صباح / مساء : الياسمين
دآيم ادخل هالقسم واتصفح واستفيد بس مآجاني حمآس اشارك الا اليوم
، بسبب اني تعجبت من الي تتزين بس لزوجها او آنهَآ مقبلة على الزواج او تبي تعرس وييخبطونهآ النآس ويبون يهتمون وتوهم يييييييهتمون !
صراحه اقولها انتي مب آنثى الانثى تهتم ارضاء ل ذاتتهآ
! ف مفهوم الاهتمام هو ارضاء ل ذاتي ولآ آحس انن فيني نقصْ عننن غغيريّ مب عشان زوجي أو احد بيخطبني او اتزين عشآن انخبط ابي احس آنني انثى وارضي نفسي
قبل لا ابد المووضوع رح اكتب تجربتي بس قبل انا ماخذه كم معلومه استفدتها من اعضاء هينآ واعضاء ب الاقلاع والله يجزاهم خير
قبل لآتسوين اي خلطة لازم تقتنعين :
1- من بشرةَ ل بشرة تختلف يعني الكريمإت الي للبشرة الدهنيه مآتناسب الججإفه والخ ..
2- الاستمرار والعزيمة واذا مآستمريتي ومليتي مآرح ينفع معك شىءْ
3- تتأكدين انو الاشياء الطبيعيه مفعولها مآيبإن الحين وانهآ بتفيدك مآرح تضرك واذا مآفادتك مآرح تضرك !
4- لازم تقنعين ان لازم تقشرين بشرتك كل فترهَ وآيضإ تهتمين من نآحية الواقي والخ لازم في اشياء خارجيه تضر بشرتك مثل الحر الي يؤدي الى اتسآع المسام والجفاف الي يودي ل الاسمرار والخ
5-لازم ايضاَ تهتمين من نفسك من جوا عشان ينفع معك كل شىء تبطلين دهون غازيات شبس الخْ وتكثرين من شرب الماءَ والخضار والفواكه والعصاير الطآزجه تهتمين من تغذيتك والي مآرح تهتم , تنآم احسن لهآ لان
الي تاكلينه مو بس راح ينعكس على وجهك وجسمك وجلدك
برضوا راح ينعكس على الروح الي من خلالها تطلين على الناس وعلى الحياة
العناصر الغذائيه اساسيه وضروريه للجسم
6- نفسيتك رح تأثر عليك ايضا القلق والتوتر رح يمنعك من الاكل بتالي تخرب بشرتك وجسمك مآيكون فيهَ نظإرة
7-المشاكل الي تجي من البشره نتايج حمل الخ حلها عند دكتوره لاتغامرين وتتسخدمين خلطات
8- ابعدي عن اي مدخن لان دخانه راح يفقد ليونة المسام ببشرتك وبكذا راح تتسع وتزيت اكثر
وراح تطلعلك البثور بكل سهوله
رح اتكلم عن البشره الدهنيه ورح ابد بعدهآ ب ذكر تجاربي
برب <3
آول شىء رح اقول لكم عن اسبإبهآ وايضا المعلومات هذه من موضوع عضوه بالاقلاع فادتني الله يجزاها خير وحفظتها بالمفكره المهم :
السبب الرئيسي : وراثي والغدد راح تنتج فيها كميات زايده من الزيوت
ثانيا : يكون خلل في المستويات الهرمونيه وغالبا مايحدث هالخلل بـ البلوغ و تصير دهنيه اكثر وفي سنوات المراهقه ووقت الدوره بعد
ثالثا : سوء العنايه فيها من جميع النواحي بالكريمات او غيره والافراط بالتنظيف
الغدد الدهنيه ضروريه للبشره وافرازها للزهم هو الي يحافظ علي طراوتها ويحميها نلاحظ هالغدد
اغلبها موجوده في المناطق الحساسه بالجسم مثل الوجه والظهر والصدر وهنا لاصار الزهم
يفرز اكثر من حاجته الازمه تبدا المشاكل تظهر عالبشره
