جد الكمام صراحه روعه انا اخذته على عيالي ماتحسي بالم مره مريح تحسي كانك في عالم ثاني الحمد لله ربك الميسر ويارب ان ولادتي تتيسر

بنات ابي اعرف 
وشهو التامين الطبي ؟؟
يعني وش ممكن يفيدنا فية ؟؟
يعني البار الولادة عندهم بمبلغ وقدرة ممكن التامين يغطيها !!
افيدوني بليززز

جعلس ماتفقدين غالي

أبد والله
انشغلت عشان يوم العيد نزل علي دم وخفت
وعطوني مثبتات ابر وتحاميل
واستدعوني في مستشفى التخصصي الملك فيصل الرياض

وعلمتهم عن وضعي لان مستشفى تخصصي أبها ولدت عند قدرية ومحمد الأمين ولا حللو للطفل الي توفى ولا عطوني ابرة الفصيلة الي تنوخذ خلال 24 ساعه بعد الولادة
بصراحة مستشفى فاشل مافيه الاممدوح بس ممدوح مايولد يسوي عمليات بس انابيب وقيصري ولا يسال عقب عنك
الفريق الطبي همه الي يقومون بكل شي وهم فريق فاشل دام قدرية بينهم
المهم

أنا فصيلة دمي سالب وزوجي موجب وهذي اذا ما اخذ ابرة خلال اليوم الي اولد بطفلي الاول يصير لاسمح الله دمي اجسام مضادة للطفل الثاني هذا في حالة كان الطفل الاول زي ابوه موجب
وهذا مادري عنها لان ابها التخصصي ماحللو له

لذلك بعد مارحت موعدي للرياض التخصصي الملك فيصل ومركز الابحاث بصراحة نرحم وحالتنا حالة في الجنوب كل مستشفياتها الخاصة والحكومي فاشلة ويلعبون علينا ويمشونا باي شي

يالله لو تشوفون العناية والتحاليل والتدقيق في ابسط التفاصيل تنذهلون وتعرفون اننا هنا مساكين

المهم

حولوني على قسم الولادات الحرجة ومتابعة الحمل
دكتورين وموعدين وراء بعض وسونار بيكون بكره بحول الله
الموعد

هنا رحت للاحد من بداية الحمل واستهتار غير طبيعي
مافيه الا حسينه لابااس
طبعا انا فقدت ثقتي بالخاصة هنا عقب موقف وفاة ولدي في التخصصي
وكان مايتحرك الا حركة بااليوم فقط وانا بداية التاسع يضحكون علي ويستهترون يحسبون اني بكرية ولا اعرف ولا افهم في الحمل مادرو اني امي وقلبي كان حاس ان طفلي فيه شي
ومانسى قدرية قبل وفاة ولدي بيوم قلت ولجي ماتحرك اليوم الا مرة وحده تحت الجهاز حق التخطيط ضحكت باستهتار وقالت
داء ابنك بيرقص تحت الجهاز
هذا غير خياطتهم زي وجيهم
وماسوو تنظيف لين رحت لحسينة وسوت لي تنظيف عقب نزيف بثلاث اشهر وطلعت بقايا المشيمة

عموما يارب لايحرمني اجر شافعة سعد

ويخلي لي هذا الطفل ويحميه من كل سؤ ويارب تطلع فصيلتة زي دمي زيي سالب وارتاح نفسيا

الحين بحول الله نص الشهر الثالث

ألف مبروك للي ولدو مارحت لصفحات الاي وراء
بس بالحيل احبه
الله يقومها بالسلامة
ومبروك اذا كانت ولدت

التأمين الطبي هذا للي شغالين في شركات مثل ارامكو الاتصالات الكهرباء وغيرها 
يستقطعون من راتب ااموظف ويحددون له كذا مشفى اهلي متى ماحب يتعالج فيها وماعاد يدفع شي بس يبرز بطاقة العمل ..
..
وفيه تأمين للناس اللي ودها تأمن وهم موظفين حكومييين مثل التعاونية وبوبا ووووو الخخ 
...
بس البار مايعترفون بالتأمين .. كاش وبس وقبل الدخول حتى .. انا سألت وقالوا مالنا اي علاقة بالتأمين ..

رفيدية اسأل الله ان يعوضك من عنده 
معليش حبيبتي انا مثلك فصيلتي سالب وزوجي موجب وعيالي موجب يعني لازم الابرة .. ولا تخافين جارتي كانت كذا و تعالجت ف فيصل التخصصي وعوضها ربي ولدين زي العسل بعد مامات لها اول ولد بعد بناتها ... تفائلي حبيبتي وكله بأجره .. 

....

الله يفرج كرب كل مكروبة في هذا الصبح ..

ابشركم ولدت يوم السبت الظهر وجبت ولد في العسكري اللهم لك الحمد
باذن الله راجعه لكم بقصة ولادتي

والقائمه ياليت وحده منكم حبايبي تستلمها