آلي متضآيقه ومكسوره شوفوآ قصتي ومع كذآ بقيت قويه ..

بنات انا وربي كل ما اقرا مووضوع ينكسر قلبي وصرت دايم اردد ليه حنا الحريم يصير فينا كذا وليه وليه ليه حنا نحبهم ويحبون غيرنا ليه ندور رضاهم وهم طقاق ليه يسوون فينا كذا وليه وربي استغفرالله صرت اقول فلانه حظها احسن من حظي وفلانه وفلانه استغفرالله اللهم لاحسد وربي يهديني الي خلاني اكتب المووضوع ذا موضوع البنت الي هنا ومعاملت ابوها لها يوم مرسلها لاشوفك تجيني وربي حزنتني من جد وهذا هو ابوها .. كيف بـ الغريب
انا ياما عشت هموم وهموم عند اهلي وربي ماكان ناقصني شي كنت مدلـله ومدلعه بس مع كذا كنت ابي اتزوج ويكون لي بيت وزوج احبه ويحبني انخطبت وعشت احلام واحلام .. وربي يابنات بنيت كل احلامي عليه وخليته فارس احلامي ( محمد خيب ظني .. محمد خيب ظني ) بنيت وليتني مابنيت انصصصصصدمت فيه كثيرررر من بدايت زواجنا يحب وحده ومو قادر ينسى يخوني معها وصلت فيه جابها لبيتي ومعطيها السلسال الي انا معطيته اياه مكتوب عليه احبك عيشني معه ذل واهانه ودايم يردد انا مابيك اهلني زوجوني ومع هذا تحملت قلت يمكن يتغير لاني تعلقت فيه وربي وربي حياتي جحيييم وش اقول وش اخلي حسبي الله عليه بس وعلى اهله ماكان له راي يمشونه على كيفهم نفس الدميه تقلبونها ززي ماتبون تحملت ضضيمه وضيم اهله الله لايوفقهم ياعسى حوبتي ماتتعداهم سنتين وانا متحمله عشان احبه ومع ذلك حياتي معه ( خيانه _ ذل _ اهانات _ تجريح _ضرب _ يساومني بنعال غيري ) لالسان حلو ولاكلام نفس الناس كنت فاقده منه ( اهتمام _ حب _ دلال _ دلع _ احساس كزوجه_) كان عندي جسد بدون روح .. خلوها بالقلب بس .. يناديني باسم حبيبته وش اردى من هذي ياربي وش اردا يناديني باسمها ( اااه ياربي ) ليتني ماعرفته ..
وربي يعين .. عمري مانسيت يومه يقول انتي ماتسوين انعال فلانه انا مابيك زوجوني غصب والكلمه الي تردد بذوني وربي للحين ( انتي ماعندك كرامه انا مابيك اذلفي لهلك ) اااااخ مت وربي مت مسكت نفسي بقوه لايغمى علي من كلمته وجرحه وياليته لحالنا يوم قال الكلام لاجاب اهله عشان ينبسطون ) ياعسى حوبتي ماتتعداك يامحمد .. ربي كريم بس
وربي من بعد ماكنت احبه صرت اكرهه وربي وصلت فيني استنى يجيني اي تليفون يقولون تعوق انشل صار فيه شي استغفرالله ياربي مردي بفرح .. ترا مو بس انتو الي عايشين بهم يابنات كلنا مثل بعض ضحينا وش استفدنا اهم شي نتعلم من الي يصير معنا .. انا كل همي الحين بنتي وددراستي ادعولي الله يوفقني ويرزقني الزوج الصالح الي ينسيني كل شي عشته مع هادم اللذات ..
لحد يفكر بماضي راح عيشو حياتكم امانه لي متى تنهمون وتبكون على ناس ماهي كفو الي يجرحك اجرحيه الي يبيك لاتخلينه .. اهم شي وكلوا ربكم .. العمر مره وربي بكرا ربي يعوضنا ونصير نضحك ونقول فرجت ولله الحمد انتو بس اصبرو واهم شي اهم شي الدعاء .. عيشوا مردها تنفرج ..
الايمان بالله ان ربي ماراح يخليك .. تكفون يابنات ترا وربي صرت اضيق يوم اقرا مواضيعكم ياعمري عليكم
والي تقول ابوي كسر ظهري وحطمني ( الدنيا ماراح توقف على ابوك من جد لاتزعلين على كلامي ابوك قالك كذا ولا اهتم لاحاسيسك ليه انتي تهتمين ابوك فضل مرته عليكم وش تبين منه ) كملي دراستك اهم شي دراستك دراستك .. والله يوفقك يارب .. اهم شي البكالوريا يادوبا وشع << عصبت هع
دعواتكم بتوفيق من ربي .. وزوج يحبني ويخاف علي .. ودعواتي لكم ( الي تبي زوجها ربي يسخره لها ويوفقهم والي ماتبي ربي يعوضها بـ احسن منه والله يهدي الجميع )
تقبلوآ كلمآتي بصدر رحب .. حبيبآتي ..