أحبهااااااااااااااااااا ..<<مراهقه خخ بس من جد رهيبه هذي آلتي اللي توي شاريتها من ساكو ماركة نسكو سعرها 119 أظن لاتفوتكم
كلنا يعرف أن الطهي بالبخار هو أفضل أنواع الطهي لأنه يحافظ على فوائد الأكل عكس طبخنا التقليدي اللي يكسر المعادن والفيتامينات من كثر الطبخ والماء
طبعا هذي الآله كل شي تسويه من البيض إلى الدجاج والسمك :cook: ومحطوط لك الوقت اللي تحتاجه كل طبخه جنب مؤشر الوقت ماعليك إلا تحطين الأكل وتضبطين المؤشر وروحي طقطقي في بيتك شوي .. أرجعي تلقين أحلى أكله
الأشياء الي سويتها فيه : خضار سوتيه .. قطعت الخضار وملحتها وحطيت قطرة زيت زيتون وفلفل وضبطت المؤشر أقل من 20 دقيقه والخضار مستويه تمااام وتذوب في الفم
بيض مسلوق برضه 20 دقيقه وقولي للقدور اللي تسود من السلق مع السلامه
بيض مقلي :خخ تعيجزت أطلع المقلى وأحط زيت وحاله ولا هالمزيونه قدامي قلت ورى ما أجرب طبعا هي يجي معها زي القدر صغير وأحطه وأشغلها ياسلااام على البيض المنتفخ وكله لون واحد ولمزيد من التعذيب رشيت عليه موزريلا وذاااااب وصار يتمطططط
ناويه أصلح فيه ربيان بتبله وأحطه فيها مع خضار أممم.. الخلاصه هي كل شي تسويه
أي سؤال أو أستفسار أنا في الخدمه:39:
الله يهنيك فيها ويدوم عليكم المحبة انت وياها
انا بصراحة نفسي اشتريها وشكلي ان شاء الله نوووويت خلاص