* آلحكيمآت يدخلوآ بليز *

يمكن رأيي مارح يعجب حد ،،،

بس الأفضل تتركه وتنصحه من بعيد برسايل

يمكن لو تمسسسحهم بيتحسس أنها تفتش باغراضه

لو أنا خالته و أمون عليه و تارك جواله مفتوح عندي لاحظي قلت مفتوح و شفت اللي شافته صديقتك امسحه و إذا جاني الولد أقوله كلمتين ورد غطاها ، كلام حازم و مختصر الشباب ما يتقبل النصيحة النسائية بسهوله لكن اللي يهمني انه يسمعها وأبرئ ذمتي منه ،
الموضوع يحتاج رقابه ذاتية و خوف من الله يتربى عليه من الصغر مو في يوم وليله والله الهادي إلى سواء السبيل.

شوفي حبيبتي

اهي غلطت فتشت بتلفون الولد ، الحين خل تستر عليه ولا تفضحه و لا تقول لامه و يمكن امه تزعل اكثر
ومعروفين الشباب بالعمر هذا يشوفون هالمقاطع يعني فكرة انها تمسح الافلام وفكره مؤقتة لانه راح يرجع و يجيب هالأفلام و بالأخير هو رجال مالي هدومه و يعرف الصح من الغلط يعني مو حلوة تتصرف معاه تصرف مثل اليهال

الحل الأمثل انها تدعي له بالهداية بقلب صادق و على يقين

ثانيا تستر عليه

ثالثا تدز له مقاطع تذكير بالله ومقاطع مؤثرة ومميزة
ولا تثقل عليه بزيادة علشان ما يطفش (تدعوه بالحسنى) و لا تكون فظه معاه علشان ما يهج عنها

وأخيرا لا تبيين له أبدا أبدا انها شافت المقاطع بتلفونه ابد
وخليها تبين له انها تثق فيه والمفروض انها تثق فيه، يعني تذكر له موقف عن شخص مجهول عنده هالأفلام وتبين له انها تكره هالشي و ان الله ما يرضى فيه و بالأخير تلتفت له و تقول الله يبارك فيه انت مو مثل هالشباب و تمدح فيه و بالاخلاقة بس تمدح بالمعقول

وعسى الله يهديه و يعينكم علي هالوقت الاقشر

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم
انا اشوف انها تمسحها وتجيب اي عذر وبعد كذا تشتغل على تقوية الوازع الديني بارسال المسجات والمقاطع الدينيه
للأسف اغلب الشباب كذا الله يصلح حالهم

بصراحه

عيب الي سوته
مايسير تفتح الصور وتدخل عليها

كلنا مانرضا احد يفتح جوالاتنا ويمسكها ..

لو انا منها ولا اجيب له طاري
بصراحه شي يسود الوجه
اجل تفتش جوال شاب ..؟!
ومعروف الان اغلب الشباب شو وضعهم 