اليوم يبت لكم آلبه بحرينيه و اهيه لها وايد طرق و هاذي طريقة خالتي يعطيها الف عافيه و ان شاء الله تعجبكم
و هاي شكلها
و اهني من داخل
المقادير: (المقدار بكأس جبن سائل العادي)
4بيضات و إذا صغار 5 بيضات
2 1/2 ك حليب بودر
3ك ماء
2 1/2 فنجان سكر
رشه فانيلا
زعفران
الطريقه :
يحرق سكر في قاع القالب لين يصير ذهبي و لازم يكون معدن و له غطه (ألي مال اول و صورته تحت)و البعض بسمونه صفرطاس و مادري انتو شنو تسمونه:(
تخلط كل المقادير في خلاط الكيك و بعدين نصب الخليط في القالب على السكر و يتغطى القالب بالمغطه ماله
(ان شاء الله فهمتو علي)
و هاي شكل القالب (الصفرطاس ألي مال اول)
و بعدين نحط القالب في جدر ألي انتو تسمونه قدر فيه ماي اقل من النقص و نخليه على نار متوسطه لمده نص ساعه مو اكثر انتبهو لانه إذا طول على النار يصير عرد يعني وايد متماسك انه اول ربع ساعه احطته على الجوله المتوسطه و بعدين الجوله الاصغر (الجوله قصدي العين مالت الفرن )
و بعد نص ساعه نطلع القالب من القدر و نخليه شوي بيرد في حرارة الغرفه و بعدين ندخله الثلاجه لين بيرد تماما يعني عقب جم ساعه و بعدين ناخذ سكين و نمررها على اطراف القالب من الداخل عشان نفتح الاطراف لانه بكون لاصق و بعدين تفر القالب يمين و يسار بشكل دائري مو فوق و تحت لين تجوف الآلبه قاعد تدور في القالب و بعدين تقلبه في صحن انه حطيته في حصن طرازه مال اول لانه الاكله تراثيه و اعذورني طولت عليكم في الشرح بس عشان تفهمو و تضبط معاكم
و اتمنى تعجبكم آلبتنا و اجوف طريقه آلبتكم:)
الله يسلم الايادي
روعه ماشاءالله