعشر امثالها الى سبع مئة ضعف
لبستي فستىن طويل وسآتر أخذتي حسنه والحسنه بعشر امثالها إلى سبمئة ضعف
كم حسنه الحين عندك ؟؟؟
لا مو بس كذآ !!
تخيلوا الله يضاعف لمن يشآء
سبحانه كريم
لاحظي بس عشانك لبستي شيء ساتر
طيب تخيلوا بنات خلاص أخذتي على نفسك عهد
مافيه سكيني مافيه قصير ما فيه اكتاف وزنود تطلع
كم اجر بتاخذين ؟؟
نصحتي اهلك وخواتك
وبنات قرايبك ؟؟؟
كم اجر حصلتي !!
يآهــ بس عشآنكــ سويتي كذآ
تخيلتي !!
بنات من تركــ شيء لله عوضه الله خيرا منه
اتركوا هاللبس لوجه الله
والله كريم بيعوضكم بأخير منه
الله انعم عليك بالصحه والعافيه بالفلوس بالجمال
جسمك حلو تبين الناس تشوفه
من اللي سوآه ؟؟
من اللي احسن خلقه ؟؟
الله سبحانه
ماتخافين الله يقلبــــ هالجمال
وهو القادر على كل شيء
اتركوا هاللبس لوجه الله
بدلوا سيئاتكم لحسنآت
انا ما اتكلم من فرآغ
انا ما تكلمت الا من حبي لكم وخوفي عليكمـــــــــــــــــــــ
وهذآ الحكمــــــــــــــــــــــــــــــ شفته اليوم وما حبيتـــــــــــ ابد آقرآه وأفوت عليكم الأجر
السؤال الثاني من الفتوى رقم ( 9255 )
س2: هل الكاسيات العاريات كافرات أم لا؟
وكيف يقول الرسول المصطفى عليه الصلاة والسلام:
لا يدخلن الجنة، ولا يجدن ريحها 
. . . الحديث،وفي آخر: إذا لم يكن كافرات ملعونات؟
ج2: من استحل منهن ذلك اللباس فهن كافرات مخلدات في النار إذا متن على ذلك، لا يدخلن الجنة ولا يجدن ريحها.
وإن لبسن ذلك اللباس مع اعتقادهن تحريمه فقد ارتكبن كبيرة من كبائر الذنوب، لكن لا يخرجن بها من ملة الإسلام، وهن تحت مشيئة الله: إن شاء الله غفر لهن، وإن شاء عذبهن.
مما ارتكبن من السيئات، فلا يدخلن الجنة ولا يجدن ريحها، إلا بعد سابقة عذاب.
وهذا مذهب أهل السنة، وفيه جمع بين نصوص الوعد والوعيد، وهو وسط بين مذهب المرجئة والخوارج والمعتزلة.
(الجزء رقم : 17، الصفحة رقم: 105)
وبالله التوفيق، وصلى الله على نبينا محمد وآله وصحبه وسلم.
اللجنة الدائمة للبحوث العلمية والإفتاء
الرئيس عبد العزيز بن عبد الله بن باز
نائب الرئيس عبد الرزاق عفيفي
عضو عبد الله بن قعود
الكاسيات العاريات
والحين جزاكم الله خير ما اجبركم ترسلون الرساله للي عندكم
بس تذكروا عدد الحسنآت اللي بتحصلونها من ورآء هذا الشيء
ولا تنسون الدآل على الخير كفاعله
والله يحفظكم ويستر عليكم
ويسعدكمـــــــــــــــــــــ
