آلحمدلله ولدت بآلسسسلآمة ’ إليكم آلقصصه ^_^

السسلآم عليكم ورحمة الله وبركآته ,,

كيفكم كرشه كرشه.؟ آلله يفرجها عليكم يااارب

الحمدلله ربي اكرمني بولد زي القمر ماشاءالله لاقوة الا بالله >> القرد بعين امه ههههههههههههه
طبعا انا مو بكريه لي سوابق ولله الحمد وهذا تالت بيبي ربي يحميهم كلهم

الدكتوره ادتني موعد الولاده بتاريخ 23 /7 / 2011 وانا ولدت تاريخ 19 / 7 / 2011
كانت تجيني الآآم وتحجرات وانا في التامن وبس دخلت التاسع اختفى كل ششي :icon33:
راجعت اول مره وانا بالتاسع وكشفت الدكتوره وقالت مفتوح 1 سانتي , عليكي بالمشي واشربي كف مريم
لأنو يلين عنق الرحم وبالتالي بيفتح الرحم

طنشت ولا اشتريت كف مريم
ومر الاسبوع التاني ورحت راجعت وكانت بتكشف وماخليتها ,, وجا الاسبوع التالت وانا ناويه ما اروح اصلا قلت لاجاتني الولاده رحت المستشفى وبعدها جبت كف مريم بس ماقدرت اشربو الله يكرم النعمه :(
المهم بقي 4 ايام واخلص التاسع , قلت يابنت جربي الخروع لأني جربتو فـ بكري واليوم اللي بعدو ولدت وفي التاني ماسوالي شي خخخخخ

المهم تعشيت واخدت عصير وحطيت فيه ملعقتين صغيره خروع تقريبا الساعه 12 بعدها قلت يابنت قومي نامي عشان لاجاتك الولاده تكوني شبعانه نووم ههههههههه دايما اروح مواصله

صحيت بعدها صليت الفجر ورجعت نمت واصحى الساعه 6 ع الآم وارجع انام ولمن يجي الالم اصحى
الين الساعه 9 صحصحت وبدأ الألم يسير قوي , دخلت الحمام لقيت شويتين دم , قلت بس ولاااده

يومتها سبحان الله زوجي ماراح الدوام , قلت يبو الشباب ولاده قال يلا البسي
قلت لا وين اصبر
لأني ما احس الألم متواصل وكل 5 دقايق بالعكس مرره ملخبط , الين الساعه 12 قلت توكلنا , اكلت 3 تمرات وكلمت دكتورتي وانا في الطريق عشان تجيني ورحنا المستشفى
وبرضو الطلق ما احسو ورا بعض خفت اول ماحطوني ع السرير قلت ايش لو لسا بدري والرحم مو فاتح مرره ياويلي بيلعبوا فيني :44:
الا تجيني الدكتوره المناوبه وقالت يلا بكشف وتدخل يدها الكريمه خخخخ والصآآآعقه

ماشاءالله 8 سآآنتي :icon28: ورحت بعدها ع غرفة الولادة
غيرت ملابسي وانبطحت ع السرير خخخخخ الا واسمع ذيك الصرررخه وتجيني ام الرركب , وحده في الغرفه اللي جمبي بتولد في السابع
واقول لزووجي يمه قوم قفل باب الغرفه خخخخخخخخ >> خافت الاخت
وشويتين وجات دكتورتي وكشفت علي وقالت البيبي لسا مانزل بالحوض :mad: طيب !! قالت بسويلك قسطرة بول عشان تفضى المثانه وينزل البيبي ولا بنضطر نسوي عمليه عشان دقات القلب ومن دا الكلام
وشويا وابكي اح ما احب احد يعفس من تحت , قامت فتحت مويه البيبي
وحطت لي مخفف الم في المغذي وابرة عضل وكمام >> سطلتني تسسسطيل بعدها نمت شويتين وسسوتلي القسطره وقالت اول ماتحسي ان البيبي بينزل قولي لي عشان انزل القسطره
وانا فسابع نووومه هههههههههههه وتصحيني تقول يلا في طلق اقولها ما احس بشي قوي احس بألم بسيييط

بعدها جا وقت الجد وحسيت اني بولد
واقولها ابغا اولد , شالت القسطره والممرضات بوش بوش وحماااس عندهم ههههههههههههههههه وحسيت لمن شقت وبعد كم دفه نزل البيبي وحطوه عندي ع طوول
وانا احمد ربي واشكرره بعدها شالوه وحطوه فسرير تاني وانا أأشر لزوجي بيدي انه يصوّر الولد >> رايقه هههههههههه

بعدها نمت ولاحسيت بشي لاخياطه ولاهم يحزنون , الولاده اللي قبل كنت احس وهي تخيط :( وماصحيت الا العصر على دخلة زووجي الله يحفظه ,,

نصيحه لكم ,, لمن تجيكي الطلقه خذي نفس عميق وطلعيه من فمك .. لأنه يساعد ع فتح الررحم

وعقبال كل الحوامل يــــــــــآآآرب ..