وسمعت بمرض او مشكله تصيب بعض البشرات الدهنيه اسمه ( السيلان الدهني )
بس مو شايع نادر جدا لاتخافون
تنقسم لـ نوعين :
1- بشره دهنيه سميكه تكون مدهنه وقاتمه والزيوان يكثر فيها
2- بشره دهنيه رقيقه تميل بـ شكل كبير لـ جفاف الماء منها مع سطح دهني جدا وهالاختلاط
يشكل حاجز دهني فوق سطح البشره يمنع الامتصاص المناسب لاي مستحضر ينحط عليها
كيف نعالج البشره الدهنيه وكيف نهتم فيها ؟
الغذاء لأنه هو الأساس انسوا تستفيدون من اي عنايه
خارجيه وغذائكم سيئ مستحيل لو تستخدمين افضل المنتجات مراح تشوفون الفرق
تعتمدون على الخضار والفواكه وتبتعدون عن المنبهات الشيبسات والزيوت الدسمه
اول ماتصحون م ص عسل اصلي مذوبه بـ كوب ماء دافي
او عصرة ليمون بـ ماء دافي وكلهم ينشربون عالريق
صحن السلطه كامل وعصير البرتقال الفريش وعلبة زبادي شي اساسي بغداكم
اسباب طهور الحبوب بالبشره ايضا : الشعر ومكان نومك والمناشف واليد
اذا ماكانوا نظاف كلهم سبب كبير بظهور الحبوب والبكتيريا ببشرتك انتبهي
والعطور لها اماكن النبض لاتقرب وجهك وبشرتك وشعرك عموما بكثره
نظافة البشره شي اساسي والغذاء والماء مثل ماقلت
ملاحظه مهمه : لاتلعبين بأي حبه ببشرتك راح تعلم وتبقع فيها وممكن تصير حفر :
علاج المسام الواسع : اذا تعانين من المسام الواسع يغسل الوجه بالماء البارد جدا
اذا عندك مسام واسع فقط لانه يساعد على غلقها غيره لا
الماء
صديق البشره الدهنيه
اشربي كميه كافيه من الماء لانه يساعد ويحافظ على توازن مقياس PH وينظم انتاج زيت البشره
كثير بنات مهملين ومايعرفون اثر الماء على نوعيات بشراتهم
مهم ومن الاساسيات والبدايه للوصول لـ بشره خاليه من المشاكل
المنظفات
المنظف ضروري لكل انواع البشره ولصحتها بس الطريقه الخاطئه
مثل الفرك بقوه والغسيل المفرط بزعم انه يشيل هالزيوت الزايده غلط طبعا
لان البشره وقتها تحاول تعوض الزهم الي فقدته بالغسيل
مع هالطريقه الخاطئه راح ينتج العكس وتتنشط الغدد وتزيد الزيوت وتسوء حالة بشرتك اكثر
كأنك قاعده تنبهينها بـ هالشي
ومن هالثأثيرات السلبيه الاخرى للغسيل الزايد للبشره هو ازالة ( الغطاء الحمضي )
الي يحمي البشره من البكتيريا عشان تمنعين هالسلبيات وقبل حدوث الالتهابات
تتجنبين الغسيل بهالطريقه و ضروري المنظفات والملطفات تكون مكوناتها
طبيعيه مثل اكليل الجبل والخزامى والليمون
( اي شي فيه حمض روعه للبشره الدهنيه ويوازي دهونها ) والشوفان والشاي و الصلصال والطين وحليب اللوز والكافور
والشوفان والفراوله وبياض البيض والعسل والخيار والليمون ومادة الكبريت وفيتامين A
برضوا الصوابين تناسبك شرط تكون خاليه من مادة الصابون المضره
ملاحظه : يبقى التنظيف الشامل والعميق ضروري لازالة الزيت عن سطح البشره والمكياج
والملوثات وغيرها من الاوساخ الي لو ماتنظفت بتكون سبب بأغلاق المسام وراح تطفح المشاكل
