الله يسلممكم ليون ولولو وقمر وام رهوومه وام حمودي .. معليش تأخرت عليكم بقصة ولادتي بس ماااااافضيت أبد ...
يوم الأربعاء بالليل كان موعدي عند ناديه رحت سوت لي تخطيط لقلب البيبي واشعه وقالت لي كل شي سليم بس الجنين تبرز والمويه متعكره :44: قالت لي تروحين البيت تشربين خروع وتمشين وتاكلين رطب وتمر وتجيني بكره الصباح إذا مانفع معاك الخروع نعطيك طلق صناعي طلعت من عندها وأنا كذا:icon36: ومتحطططمممه مره نفذت اللي قالت لي وشربت علبة خروع كامله مع عصير ملعقه مع كل كوب بعدها جاني اسهال خفيييف ومغص خفيييف ونمت ولما صحيت الصباح اختفى المغص بعدها رحت المستشفى دخلت عندها قالت لي خلاص بكره الساعه 12 بالليل تجين ونعطيك الطلق وقالت لي اشربي خروع اليوم كمان المهم طلعت من عندها وشربت ملعقة خروع مع عصير ومشيت ساعه وسويت لي مغطس مويه حااره وجلست فيه بعدها قمت مشيت ساعه ورجعت سويت لي مغطس شويه بديت أحس بمغص خفيف وغرييب مع اسهال فرررحت مررره وجلست امشي واسوي تمارين القرفصاء وجلست احسب للمغص صار يجي كل عشر دقايق ويشد عليه كل مره اكثر انتظرت الين العصر قال زوجي لازم نروح المستشفى اكيد انها ولاده وانا اقول له مستحيييل ماعندي الم قوي مره عاد هوه أجبرني اني اروح واحنا في السياره يقول لي احس الرحم مفتوح 3سم قلت انا مستحيييييل المهم وصلنا وجهز اوراقي ودخلت قسم الولاده والممرضه تطالع فيني مستغربه شكلي لاني امشي عادي وما اتألم حسيتها تقول وش جابها ذي وهيه ماعندها ولاده خخخ المهم دخلتني وقاست الرحم قالت مفتوح 3 سم انجنيييييت من الفرحه وتدق على الدكتورة نادية وتطلبها وشويه جت ناديه وتقول وش اللي جابك قبل الموعد قلتلها حسيت بالم وجيت قاست الرحم قالت كويس 3 سم ودخلت عود خشبي فكت المويه وتنزل المويه الله يكرمكم صفرا مليانه براز وحطوا لي جهاز الطلق والنبض والحمدلله ماكنت اتألم كثير طبعاً أنا دخلت الولاده بعد العصر وجلست أتألم وأستفرغ والممرضات مررره رهيبات وعسل ويهتمووون فيني يمسحون على راسي وظهري وكل شوي يجيبون لي كيس استفرغ فيه كنت ارتااااح لما استفرغ وكل شويه تدخل عندي عاملة تنظيف عجوزه تطااالع فيني وانا اتألم تقول لي مدااام إس إسم انتي؟ واعلمها تقول لي خلاااص خلاااص حبيبي وتجلس خمس دقايق وترجع تدخل وتعيد نفس الكلام !!! حسيت اني بنفجر منها بس ماخاصمتهاحرااام ' شويه جت الممرضه قاست لقيته 4 ونص وقتها دقيت على زوجي قلت الغى ابرة الظهر خلااااص ما اتحمل راح يرتب اجراءات الابره خلال نص ساعه وحسيت الالم زاااد مره جت الممرضه قاست وجتها صدمه وقامت تنادي على الممرضات وتدق عالدكتورة وانا اقول لها اش فيه تقول دكتورة يجي انتي خلاص ولاده !!! قلت كم مفتوح قالت عشره !!! حسيت اني ابغى ازغرط من الفرحه خخخ قلت خلاص خلاص بولد؟ قالت ايوه خلاص يله بس دفي وحطت لي حق الرجول ولبستني شراب من الفخذ للقدم مررره ساتر ويريحك وتجي ناديه وتقيس وتقول ماشاءالله الخروع جاب نتيجه معاكي خلاص وقت ماتحسي بالم دفي ودفيت المره الاولى وتقول لي يله دفي دفي انا بشوف شعره حلو زي شعرك :tongue:وادف مره ثانيه وكنت اجمع نفسي قالت لي ناديه لاتجمعين نفسك اكتميه ودفي على تحت وسويت زي ماقالت وعلى طوول طلع بسهووله اللهم لك الحمد واخذته الممرضه نظفته وورتني اياه بسته واخذوه للحضانه وجلست تخيط من برا ماحسيت بشي بس الداخليه طلعت لي قروووون :icon36: واصييييح بقووه وهي تخيط وتقول لي انتي قدعه من البدايه كملي قدعنتك للاخر خخخ والحمدلله خيطت وخلصت ونظفوا الغرفه وطفوا اللمبات وقالوا لي نامي بس من الفرحه مانمت طبعا ماشاءالله خلصت الولاده قبل العشا بشوي ارتحت نص ساعه بعدين تعشيت وتروشت ولبست ملابسي وطلعتني الممرضه غرفتي الخاصه وجوا زوجي وعمتي جلسوا نص ساعه وراحوا والبيبي جلس في العنايه المتوسطه لانه نبرز وشرب من المويه وشرق فيها بس الحمد لله طلع سليم ماعنده شي وطلعنا بعد يومين ....

الولاده كلفت 4050
الحضانه 1500 لانها حضانة العنايه مو الحضانه العاديه
الغرفه الخاصه 250
الممرضات تعاملهم روووعه
ناديه تعاملها قمممممه في الرقي والمهنيه واخلاقها عااليه جدا ومريييحه لاقصى درجه تدعي لي وتسمي قبل لاتسوي اي شي
ممرضات الحضانه سيئات
اجرائات الدخول والخروج سييييئئئئئه الى اقصى درجه وحجتهم ان النظام عطلان !! خروجنا كان مقرر الساعه 4 ونص وبسبب الاجرائات تأخرنا الين الساعه 9 بالليل يعني تشرشحنا بقوووه !!!
الحضانه نصااابين كل شوي يطلعون لنا بتحليل عشان يسحبون فلوس وفالاخر كلها سليمه ولله الحمد ...
أكلهم لذيييييذ مرره وفي اي وقت تحتاجين اكل يجيبون لك خفايف ...
النظافه تماااام وممرضات التنويم عسل مره ...
اللهم لك الحمد كما ينبغي لجلال وجهك وعظيم سلطانك وعقبااااال الباقيات ربي بسهل عليكم ولاتنسوا الدعاء ...

فتاة لطيفة 
ماشاءالله تبارك الله صبرتي وربي يسرها لك
>>> شكلي بحط عيني على الخروع 😂 

فتاة لطيفة كنتي تمشين في التاسع ؟
ويالتواسع بديتوا مشي ولا باقي
لاني قلت للدكتورة سوسن اللي في البار ابدا امشي قالت لي لا مو الحين وانا جيتها وكنت داخله التاسع بأسبوع

الله يجزيكى الجنه ياام رهومه

مبروك ياقلبي فرحت لك مره مره الله يتمم لك ع خير يارب
وتفرحى بالمولود