آنتي جبرتيني اخذ زوجك 💔.

السلام عليكم ورحمه الله وبركاته
حبيباتي والله انقل لكم هالموضوع وانا مقهوره ع صاحبته سواء كان صح ولا لاء ولاكن والله صارت كثير وشفت هالشي من ناس اقرب لي من صحباتي وحبيت انقل لكم القصه لاني شايفه الخلق مدمنين سناب ،، وحتى انستقرام او اي برنامج المقصد من القصه انو مو كل احد يشوفك مبسوطه وكل شيء عندك بيدعيلك تدومم انتبهو من اقرب الناس لكم والله مو الكل ولاكن الاغلبيه كذا


ـــــــــــــــــــــــــ
سرقت زوجي بسبب سناب شات.
ـــــــــــــــــــــــــــــــــــ
هذه قصة حصلت لبنت خالتي في الدمام بسبب سناب شات نشروها
حق الكل ينتبه من مرضى القلوب والنفوس الحاسدة والحاقدة
😭😭😭إنتي جبرتيني آخذ زوجك😭😭😭قصتي كلكم تعيشونها وما أبيكم تخسرون حياتكم مثلي وتنتبهون بعدين ماينفع الندم وما أدري أتحسب على نفسي او زوجي او صديقتي
حسبي الله ونعم الوكيل 😭😭😭😭😭أنا قصتي مع السناب شات وتغطية حياتي كاملة بتفاصيلها لصديقاتي في السناب ما ابي أطول عليكم
زوجي طبعا مايشوف احد غيري الحمدلله مغرقته بكل شي ولا أستحي منكم والكل يعرف من عايلتنا شلون أحبه وهو يحبني ويموت فيني وعند عايلته هو المثل الأعلى في الأخلاق والدين ولو يتكلم كلمته مسموعة ولا خطر في بالي ان في يوم من الإيام أحد يسرقه مني
آه آه آه آه
كان هو طبعا مغرقني بخيره وأهتمامه وحبه وحنانه ومدلنعي فوق ما أحد يتصور لكن .............
كنت وللأسف أبث بث مباشر حق كل اللي معاي بالسناب الله يلعنه من برنامج ويلعن اللي أخترعه وسواه
وإلا البرنامج ماله ذنب المشكلة فيني وأستخدامي الخطأ له
يشتري لي هدايا
عطر
ذهب
يمشيني
أسواق مجمعات
يشغل لي شموع
بوكيه ورد
أي شي حلو تستانس فيه الزوجة
كنت أصوره دايركت وأرسله لأعز صديقات عمري🔪🔪🔪🔪🔪🔪🔪🔪🔪🔪
اللي وحدة فيهم الله لا يحللها ولايسامحها وبظل أدعي وأتحسب عليها طول عمري وعساها تمووووووووت وربي ياخذ روحها
بالسريع العاجل طعنتني في قلبي وخذت أعز ماعندي زوجي وأبوي وأبو عيالي وحبيبي ودنيتي
ولمعلومكم انها متزوجة لكن عرفت بعدين من صديقاتي انها كانت مو مرتاحة مع زوجها ودايما مشاكل وهي في بيت اَهلها ويوم حطت عينها على زوجي أصرت على أهلها تبي الطلاق وفعلا تطلقت حق تخرب حياة غيرها
طبعا حطت زوجي في رأسها وجابت رقمه والله لايحلل اللي وصلها حق زوجي
بدت ترسل له رسايل وكان يقول لي في رقم مزعجه لكن كنت مش مهتمه لإني واثقة فيه ماراح يرد عليها او يعطيها وجه لكن أعوذ بالله من شر خلقه
أدري طولت عليكم لكن من حر مافي قلبي
زوجي تغير 180 درجة وصارت حياتي تعيسة بعد ماكنت 😭😭😭😭😭😭 والكل يلومني قلنا لك انتبهي تحذري ومن شهر أخذها زوجي وانا بحسرتي ودموعي
اتصلت عليها وانا أصرخ عليها وألعنها وأصيح ليش طعنتيني ليش ليش ليش ردت على ببرود
إنتي جبرتيني آخذ زوجك
ماشبعتي من اللي سواه لك خليني أعيش معاه مثل ماعشتي وتدللتي وانا ما راح أحرمه منك لكن حالي حالك وإحنا ماسوينا غلط زواجنا على سنة الله ورسوله ومو من حقك تمنعينه ياخذ غيرك والشرع محلل له
سكرت في وجهي وانا ساكته وأتذكر أيامي الحلوة معاه وإني انا اللي جنيت على نفسي وما عرفت أحافظ على أسرتي 😔😔😔😔😔😔
نشروا قصتي ونقذوا غيركم من مرضى القلوب والنفوس
ولاتنسوني من دعاكم
ـــــــــــــــــــــــــ




كل وحده تعطيني رايها بهالموضوع وبكل ادب وذوق وكل وحده لها شخصيتها بالرد والله يسعدكم ويبعد عنا وعنكم بنات وعيال الحرام 💞.