على الجلد من برا تذكري ان الحفاظ على البشره الدهنيه هو موازنة الدهون ونرجع افراز
الغدد الدهنيه لطبيعتها فقط يعني مانزيلها بالمره وسط
التونيك او الملطف
بعد خطوة التنظيف مباشره ويفضل يكون خالي من العطور عشان مايجرد
البشره من زيتها الطبيعي
المرطبات
الاحظ تهملون الترطيب عشان الدهون الزايده عندكم بالعكس تحتاجون اقولكم ليش ؟؟
المرطب الخفيف الغير مشبع بالزيوت مع الماء ضروري عشان يوازي الافراز بالبشره الدهنيه
اختاري المرطبات الي تحتوي على (الدهون الغير مشبعه )
هالنوع من المرطبات يرويها ويغذيها بدون لزاجه ولمعان وزيادة تزيت ومخصص للبشره الدهنيه
يعني مرطب خالي من الزيوت الدسمه والي ينفع معها
الزيوت العطريه وهي من مستخلصات النباتات مثال على الزيوت المغذيه والمرطبه
الي ماتخلي البشره دهنيه او مشحمه رغم ان اسمها زيوت بس ماتزيد من تزيت البشره بالعكس
موادها مهمه لها القدره بموازنة انتاج زيت البشره بدون ماتخلي الغدد تفرز زياده وهنا استعمالها
بيحل مشكلة التزيت بالبشره الدهنيه
وزيوت الاعشاب بعد تنعم وقابضه للانسجه وتشيل الشوائب ومداويه ومطهره وتعدل انتاج الزيت
من ضمنها : زيت الليمون والمراميه والعرعر وخشب الصندل وطبعا المحتويات الي فيها
الكريب فروت والخزامى واكليل الجبل وزيت الشوك
والبابونج والحبق وخشب الصندل راح يخففون الاحتقان
والمراميه وزيوت الكافور تتعمق بالبشره وتطهرها وزيت الخزامى يساعد على تطرية البشره
و الجوجوبا مع بعض الزيوت العطريه مثل البابونج الازرق
والورد والنعناع والمر مضاد للالتهاب و يعطي تأثير مبرد ومنعم بنفس الوقت مع التدليك عشان
يحرك الدوره الدمويه بالوجه
المقشرات
البشره الدهنيه تحتاج للتقشير مرتين بالاسبوع عشان المسام مايقفل بسبب زيادة الدهون
وبرضوا ماتتراكم الخلايا الميته والاوساخ راح يرمم البشره ويعيد لها نعومتها ونضارتها الطبيعيه
ايضا في اختيار المقشرات الحذر وقراية مكوناتها قبل شرائها
وقبل تبدين فيه تغسلين بـ ماء مايل للحراره شوي مو مره تحرقين بشرتك
وسط لانه زين للدهون يقللها ويفتح المسام ويهيئها
والفرك لاتنسون وش قلنا فوق تنبيييييه لآخر متسان بالعالم ممنوع البتاتا البته الدفاشه
بشويش بشويش كل شي يصير زين بيحلقك
مع المساج لمدة 3 الى اربع دقايق وتخلينه شوي يعني دقيقتين وبعدها تغسلينه بـ ماء دافي ثم فاتر ابعدوا عن البارد
الماسكات
مرتين بالاسبوع ويفضل يكون طبيعي ومكوناته تكون قابضه ومطهره
مثل النعناع ينعشها ويساعد على ازالة بقايا الزيت
والزيوت الي ذكرتها فوق مع الاقنعه تناسب البشره الدهنيه
الغير مشبعه لانها اساسا ماتزيت بتكون مضاد للسموم والتلوث وتسحب الاوساخ من البشره
الواقي الشمسي
ضروري جدا جدا ويكون خالي من الزيوت
( يتبع بالتفصيل تحت )