هذي طريقتي بعجينة الفطاير وبتعجبك ان شاءالله ع ضمانتي وهي::
٢ كوب ماء دافي
٢ فنجان سكر
٢ ملعقه خميره فوريه
٢ ملعقه صغيره ملح
٨ ملاعق حليب جاف نيدو او اي نوع عندك
بيالتين زيت
الطرييييييقه ::
حطي جميع المقادير بالخلاط الكاس اسهل لك من الخلط بيدك واخلطيهم دقيقه وحطيهم بوعاء وحطي اربع اكواب دقيق وافضل الدقيق الكويتي واعجني واذا العجينه تلصق بيدك زيدي دقيق لحد ماتتماسك معك وغطيها بكيس وحطيها بمكان دافي يعني مو عند شباك او مروحه او مكيف حطيها مثلاً بالمايكرويف بسس بدون ماتشغلينه لاني دايم احط عجينتي فيه واتركيها ساعتين بعدين شكلي فطايرOTP
ع كيفك واذا خلصتي اتركي الفطاير ترتاح شوي يعني ربع ساعه علشان تظبط معاك وتطلع طريه ومنفوشه وشعلي الفرن من تحت درجه متوسطه ودخلي الفطاير وسكري الفرن لحد ماتشقر من تحت عقب شعلي من فوق لحد ماتشقررر وتوته توته خلصت الحدوته ههههه سويها الحين وجربي اذا اعجبتك اعتمديها بس والله ع ضمانتي فطاير احلى من الجاهزه حتى حمواني يقولون لزوجي ماراح نذوق فطاير الا من يدين زوجتك
الله يوفقك ويسعدك

المعجنات لازم تشغلي الفرن قبل دخولها ب7 دقايق والحراره وسط

الصبايا ماقصرو واذا طلعت من الفرن غطيها عشان ما تجبس او تصير قاسيه

للرفع

تسلموون يالغاليات والله ماقصرتو بس باقي طريقة شمس مين عندها طريقتها